'ಎಮ್ಮೆ ಕಾಯಲು ಹೋಗು' ಅಂತ ಬೈಯೋರು ಈ ವಿಡಿಯೋ ನೋಡಿ

Updated: Wednesday, November 24, 2021, 17:19 [IST]

ನವದೆಹಲಿ ನವೆಂಬರ್ 24: ಸಾಮಾನ್ಯವಾಗಿ ಅವಿದ್ಯಾವಂತ ಮಕ್ಕಳಿಗೆ 'ಎಮ್ಮೆ ಕಾಯಲು ಹೋಗು' ಅಂತ ಮನೆಯಲ್ಲಿ ಹಿರಿಯರು ಬೈಯೋದನ್ನ ನಾವು ಕೇಳಿದ್ದೇವೆ. ಅಥವಾ ಎಮ್ಮೆ ಥರ ತಿಂದು ತಿಂದು ಸೋಮಾರಿಯಾಗಿರುವೆ ಅಂತ ದೂರುವುದು ಸಾಮಾನ್ಯ. ಆದರೆ ಎಮ್ಮೆ ಕೂಡ ಬುದ್ಧಿ ಜೀವಿ ಅನ್ನೋದು ವಿಡಿಯೋ ಒಂದರಿಂದ ಸಾಬೀತಾಗಿದೆ. ಹಳ್ಳಿಯಿಂದ ಬಂದ ಈ ವಿಡಿಯೋ ನೋಡುಗರ ಗಮನ ಸೆಳೆದಿದೆ. ಜೊತೆಗೆ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿದೆ. 'ಎಮ್ಮೆ' ಅನ್ನೋ ಹೆಸರನ್ನು ಕರೆಯಲು ತುಂಬಾ ಸರಳ. ಆದರೆ ಕೆಲವರ ಮೇಲೆ ಈ ಹೆಸರು ಬಳಕೆ ಮಾಡುವುದು ತುಂಬಾ ನಾಚಿಕೆ ತರಿಸುವಂಥ ವಿಷಯ.

ಕೆಲವು ವಿದ್ಯಾವಂತರೂ ಕೂಡ ತಾವು ಎಂಎ(MA) ಮಾಡಿದ್ದೇವೆ ಎಂದು ಹೇಳಿಕೊಳ್ಳಲು ತುಂಬಾ ನಾಚಿಕೊಳ್ಳುವಷ್ಟು ಈ ಹೆಸರು ಜನರ ಮನಸ್ಸಿನಲ್ಲಿ ಉಳಿದಿದೆ. ಆದರೆ ಎಮ್ಮೆ ಕೂಡ ಬುದ್ಧಿ ಜೀವಿ ಅನ್ನೋದು ವಿಡಿಯೋವೊಂದು ಸಾಬೀತು ಮಾಡಿದೆ. ಇದನ್ನು ಇತ್ತೀಚಿನ ದಿನಗಳಲ್ಲಿ ವೈರಲ್ ಆಗುತ್ತಿರುವ ವಿಡಿಯೊವನ್ನು ನೋಡಿ ನೀವೇ ನಂಬಬಹುದು. ಐಪಿಎಸ್ ಅಧಿಕಾರಿ ದೀಪಾಂಶು ಕಾಬ್ರಾ ಅವರು ತಮ್ಮ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಎಮ್ಮೆಯ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಈ ವಿಡಿಯೋದಲ್ಲಿ ಎಮ್ಮೆ ನೀರು ಕುಡಿಯಲು ಹ್ಯಾಂಡ್ ಪಂಪ್ ಬಳಸುತ್ತಿರುವುದು ಕಂಡು ಬಂದಿದೆ.

अब बताओ - "अक्ल बड़ी या भैंस"? 😅 pic.twitter.com/ee4bipnEGZ
— Dipanshu Kabra (@ipskabra) November 19, 2021

IPS ಅಧಿಕಾರಿಯಿಂದ ದೃಶ್ಯ ಹಂಚಿಕೆ

ಎಮ್ಮೆ ಸ್ವತಃ ತಾನೇ ಪಂಪ್ ಮಾಡಿ ಟ್ಯಾಪ್ ಮೂಲಕ ನೀರು ಕುಡಿಯುವ ದೃಶ್ಯ ಈ ವಿಡಿಯೋದಲ್ಲಿದೆ. ಇದನ್ನು IPS ಅಧಿಕಾರಿ ದೀಪಾಂಶು ಕಾಬ್ರಾ ಟ್ವೀಟ್ ಮಾಡಿದ್ದಾರೆ. ಇದನ್ನು ಹಂಚಿಕೊಳ್ಳುವ ಮೂಲಕ ಅಧಿಕಾರಿ ಕಾಬ್ರಾ ಈ ಭಾಷಾವೈಶಿಷ್ಟ್ಯವನ್ನು ಬಳಸಿದ್ದಾರೆ. ಎಮ್ಮೆ ಬುದ್ಧಿವಂತಿಕೆ ಮತ್ತು ದೈಹಿಕ ಸಾಮರ್ಥ್ಯ ಎರಡನ್ನೂ ಹೊಂದಿದೆ. ಈ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿದೆ. ನೆಟ್ಟಿಗರು ಮೆಚ್ಚಿಕೊಂಡಿದ್ದಾರೆ. ಇದರಲ್ಲಿ ಎಮ್ಮೆ ಸ್ವತಃ ಟ್ಯಾಪ್ ಮಾಡುವ ಮೂಲಕ ನೀರು ಕುಡಿಯುತ್ತಿರುವುದನ್ನು ಕಾಣಬಹುದು.

ವಿಡಿಯೋ ವೈರಲ್

ಇಲ್ಲಿಯವರೆಗೆ ಲಕ್ಷಾಂತರ ಜನರು ಈ ವೀಡಿಯೊವನ್ನು ವೀಕ್ಷಿಸಿದ್ದಾರೆ. ಇದುವರೆಗೆ ಲಕ್ಷಾಂತರ ಜನರು ಈ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಈ ವೈರಲ್ ವಿಡಿಯೋದಲ್ಲಿ ಎಮ್ಮೆಗಳ ಹಿಂಡು ಕಾಣಿಸಿಕೊಂಡಿದೆ. ಅದೇ ಸಮಯದಲ್ಲಿ, ಕೈ ಪಂಪ್ ಬಳಿ ಎಮ್ಮೆ ನಿಂತಿರುವುದನ್ನು ಕಾಣಬಹುದು. ಆ ಎಮ್ಮೆಯ ಪಕ್ಕದಲ್ಲಿ ಪುಟ್ಟ ಕಟ್ಟೆ ಕೂಡ ಇರುವುದು ಗಮನಿಸಬುಹುದು.

ಹ್ಯಾಂಡ್ ಪಂಪ್ ಮಾಡುವ ದೃಶ್ಯ

ಇತರೆ ಎಮ್ಮೆಗಳೂ ಕೊಚ್ಚೆಯಲ್ಲಿ ನಿಂತಿರುವುದನ್ನು ಕಾಣಬಹುದು. ಆದರೆ ಅದರಲ್ಲಿದ್ದ ಎಮ್ಮೆಗೆ ಬಾಯಾರಿಕೆಯಾಗಿದ್ದು, ಕೊಂಬುಗಳನ್ನು ಬಳಸಿ ನೀರು ಬರಿಸುತ್ತದೆ.. ಎಮ್ಮೆ ಕೈ ಪಂಪ್ ಅನ್ನು ಕೊಂಬಿನ ಮೇಲೆ ಎತ್ತುತ್ತಾ ಇಳಿಸುವುದು ಮಾಡುತ್ತದೆ. ನಂತರ ನೀರು ಹೊರಬಂದ ಕೂಡಲೆ ನೀರನ್ನು ಕುಡಿಯುತ್ತದೆ. ಸ್ಥಳೀಯ ನಿವಾಸಿಯೊಬ್ಬರು ವಿಡಿಯೋ ರೆಕಾರ್ಡ್ ಮಾಡಿದ್ದಾರೆ.

ಎಮ್ಮೆ ಕೊಂಬು ಬಳಕೆ

ಎಮ್ಮೆಯ ಕೊಂಬುಗಳು ಬಹಳ ಉದ್ದವಾಗಿದೆ. ಎಮ್ಮೆಯ ಕೊಂಬುಗಳು ತುಂಬಾ ಉದ್ದವಾಗಿದ್ದು ಈ ಕೊಂಬುಗಳಿಂದ ಕೈ ಪಂಪ್ ಮೇಲಕ್ಕೆ ಮತ್ತು ಕೆಳಕ್ಕೆ ಚಲಿಸುತ್ತದೆ. ಬಾಯಾರಿಕೆ ನೀಗಿಸಿಕೊಳ್ಳಲು ಕೊಂಬಿನ ಸಹಾಯ ಪಡೆಯುತ್ತದೆ. ಇಂತಹ ಪರಿಸ್ಥಿತಿಯಲ್ಲಿ ಇತರೆ ಎಮ್ಮೆಗಳೂ ಅಲ್ಲಿ ನೀರು ಕುಡಿಯುತ್ತಿವೆ. ಈ ಅದ್ಭುತ ದೃಶ್ಯವನ್ನು ಹಲವಾರು ಬಾರಿ ಸಾಮಾಜಿಕ ಜಾಲತಾಣದಲ್ಲಿ ವೀಕ್ಷಿಸಿ ಶೇರ್ ಮಾಡಲಾಗಿದೆ.

ಗ್ರಾಮೀಣ ಪ್ರದೇಶದಲ್ಲಿ ಪ್ರಾಣಿಗಳು ಎಷ್ಟು ಚುರುಕಾಗಿರುತ್ತವೆ ಅನ್ನೋದನ್ನಕ್ಕೆ ಈ ವಿಡಿಯೋ ಸಾಕ್ಷಿಯಾಗಿದೆ. ಜೊತೆಗೆ ಜಾನುವಾರುಗಳು ತಮ್ಮ ಪಾಲಕರನ್ನು ಗಮನಿಸುವ ಮೂಲಕ ತಾವೂ ಕೂಡ ಅವರಂತೆ ನಡೆದುಕೊಳ್ಳುತ್ತವೆ ಅನ್ನೋದು ಸತ್ಯ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿರುವುದನ್ನು ಹೇಳಬೇಕಾಗಿಲ್ಲ. ಕೆಲ ದಿನಗಳ ಹಿಂದೆ ಮರಿ ಆನೆಯ ವಿಡಿಯೋ ಕೂಡ ವೈರಲ್ ಆಗಿತ್ತು. ಆದರೆ ಈ ವಿಡಿಯೋ ಎಲ್ಲಿಂದ ಬಂದಿದೆ ಅನ್ನೋದು ಮಾತ್ರ ತಿಳಿದು ಬಂದಿಲ್ಲ.