ಉತ್ತರ ಭಾರತದಲ್ಲಿ ದಟ್ಟ ಮಂಜು: ರೈಲು, ವಿಮಾನ ಸೇವೆಯಲ್ಲಿ ಬದಲಾವಣೆ

ಉತ್ತರ ಭಾರತದಲ್ಲಿ ಕೊರೆಯುವ ಚಳಿ ಹೆಚ್ಚಾಗಿದ್ದು ಜನ ಜೀವನ ಅಸ್ತವ್ಯಸ್ತಗೊಂಡಿದೆ. ಉತ್ತರ ಭಾರತದ ಜನರಿಗೆ ಮಂಜು ಹೆಚ್ಚು ಪ್ರಭಾವ ಬೀರಿದೆ. ಎಲ್ಲೆಡೆ ದಟ್ಟ ಮಂಜು ಆವರಿಸಿದ್ದು ಗೋಚರತೆ ಬಹುತೇಕ ಕಡಿಮೆಯಾಗಿದೆ. ಮಾತ್ರವಲ್ಲದೆ ಇದು ವಾಹನಗಳ ಸಂಚಾರಕ್ಕೆ ಅಡ್ಡಿಯನ್ನುಂಟು ಮಾಡಿದೆ. ಇದರಿಂದಾಗಿ ಭಾರತೀಯ ರೈಲ್ವೇ ನೂರಾರು ರೈಲುಗಳನ್ನು ರದ್ದುಗೊಳಿಸಿದೆ. ಅನೇಕ ರೈಲುಗಳು ತಮ್ಮ ನಿಗದಿತ ಸಮಯಕ್ಕಿಂತ ತಡವಾಗಿ ಓಡುತ್ತಿವೆ. ಉತ್ತರ ರೈಲ್ವೆ ವಲಯದಲ್ಲಿ ಮಂಜಿನಿಂದಾಗಿ 11 ರೈಲುಗಳು ತಡವಾಗಿ ಪ್ರಯಾಣಿಸಲಿವೆ. IRCTC ಇಂದು 291 ರೈಲುಗಳನ್ನು ರದ್ದುಗೊಳಿಸಿದೆ. ಯುಪಿ, ಬಿಹಾರ, ಪಶ್ಚಿಮ ಬಂಗಾಳದ ರೈಲುಗಳು ರದ್ದಾಗಿವೆ. ಭಾರತೀಯ ರೈಲ್ವೆ ತನ್ನ ವೆಬ್‌ಸೈಟ್‌ನಲ್ಲಿ ಈ ಮಾಹಿತಿಯನ್ನು ನೀಡಿದೆ.

ಉತ್ತರ ಭಾರತದಲ್ಲಿ ಹೆಚ್ಚು ಮಂಜು ಕವಿದಿದ್ದು ರೈಲುಗಳು ತಡವಾಗಿ ಓಡುವುದು ಮಾತ್ರವಲ್ಲದೆ, ವಿಮಾನ ಮತ್ತು ಬಸ್‌ಗಳ ಮೇಲೂ ಪರಿಣಾಮ ಬೀರಿದೆ. ದೆಹಲಿ, ಆಗ್ರಾ, ಮೀರತ್, ಮಥುರಾ ಮತ್ತು ಶಹಜಹಾನ್‌ಪುರ, ಬರೇಲಿಯ ರಸ್ತೆ ಮಾರ್ಗದ ಬಸ್‌ಗಳು ನಿಗದಿತ ಸಮಯಕ್ಕಿಂತ ತಡವಾಗಿ ಪ್ರಯಾಣಿಸುತ್ತಿವೆ. ಮತ್ತೊಂದೆಡೆ ಲಕ್ನೋದಿಂದ ಮುಂಬೈ ಮತ್ತು ಬೆಂಗಳೂರಿಗೆ ಇಂಡಿಗೋ ವಿಮಾನಗಳು ಮಂಜಿನಿಂದಾಗಿ ಇಂದು ವಿಳಂಬವಾಗಿವೆ. ಮತ್ತೊಂದೆಡೆ, ಸ್ಪೈಸ್ ಜೆಟ್ ನಿನ್ನೆ ರಾತ್ರಿಯೇ ಲಕ್ನೋದಿಂದ ದೆಹಲಿ ಮತ್ತು ಲಕ್ನೋದಿಂದ ಮುಂಬೈಗೆ ಹಾರಾಟವನ್ನು ರದ್ದುಗೊಳಿಸಿದೆ.

11 trains running late in the Northern Railway region due to fog.

(Pic shared by CPRO Northern Railway) pic.twitter.com/elU2OzS37h

— ANI (@ANI) December 20, 2022

ಯುಪಿ, ಬಿಹಾರ, ಬಂಗಾಳ ರೈಲು ರದ್ದು

12314 ಕೋಲ್ಕತ್ತಾ ಸೀಲ್ದಾ ಎಕ್ಸ್‌ಪ್ರೆಸ್

12423 ದಿಬ್ರುಗಢ ರಾಜಧಾನಿ ಎಕ್ಸ್‌ಪ್ರೆಸ್

12302, ಹೌರಾ ರಾಜಧಾನಿ ಎಕ್ಸ್‌ಪ್ರೆಸ್

02563 ವಾರಣಾಸಿ-ನವದೆಹಲಿ ವಿಶೇಷ ರೈಲು

12367 ಭಾಗಲ್ಪುರ್ - ಆನಂದ್ ವಿಹಾರ್ ವಿಕ್ರಮಶಿಲಾ ಎಕ್ಸ್‌ಪ್ರೆಸ್

12553 ಸಹರ್ಸಾ - ನವದೆಹಲಿ ವೈಶಾಲಿ ಎಕ್ಸ್‌ಪ್ರೆಸ್

12309 ರಾಜೇಂದ್ರ ನಗರ - ನವದೆಹಲಿ ರಾಜಧಾನಿ ಎಕ್ಸ್‌ಪ್ರೆಸ್

12393 ರಾಜೇಂದ್ರ ನಗರ - ನವದೆಹಲಿ ಸಂಪರ್ಕ ಕ್ರಾಂತಿ ಎಕ್ಸ್‌ಪ್ರೆಸ್

12559 ವಾರಣಾಸಿ - ನವದೆಹಲಿ ಶಿವಗಂಗೈ ಎಕ್ಸ್‌ಪ್ರೆಸ್

12488 ಸೀಮಾಂಚಲ್ ಎಕ್ಸ್‌ಪಿ

22531 ಛಾಪ್ರಾ ಮಥುರಾ ಎಕ್ಸ್‌ಪ್ರೆಸ್

12506 ಈಶಾನ್ಯ ಎಕ್ಸ್‌ಪ್ರೆಸ್

18203 ಬೆಟ್ವಾ ಎಕ್ಸ್‌ಪ್ರೆಸ್

22432 ಉಧಮ್‌ಪುರ್ ಸುಬೇದರ್‌ಗಂಜ್ ಎಕ್ಸ್‌ಪ್ರೆಸ್

18310 ಜಮ್ಮು ತಾವಿ ಎಸ್‌ಬಿಪಿ ಎಕ್ಸ್‌ಪಿ

02570 DBG ಕ್ಲೋನ್ ಎಕ್ಸ್‌ಪ್ರೆಸ್

02563 ಬ್ರೌನಿ NDLS SPL

12003 ಶತಾಬ್ದಿ ಎಕ್ಸ್‌ಪ್ರೆಸ್

19322 PNBE ಇಂದೋರ್ ಎಕ್ಸ್‌ಪಿ

15658 ಬ್ರಹ್ಮಪುತ್ರ ಎಕ್ಸ್‌ಪ್ರೆಸ್

12801 ಪುರುಷೋತ್ತಮ್ ಎಕ್ಸ್‌ಪ್ರೆಸ್

ಮೈಕೊರೆಯುವ ಚಳಿಗೆ ಹೈರಾಣದ ಜನ

ಭಾರತೀಯ ಹವಾಮಾನ ಇಲಾಖೆಯು ತನ್ನ ಇತ್ತೀಚಿನ ಅಪ್‌ಡೇಟ್‌ನಲ್ಲಿ ಮಂಜಿನ ಪರಿಣಾಮ ಉತ್ತರ ಭಾರತದಲ್ಲಿ ಹೆಚ್ಚಾಗಿರುವುದು ಕಂಡುಬರುತ್ತಿದೆ ಎಂದು ಹೇಳಿದೆ. ಹವಾಮಾನ ಇಲಾಖೆ ದೆಹಲಿ, ಪಂಜಾಬ್, ಯುಪಿ, ಬಿಹಾರ, ರಾಜಸ್ಥಾನ, ಎಂಪಿ, ಹರಿಯಾಣದಲ್ಲಿ ಮಂಜು ಮತ್ತು ಶೀತ ಅಲೆಗಳ ಆರೆಂಜ್ ಅಲರ್ಟ್ ನೀಡಿದೆ. ಮುಂದಿನ ಐದು ದಿನಗಳ ಕಾಲ ಇದು ಮುಂದುವರೆಯಲಿದ್ದು ಇಡೀ ಉತ್ತರ ಭಾರತದಲ್ಲಿ ಜನ ಮನೆ ಬಿಟ್ಟು ಹೊರಬರಲಾಗದಂತ ಸ್ಥಿತಿ ನಿರ್ಮಾಣವಾಗಿದೆ.

ದೆಹಲಿಯಲ್ಲೂ ಆರೆಂಜ್ ಅಲರ್ಟ್

ದೇಶದ ರಾಜಧಾನಿ ದೆಹಲಿಯಲ್ಲಿ ಚಳಿ ತನ್ನ ಕೋಪವನ್ನು ತೋರಿಸಲಾರಂಭಿಸಿದೆ. ಕಳೆದ ಎರಡು ದಿನಗಳಲ್ಲಿ ದೆಹಲಿಯ ತಾಪಮಾನದಲ್ಲಿ ಭಾರಿ ಇಳಿಕೆಯಾಗಿದೆ. ಈ ವೇಳೆ ದೆಹಲಿಯಲ್ಲಿ ದಟ್ಟವಾದ ಮಂಜು ಕವಿದಿದ್ದು, ಜನರು ಹೆಚ್ಚು ಚಳಿಯನ್ನು ಅನುಭವಿಸುತ್ತಿದ್ದಾರೆ. ಹವಾಮಾನ ಇಲಾಖೆ ಮಂಜು ಮತ್ತು ಚಳಿಗಾಳಿಯಿಂದ ಆರೆಂಜ್ ಅಲರ್ಟ್ ಘೋಷಿಸಿದ್ದು, ಮುಂದಿನ ಐದು ದಿನಗಳಲ್ಲಿ ದೆಹಲಿಯಲ್ಲಿ ತೀವ್ರ ಚಳಿಯಾಗಲಿದ್ದು, ಆರೋಗ್ಯದ ಬಗ್ಗೆ ಎಲ್ಲರೂ ಹೆಚ್ಚಿನ ಎಚ್ಚರಿಕೆ ವಹಿಸಬೇಕು ಎಂದು ಹೇಳಿದೆ.

ದೆಹಲಿಯಲ್ಲಿ ಉತ್ತುಂಗದಲ್ಲಿರುವ ವಾಯುಮಾಲಿನ್ಯ

ಇಂದು ದೆಹಲಿಯಲ್ಲಿ ಮಂಜು ಮುಸುಕಿದ ಕಾರಣ, ಜನರು ಬೆಳಿಗ್ಗೆ ಪ್ರಯಾಣಿಸಲು ಸಾಕಷ್ಟು ತೊಂದರೆಗಳನ್ನು ಎದುರಿಸಬೇಕಾಯಿತು. ದೆಹಲಿಯ ಪಾಲಂ ಪ್ರದೇಶದಲ್ಲಿ ಮುಂಜಾನೆ 5.30ರ ಸುಮಾರಿಗೆ 25 ಮೀಟರ್‌ಗಳಷ್ಟು ಗೋಚರತೆ ದಾಖಲಾಗಿದೆ. ಮುಂಬರುವ ದಿನಗಳಲ್ಲಿ ದೆಹಲಿಯಲ್ಲಿ ಮಾತ್ರವಲ್ಲದೆ ನೋಯ್ಡಾ, ಘಾಜಿಯಾಬಾದ್, ಫರಿದಾಬಾದ್ ಸೇರಿದಂತೆ ಎನ್‌ಸಿಆರ್‌ನಲ್ಲಿಯೂ ಮಂಜು ಮತ್ತು ಚಳಿಗಾಳಿ ಉಲ್ಬಣಗೊಳ್ಳಲಿದ್ದು, ಇಲಾಖೆ ಇಲ್ಲಿ ಎಚ್ಚರಿಕೆ ನೀಡಿದೆ.

ಹಾಗಾಗಿ ಮತ್ತೊಂದೆಡೆ ದೆಹಲಿಯಲ್ಲಿ ಮಾಲಿನ್ಯವೂ ಉತ್ತುಂಗದಲ್ಲಿದೆ. ಕೇಂದ್ರೀಯ ಮಾಲಿನ್ಯ ನಿಯಂತ್ರಣ ಮಂಡಳಿಯ ಪ್ರಕಾರ, ಇಂದಿಗೂ ಇಲ್ಲಿನ ಹಲವು ಪ್ರದೇಶಗಳಲ್ಲಿ AQI 400 ಮೀರಿದೆ.

ಇತ್ತ ಕಾಶ್ಮೀರ ಮತ್ತು ಹಿಮಾಚಲದಲ್ಲಿ ಇಂದಿಗೂ ತೀವ್ರ ಚಳಿ ಮುಂದುವರಿದಿದೆ. ಇಂದೂ ಕೂಡ ಕಾಶ್ಮೀರ ಮತ್ತು ಲಡಾಖ್ ಪ್ರದೇಶದಲ್ಲಿ ಹಿಮಪಾತವಾಗುವ ಸಾಧ್ಯತೆಯಿದ್ದು, ಬಿಹಾರ, ಛತ್ತೀಸ್‌ಗಢ, ಮಧ್ಯಪ್ರದೇಶ, ಉತ್ತರ ಪ್ರದೇಶ, ಪಂಜಾಬ್, ಹರಿಯಾಣ ಮತ್ತು ರಾಜಸ್ಥಾನದಲ್ಲಿ ಶೀತಗಾಳಿ ಮತ್ತು ಮಂಜಿನ ಬಗ್ಗೆ ಎಚ್ಚರಿಕೆ ನೀಡಲಾಗಿದೆ. ಆದರೆ ದಕ್ಷಿಣದಲ್ಲಿ ಹವಾಮಾನ ಸ್ಪಷ್ಟವಾಗಿರುತ್ತದೆ. ಆದರೆ ತಮಿಳುನಾಡು, ಬೆಂಗಳೂರಿನಲ್ಲಿ ಗಾಳಿಯು ತಣ್ಣಗಿರುತ್ತದೆ ಮತ್ತು ಹಗುರವಾದ ಗಾಳಿಯೊಂದಿಗೆ ಶುಷ್ಕ ಹವಾಮಾನ ಇರುತ್ತದೆ.

English summary

Foggy weather has increased in North India and many trains and flights have been cancelled. Buses, trains and flights are delayed due to low visibility.