ಅಗಸ್ಟಾವೆಸ್ಟ್ಲ್ಯಾಂಡ್ ಹಗರಣ: ‘ಎಸ್ಜಿ’ ಕೋಡ್ ವರ್ಡ್ ಹಿಂದಿನ ರಹಸ್ಯ?
ನವದೆಹಲಿ, ಡಿಸೆಂಬರ್ 24: ಭಾರತದಲ್ಲಿ ಸದ್ದು ಮಾಡಿದ 3,700 ಕೋಟಿ ಮೌಲ್ಯದ ಅಗಸ್ಟಾವೆಸ್ಟ್ಲ್ಯಾಂಡ್ ಹೆಲಿಕಾಪ್ಟರ್ ಡೀಲ್ ಪ್ರಕರಣದಲ್ಲಿ ಬಳಕೆಯಾದ 'ಎಸ್ಜಿ' ಎಂಬ ಸಂಕೇತದ ಹಿಂದಿನ ರಹಸ್ಯವನ್ನು ಜಾರಿ ನಿರ್ದೇಶನಾಲಯದ ಅಧಿಕಾರಿಗಳು ಪತ್ತೆ ಮಾಡಿದ್ದಾರೆ.
ಕೆಲವು ಶಂಕಿತರ ನಡುವೆ ನಡೆದ ದಾಖಲೆಗಳು ಮತ್ತು ಈ-ಮೇಲ್ ಸಂದೇಶಗಳ ವಿನಿಮಯದ ವೇಳೆ ಉಲ್ಲೇಖಿಸಿದ 'ಎಸ್ಜಿ' ಎಂಬ ಕೋಡ್ ವರ್ಡ್ ಹಿಂದಿನ ಅರ್ಥವೇ ಪ್ರಮುಖ ಆರೋಪಿ ಸುಷೇನ್ ಮೋಹನ್ ಗುಪ್ತಾ ಎಂಬುದು ಗೊತ್ತಾಗಿದೆ. ಕಳೆದ 2019ರ ಮಾರ್ಚ್ ತಿಂಗಳಿನಲ್ಲಿ ಇದೇ ಸುಷೇನ್ ಮೋಹನ್ ಗುಪ್ತಾರನ್ನು ತನಿಖಾಧಿಕಾರಿಗಳು ಬಂಧಿಸಿದ್ದರು.
ವಿವಿಐಪಿ ಹೆಲಿಕಾಪ್ಟರ್ ಡೀಲ್ ಪ್ರಕರಣಕ್ಕೆ ಸಂಬಂಧಿಸಿದ ಪೇಪರ್ಗಳಲ್ಲಿ ಹಲವೆಡೆ "ಎಸ್ಜಿ" ಎಂದು ಉಲ್ಲೇಖಿಸಲಾಗಿದೆಯೇ ಎಂದು ಕೇಳಿದ ಪ್ರಶ್ನೆಗೆ ಹಿರಿಯ ತನಿಖಾಧಿಕಾರಿಯೊಬ್ಬರು ಹೌದು ಎಂದು ಉತ್ತರಿಸಿದ್ದಾರೆ.
ಪೆನ್ ಡ್ರೈವ್ನಲ್ಲಿ ಸಿಕ್ಕ ಮಾಹಿತಿ:
2019ರ ಜನವರಿಯಲ್ಲಿ ಯುನೈಟೆಡ್ ಅರಬ್ ಎಮಿರೇಟ್ಸ್ನಿಂದ ಗಡೀಪಾರು ಮಾಡಿದ ಆರೋಪಿ ರಾಜೀವ್ ಸಕ್ಸೇನಾ ಸಲ್ಲಿಸಿದ ಪೆನ್ ಡ್ರೈವ್ನಿಂದ ಪಡೆದ ಮಾಹಿತಿಯನ್ನು ಕ್ರಾಸ್-ಚೆಕ್ ಮಾಡಿದ ನಂತರ ಜಾರಿ ನಿರ್ದೇಶನಾಲಯದ ಅಧಿಕಾರಿಗಳು ಈ ತೀರ್ಮಾನಕ್ಕೆ ಬಂದಿದೆ.
ಇ-ಮೇಲ್ ಸಂದೇಶ ವಿನಿಮಯ:
"SG" ಎಂಬ ಉಲ್ಲೇಖವನ್ನು ಹೊಂದಿರುವ ವಿವಿಧ ಘಟಕಗಳಿಗೆ ಹಣವನ್ನು ವರ್ಗಾಯಿಸಲು ಸಂಬಂಧಿಸಿದ ಹಲವು ಇ-ಮೇಲ್ ವಿನಿಮಯವನ್ನು ಜಾರಿ ನಿರ್ದೇಶನಾಲಯ ತಿಳಿದುಕೊಂಡಿದೆ. ಪೆನ್ಡ್ರೈವ್ನಲ್ಲಿ ಪ್ರಶ್ನಾರ್ಹ ವಹಿವಾಟಿನ ವಿವರಗಳೂ ಸಹ ಪತ್ತೆಯಾಗಿದ್ದು, ಅದು ಗುಪ್ತಾ ಅವರದ್ದು ಎಂದು ದೃಢಪಡಿಸಲಾಗಿದೆ. ಕೆಲವು ಘಟಕಗಳಿಗೆ ಹಣದ ವರ್ಗಾವಣೆ ಮತ್ತು ವಹಿವಾಟು ನಡೆಸಿರುವುದು ಪ್ರಶಾರ್ಹವಾಗಿದೆ.
ಡೈರಿಗಳಲ್ಲಿನ ನಮೂದು ಆಗಿರುವ ಅಂಶಗಳು ಮತ್ತು ಪ್ರಕರಣದ ಆರೋಪಿಗಳಿಗೆ ಸಂಬಂಧಿಸಿರುವ ಕೆಲವು ಹಾಳೆಗಳು, ಪತ್ರಗಳ ಮೂಲಕ ಸ್ವೀಕರಿಸಿದ ಬ್ಯಾಂಕ್ ಸ್ಟೇಟ್ಮೆಂಟ್ಗಳನ್ನು ಪರಿಶೀಲಿಸಲಾಗಿದೆ. ED ಪ್ರಕಾರ, 500ಕ್ಕೂ ಹೆಚ್ಚು ಅಡ್ಡ-ಉಲ್ಲೇಖಿತ ನಮೂದುಗಳು ಪೆನ್ ಡ್ರೈವ್ನಲ್ಲಿರುವ ದತ್ತಾಂಶದ ನೈಜತೆಯನ್ನು ಪ್ರಶ್ನಿಸುವಂತಿದೆ. ಇದು ಮಾರಿಷಸ್ ಮೂಲದ ಇಂಟರ್ಸ್ಟೆಲ್ಲರ್ ಟೆಕ್ನಾಲಜೀಸ್ ಲಿಮಿಟೆಡ್ನ ಖಾತೆಯ ವಹಿವಾಟಿನೊಂದಿಗೆ ಹೊಂದಿಕೆಯಾಗುತ್ತದೆ.
ಈ ಮೊದಲೇ ಆರೋಪಿಸಿದಂತೆ, ಅಗಸ್ಟಾ ವೆಸ್ಟ್ಲ್ಯಾಂಡ್ ಪರವಾಗಿ ವಿವಿಐಪಿ ಚಾಪರ್ ಒಪ್ಪಂದವನ್ನು ಮಾಡಿಕೊಳ್ಳಲು ಭಾರತೀಯ ಅಧಿಕಾರಿಗಳು ಮತ್ತು ರಾಜಕಾರಣಿಗಳಿಗೆ ಲಂಚ ನೀಡಲು ಗುಪ್ತಾಗೆ ಲಿಂಕ್ ಮಾಡಲಾದ ಇಂಟರ್ಸ್ಟೆಲ್ಲಾರ್ ಟೆಕ್ನಾಲಜೀಸ್ ಮೂಲಕ ಹಣವನ್ನು ರವಾನಿಸಲಾಗಿದೆ. ಸಲಹಾ ಮತ್ತು ಸೇವಾ ಒಪ್ಪಂದಗಳ ನೆಪದಲ್ಲಿ ಹಣವನ್ನು ಲಾಂಡರ್ ಮಾಡಲು ಸಾಗರೋತ್ತರ ಘಟಕಗಳ ವೆಬ್ ಅನ್ನು ಬಳಸಲಾಗಿದೆ.
SG ಎಂದರೆ ಸೋನಿಯಾ ಗಾಂಧಿ ಅಲ್ಲ:
ಈ ವಿಷಯದ ಕುರಿತು ಸುದ್ದಿ ವರದಿಯನ್ನು ಉಲ್ಲೇಖಿಸಿ, ತೆಲಂಗಾಣದ ಅಖಿಲ ಭಾರತ ಕಾಂಗ್ರೆಸ್ ಸಮಿತಿಯ ಉಸ್ತುವಾರಿ ಮತ್ತು ಸಂಸದ ಬಿ. ಮಾಣಿಕಂ ಟ್ಯಾಗೋರ್ ಶುಕ್ರವಾರ ಟ್ವೀಟ್ ಮಾಡಿದ್ದಾರೆ: ದಾಖಲೆಗಳಲ್ಲಿ ಉಲ್ಲೇಖಿಸಿದ "'SG' ಎಂಬುದರ ಅರ್ಥ ಸುಷೇನ್ ಮೋಹನ್ ಗುಪ್ತಾ, ಆಗಿದೆಯೇ ಹೊರತೂ ಸೋನಿಯಾ ಗಾಂಧಿ ಅಲ್ಲ. 2016ರಲ್ಲಿ ಸುಳ್ಳು ಸುದ್ದಿಗಳನ್ನು ಹರಡಿದ್ದಕ್ಕಾಗಿ ಮಾಧ್ಯಮಗಳು ಕ್ಷಮೆಯಾಚಿಸುತ್ತದೆಯೇ? ಶ್ರೀಮತಿ ಗಾಂಧಿಯಂತಹ ಪ್ರಾಮಾಣಿಕ ವ್ಯಕ್ತಿಯನ್ನು ಸಂಘಿಯವರು ಕ್ಷಮೆಯಾಚಿಸುತ್ತಾರೆಯೇ? ನಿಜವೇ ಮೇಲುಗೈ..ನಿಜ ಗೆಲ್ಲುತ್ತದೆ..." ಎಂದು ಬರೆದುಕೊಂಡಿದ್ದಾರೆ.
ಏಪ್ರಿಲ್ 2016ರಲ್ಲಿ, ಅಗಸ್ಟಾ ವೆಸ್ಟ್ಲ್ಯಾಂಡ್ ಪ್ರಕರಣದ ತೀರ್ಪಿನಲ್ಲಿ ಇಟಾಲಿಯನ್ ನ್ಯಾಯಾಲಯವು ಡಾಕ್ಯುಮೆಂಟ್ ಅನ್ನು ಉಲ್ಲೇಖಿಸುವಾಗ "ಸಿಗ್ನೋರಾ ಗಾಂಧಿ" ಎಂದು ನಾಲ್ಕು ಬಾರಿ ಉಲ್ಲೇಖಿಸಿದ ನಂತರ ಬಿಜೆಪಿಯು ಕಾಂಗ್ರೆಸ್ ಅಧ್ಯಕ್ಷೆ ಸೋನಿಯಾ ಗಾಂಧಿಯನ್ನು ಗುರಿಯಾಗಿಸಿತು.
ಫಿನ್ಮೆಕಾನಿಕಾದ ಮಾಜಿ ಅಧ್ಯಕ್ಷ ಗೈಸೆಪ್ಪೆ ಓರ್ಸಿ ಮತ್ತು ಅಗಸ್ಟಾವೆಸ್ಟ್ಲ್ಯಾಂಡ್ನ ಮಾಜಿ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಬ್ರೂನೋ ಸ್ಪಾಗ್ನೋಲಿನಿ ಅವರಿಗೆ ಶಿಕ್ಷೆ ವಿಧಿಸಿ ತೀರ್ಪು ನೀಡಿದ ನಂತರ 2018ರಲ್ಲಿ ಮೇಲ್ಮನವಿಯಲ್ಲಿ ನ್ಯಾಯಾಲಯವು ಹಿಂದಿನ ತೀರ್ಪನ್ನು ರದ್ದುಗೊಳಿಸಿತು.
-
Ananya Birla: ಆರ್ಸಿಬಿ ಅಭಿಮಾನಿಗಳು ಹಾಗೂ ಸಹೋದರನಿಗೆ ಅನನ್ಯಾ ಬಿರ್ಲಾ ವಿಶೇಷ ಸಂದೇಶ -
Karnataka Weather: ಬಿಸಿಲಿನಿಂದ ಕಂಗೆಟ್ಟಿದ್ದ ಕರುನಾಡಿಗೆ ತಂಪೆರೆಯಲಿದ್ದಾನೆ ವರುಣ; ಎಲ್ಲೆಲ್ಲಿ ಮಳೆ? ಇಲ್ಲಿದೆ ಮಾಹಿತಿ -
March 25 Horoscope: ಈ 3 ರಾಶಿಗಳಿಗೆ ಅದೃಷ್ಟದ ಬಾಗಿಲು ತೆರೆದುಕೊಳ್ಳಲಿದೆ -
SSLC ಇಂಗ್ಲೀಷ್ ಪರೀಕ್ಷೆ ಮುಕ್ತಾಯ: ಪೇಪರ್ ಹೇಗಿತ್ತು, ವಿದ್ಯಾರ್ಥಿಗಳು ಹಾಗೂ ಶಿಕ್ಷಕರು ಏನಂತಾರೆ? ಇಲ್ಲಿದೆ ವಿಶ್ಲೇಷಣೆ -
Karnataka Rains: ಧಾರಾಕಾರ ಮಳೆ! 7 ಜಿಲ್ಲೆಗಳಿಗೆ 'ಆರೆಂಜ್', 15ಕ್ಕೂ ಹೆಚ್ಚು ಜಿಲ್ಲೆಗಳಿಗೆ 'ಯೆಲ್ಲೋ' ಅಲರ್ಟ್ -
Gold: ಚಿನ್ನ ಖರೀದಿ ಮತ್ತು ಮಾರಾಟಕ್ಕೆ ಇದು ಒಳ್ಳೆಯ ಸಮಯವಲ್ಲ ಎಂದ ಅರ್ಥಶಾಸ್ತ್ರಜ್ಞೆ ಮೇರಿ ಜಾರ್ಜ್ -
ಡಬಲ್ ಡೆಕ್ಕರ್ ಫ್ಲೈಓವರ್ ಸಹಿತ ನಮ್ಮ ಮೆಟ್ರೋ ಕಾರಿಡಾರ್: ಯೋಜನೆಗೆ ಜೈಕಾದಿಂದ 6,775 ರೂ ಸಾಲ: BMRCL -
ಐಪಿಎಲ್ ಇತಿಹಾಸದಲ್ಲೇ ಆರ್ಸಿಬಿಯ ಹೊಸ ಅಧ್ಯಾಯ: 16,000 ಕೋಟಿಗೆ ಫ್ರಾಂಚೈಸಿ ಖರೀದಿಸಿದ ಆರ್ಯಮನ್ ಬಿರ್ಲಾ ಯಾರು? -
Gold Rate: ದಿಢೀರ್ ಏರಿಕೆ ಕಂಡ ಬಂಗಾರದ ಬೆಲೆ; ಬೆಂಗಳೂರಿನಲ್ಲಿ ಚಿನ್ನದ ದರ ಹೀಗಿದೆ.. -
Kishore Kumar Huli: ಮೋದಿ ಹೇಳಿಕೆ ಹಂಚಿಕೊಂಡು ನಿಮಗೆ ನಾಚಿಕೆ ಇದೆಯೇ ಎಂದ ನಟ ಕಿಶೋರ್ ಕುಮಾರ್ -
Jobs: ರಾಜ್ಯದ ಸರ್ಕಾರಿ ವಿವಿಗಳಲ್ಲಿ 1000 ಬೋಧಕ ಹುದ್ದೆಗಳ ಭರ್ತಿಗೆ ಸರ್ಕಾರ ಗ್ರೀನ್ ಸಿಗ್ನಲ್ -
ಸಂಸದ ಯದುವೀರ್ ಕೃಷ್ಣದತ್ತ ಚಾಮರಾಜ ಒಡೆಯರ್ ಈ ನಿರ್ಧಾರ ಎಲ್ಲರಿಗೂ ಮೇಲ್ಪಂಕ್ತಿಯಾಗಲಿ: ಪ್ರತಾಪ್ ಸಿಂಹ
Click it and Unblock the Notifications
Sign in with Google