ಗುಜರಾತ್: ಕಾಂಗ್ರೆಸ್ ನಿಂದ 77 ಅಭ್ಯರ್ಥಿಗಳ ಮೊದಲ ಪಟ್ಟಿ ಬಿಡುಗಡೆ

ಅಹಮದಾಬಾದ್, ನವೆಂಬರ್ 20: ಗುಜರಾತ್ ವಿಧಾನಸಭೆ ಚುನಾವಣೆಗೆ ಬಿಜೆಪಿ ತನ್ನ ಅಭ್ಯರ್ಥಿಗಳ ಎರಡು ಪಟ್ಟಿಗಳನ್ನು ಬಿಡುಗಡೆ ಮಾಡಿದ ನಂತರ ಇದೀಗ ಕಾಂಗ್ರೆಸ್ ಕೂಡಾ ತನ್ನ ಅಭ್ಯರ್ಥಿಗಳ ಮೊದಲ ಪಟ್ಟಿ ಬಿಡುಗಡೆ ಮಾಡಿದೆ.

ಡಿಸೆಂಬರ್ 9ರಂದು ನಡೆಯಲಿರುವ ಮೊದಲ ಹಂತದ ಚುನಾವಣೆಗೆ ಸಂಬಂಧಿಸಿದಂತೆ 77 ಅಭ್ಯರ್ಥಿಗಳ ಪಟ್ಟಿ ಬಿಡುಗಡೆ ಮಾಡಿದೆ.

ವಿಶೇಷವೆಂದರೆ ಪಾಟೀದಾರ್ ಅನಾಮತ್ ಆಂದೋಲನ್ ಸಮಿತಿ (ಪಾಸ್) ಮತ್ತು ಕಾಂಗ್ರೆಸ್ ನಡುವೆ ಪಟೇಲರಿಗೆ ಮೀಸಲಾತಿ ನೀಡುವ ಸಂಬಂಧ ಒಪ್ಪಂದ ಏರ್ಪಟ್ಟ ನಂತರ ಈ ಪಟ್ಟಿ ಬಿಡುಗಡೆ ಮಾಡಲಾಗಿದೆ.

ಪಟೇಲರ ನಾಯಕ ಲಲಿತ್ ವಾಸೋಯ ಈ ಚುನಾವಣೆಯಲ್ಲಿ ಧೋರಾಜಿ ಕ್ಷೇತ್ರದಿಂದ ಅದೃಷ್ಟ ಪರೀಕ್ಷೆಗೆ ಇಳಿಯಲಿದ್ದಾರೆ.

This is our 1st Candidate list of 77 Candidates for #GujaratElection2017.

Congratulations & Best wishes to all the 77 Candidates. કોંગ્રેસ આવે છે, નવસર્જન લાવે છે! #NavsarjanGujarat pic.twitter.com/C8OCsbTavR

— Bharat Solanki (@BharatSolankee) November 19, 2017

ಜಾತಿವಾರು ಲೆಕ್ಕಾಚಾರ:

77 ಅಭ್ಯರ್ಥಿಗಳ ಪಟ್ಟಿಯಲ್ಲಿ11 ಜನ ಪರಿಶಿಷ್ಠ ಜಾತಿ, 7 ಅಭ್ಯರ್ಥಿಗಳು ಪರಿಶಿಷ್ಠ ಪಂಗಡ, 23 ಪಟೇಲರು, 12 ಕೋಲಿ ಸಮುದಾಯದಕ್ಕೆ ಸೇರಿದವರು, ಇಬ್ಬರು ಅಲ್ಪಸಂಖ್ಯಾತರು ಸ್ಥಾನ ಪಡೆದಿದ್ದಾರೆ.

ಮೊದಲ ಹಂತದ 89 ಕ್ಷೇತ್ರಗಳ ಚುನಾವಣೆಗೆ ನಾಮಪತ್ರ ಸಲ್ಲಿಸಲು ನಾಳೆ ಅಂದರೆ ನವೆಂಬರ್ 21 ಕೊನೆಯ ದಿನವಾಗಿದ್ದು ಕೇವಲ 2 ದಿನಗಳ ಮೊದಲು ಕಾಂಗ್ರೆಸ್ ತನ್ನ ಮೊದಲ ಪಟ್ಟಿ ಬಿಡುಗಡೆ ಮಾಡಿದೆ. ಮೊದಲ ಹಂತದಲ್ಲಿ 89 ಕ್ಷೇತ್ರಗಳಿಗೆ ಮತದಾನ ನಡೆಯಲಿರುವುದರಿಂದ ಕಾಂಗ್ರೆಸ್ ಎರಡನೇ ಪಟ್ಟಿಯನ್ನೂ ಸದ್ಯದಲ್ಲೇ ಬಿಡುಗಡೆ ಮಾಡಬೇಕಾಗಿದೆ.

ಡಿಸೆಂಬರ್ 14ರಂದು 93 ಕ್ಷೇತ್ರಗಳಿಗೆ ಎರಡನೇ ಹಂತದ ಮತದಾನ ನಡೆಯಲಿದೆ. ಡಿಸೆಂಬರ್ 18ರಂದು 182 ಕ್ಷೇತ್ರಗಳ ಫಲಿತಾಂಶ ಒಟ್ಟಾಗಿ ಹೊರ ಬೀಳಲಿದೆ.

English summary

The Congress party finally releases the first of 77 candidates for the upcoming assembly elections in Gujarat on Sunday.