6 ತಿಂಗಳಲ್ಲಿ 400 ಎನ್ಕೌಂಟರ್, ಯೋಗಿ ಸರ್ಕಾರದ ಹೊಸ ಸಾಧನೆ

ಲಕ್ನೋ, ಸೆಪ್ಟೆಂಬರ್ 17: ಉತ್ತರ ಪ್ರದೇಶ ರಾಜ್ಯದಲ್ಲಿ ನಡೆಯುತ್ತಿರುವ ಅಪರಾಧ ಚಟುವಟಿಕೆಗಳನ್ನು ಮಟ್ಟಹಾಕಲು ಉಗ್ರ ಕ್ರಮಗಳನ್ನು ಯೋಗಿ ಆದಿತ್ಯನಾಥ್ ಸರಕಾರ ತೆಗೆದುಕೊಂಡಿದೆ. ಪರಿಣಾಮ ಯೋಗಿ ಅಧಿಕಾರಕ್ಕೆ ಬಂದ ನಂತರ ಕಳೆದ 6 ತಿಂಗಳಲ್ಲಿ 400 ಎನ್ಕೌಂಟರ್ ಗಳಿಗೆ ಉತ್ತರ ಪ್ರದೇಶ ಸಾಕ್ಷಿಯಾಗಿದೆ.

ಈ ಎನ್ಕೌಂಟರ್ ಗಳಲ್ಲಿ 15 ಕ್ರಿಮಿನಲ್ ಗಳು ಕೊಲೆಯಾಗಿದ್ದರೆ, 54 ಜನರ ವಿರುದ್ಧ ರಾಷ್ಟ್ರೀಯ ಭದ್ರತಾ ಕಾಯ್ದೆಯಡಿ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ. ಇನ್ನು ಉತ್ತರ ಪ್ರದೇಶ ಡಕಾಯಿತಿ ಮತ್ತು ಸಮಾಜ ವಿರೋಧಿ ಚಟುವಟಿಕೆ ತಡೆ ಕಾಯ್ದೆಯಡಿಯಲ್ಲಿ 69 ಡಕಾಯಿತರ ಆಸ್ತಿಗಳನ್ನು ಮುಟ್ಟುಗೋಲು ಹಾಕಲಾಗಿದೆ.

ಈ ಎನ್ಕೌಂಟರ್ ಗಳಲ್ಲಿ 1,106 ಜನರನ್ನು ಬಂಧಿಸಲಾಗಿದ್ದರೆ, ಕಾರ್ಯಾಚರಣೆ ವೇಳೆ 84 ಜನರು ಗಾಯಗೊಂಡಿದ್ದಾರೆ. ಈ ಎಲ್ಲಾ ಎನ್ಕೌಂಟರ್ ಗಳ ಬಗ್ಗೆ ಜಿಲ್ಲಾಧಿಕಾರಿ ಮಟ್ಟದಲ್ಲಿ ತನಿಖೆಗಳಾಗಿವೆ. ಮತ್ತು ರಾಷ್ಟ್ರೀಯ ಮಾನವ ಹಕ್ಕು ಆಯೋಗಕ್ಕೂ ಈ ಬಗ್ಗೆ ಮಾಹಿತಿ ನೀಡಲಾಗಿದೆ.

English summary

Taking an aggressive approach against crime control, the Yogi Adityanath administration in Uttar Pradesh has carried out over 400 encounters in the past 6 months.