ತಮಿಳುನಾಡು ಸಚಿವ ಸೆಂಥಿಲ್ ಬಾಲಾಜಿಯ ಅಕ್ರಮ ಬಂಧನ ಆರೋಪಗಳನ್ನು ನಿರಾಕರಿಸಿದ ಇಡಿ
ಚೆನ್ನೈ, ಜೂನ್. 26 : ತಮಿಳುನಾಡು ಸಚಿವ ವಿ.ಸೆಂಥಿಲ್ ಬಾಲಾಜಿ ಅವರನ್ನು ಜೂನ್ 13 ರಂದು ಬೆಳಗ್ಗೆ 7 ಗಂಟೆಯಿಂದ ಜೂನ್ 14 ರ ಮಧ್ಯರಾತ್ರಿ 1:39 ಕ್ಕೆ ಬಂಧಿಸುವವರೆಗೆ ಅಕ್ರಮವಾಗಿ ಬಂಧನದಲ್ಲಿಟ್ಟ ಆರೋಪವನ್ನು ಜಾರಿ ನಿರ್ದೇಶನಾಲಯ (ಇಡಿ) ನಿರಾಕರಿಸಿದೆ.
ವಿ.ಸೆಂಥಿಲ್ ಬಾಲಾಜಿ ಅವರ ಪತ್ನಿ ಮೇಗಾಲಾ ಅವರು ಸಲ್ಲಿಸಿದ್ದ ಹೇಬಿಯಸ್ ಕಾರ್ಪಸ್ ಅರ್ಜಿಗೆ ಪ್ರತಿ ಅಫಿಡವಿಟ್ ಸಲ್ಲಿಸಿರುವ ಜಾರಿ ನಿರ್ದೇಶನಾಲಯದ ಅಧಿಕಾರಿಗಳು, 2002ರ ಮನಿ ಲಾಂಡರಿಂಗ್ ತಡೆ ಕಾಯ್ದೆಯಡಿ ಜೂನ್ 13ರಂದು ಚೆನ್ನೈನಲ್ಲಿರುವ ತಮ್ಮ ಅಧಿಕೃತ ನಿವಾಸದಲ್ಲಿ ನಡೆಸಿದ ಶೋಧ ಕಾರ್ಯಾಚರಣೆಯಲ್ಲಿ ಸಚಿವರು ಹಾಜರಾಗಿದ್ದರು ಅಷ್ಟೇ. ಅವರನ್ನು ಅರ್ಜಿದಾರರು ಆರೋಪಿಸಿದಂತೆ ಅಕ್ರಮವಾಗಿ ಬಂಧಿಸಲಾಗಿಲ್ಲ ಎಂದಿದ್ದಾರೆ.
ಪ್ರಕರಣದ ತನಿಖಾಧಿಕಾರಿ (ಐಒ) ಉಪನಿರ್ದೇಶಕ ಕಾರ್ತಿಕ್ ದಾಸರಿ ಮಾತನಾಡಿ, ಜೂನ್ 13 ರಂದು ಇಡು ಶೋಧ ಪೂರ್ಣಗೊಂಡ ನಂತರ ಸಚಿವರಿಗೆ ಪಿಎಂಎಲ್ಎ ಸೆಕ್ಷನ್ 50 (2) ರ ಅಡಿಯಲ್ಲಿ ಸಮನ್ಸ್ ನೀಡಲಾಗಿದೆ. ಆದರೆ ಅವರು ಸಮನ್ಸ್ ಸ್ವೀಕರಿಸಿ, ಸ್ವೀಕೃತಿ ಪತ್ರಕ್ಕೆ ಸಹಿ ಹಾಕಲು ನಿರಾಕರಿಸಿದರು. ಅವರು ಬೆದರಿಕೆ ಹಾಕುವ ರೀತಿಯಲ್ಲಿ ವರ್ತಿಸಲು ಪ್ರಾರಂಭಿಸಿ, ತಾನು ರಾಜ್ಯದಲ್ಲಿ ಹಾಲಿ ಸಚಿವ ಎಂದು ಅಧಿಕಾರಿಯನ್ನು ಕೂಗಿ" ಎಂದು ಇಡಿ ವಿಶೇಷ ಪಬ್ಲಿಕ್ ಪ್ರಾಸಿಕ್ಯೂಟರ್ ಎನ್. ರಮೇಶ್ ಮೂಲಕ ಸಲ್ಲಿಸಿದ ಪ್ರತಿ ಅಫಿಡವಿಟ್ನಲ್ಲಿ ಹೇಳಲಾಗಿದೆ.
ಹೀಗಾಗಿ ಬೇರೆ ದಾರಿಯಿಲ್ಲದೆ, ತನಿಖಾಧಿಕಾರಿ ಜೂನ್ 14 ರಂದು ಇಬ್ಬರು ಸಾಕ್ಷಿಗಳ ಸಮ್ಮುಖದಲ್ಲಿ ಸಚಿವರ ಹೇಳಿಕೆಯನ್ನು ದಾಖಲಿಸಲು ಪ್ರಯತ್ನಿಸಿದರು. ಆದರೆ ಅವರು ಕೇಳಲಾದ ಯಾವುದೇ ಪ್ರಶ್ನೆಗಳಿಗೆ ಪ್ರತಿಕ್ರಿಯಿಸಲಿಲ್ಲ ಮತ್ತು ಸಂಪೂರ್ಣವಾಗಿ ಸಹಕರಿಸಲಿಲ್ಲ. ಕೊನೆಗೆ ಇಡಿ ಅಧಿಕಾರಿಗಳು ಸಚಿವರನ್ನು ಬಂಧಿಸಬೇಕಾಯಿತು. ಏಕೆಂದರೆ ಅವರು ಪಿಎಂಎಲ್ಎ ಪ್ರಕ್ರಿಯೆಗಳನ್ನು ತೆಗದು ಹಾಕಲು ಸಾಕ್ಷಿಗಳ ಮೇಲೆ ಪ್ರಭಾವ ಬೀರುವ ಜೊತೆಗೆ ಸಾಕ್ಷ್ಯಗಳನ್ನು ನಾಶಪಡಿಸಬಹುದು ಎಂದು ತನಿಖಾಧಿಕಾರಿ ಹೇಳಿದ್ದಾರೆ.
ಇದಲ್ಲದೆ, ಸಚಿವರ ವಿರುದ್ಧ ಎನ್ಫೋರ್ಸ್ಮೆಂಟ್ ಕೇಸ್ ಮಾಹಿತಿ ವರದಿ (ಇಸಿಐಆರ್) 2021 ರಲ್ಲಿ ದಾಖಲಾಗಿತ್ತು ಮತ್ತು ಅವರಿಗೆ 2022 ರಲ್ಲಿ ಸಮನ್ಸ್ ನೀಡಲಾಗಿತ್ತು. ಸಚಿವರು ಆ ಸಮನ್ಸ್ಗಳನ್ನು ಹೈಕೋರ್ಟ್ನಲ್ಲಿ ಪ್ರಶ್ನಿಸಿದ್ದರು. ಆದ್ದರಿಂದ ಅವರು ತಮ್ಮ ವಿರುದ್ಧ ದೀರ್ಘಕಾಲ ಬಾಕಿ ಇರುವ PMLA ಪ್ರಕ್ರಿಯೆಗಳ ಬಗ್ಗೆ ಚೆನ್ನಾಗಿ ತಿಳಿದಿದ್ದರು. ತನಿಖಾ ಸಂಸ್ಥೆಯೊಂದಿಗೆ ಸಹಕರಿಸಲಿಲ್ಲ ಎಂದು ತಿಳಿಸಿದ್ದಾರೆ.
ತನಿಖೆಯ ಸಂದರ್ಭದಲ್ಲಿ ಸಂಗ್ರಹಿಸಿದ ಸಾಮಗ್ರಿಗಳು ಮತ್ತು ಕೆಲವು ಸಹ ಆರೋಪಿಗಳು, ಸಂತ್ರಸ್ತರು ಮತ್ತು ಇತರ ಸಾಕ್ಷಿಗಳು ನೀಡಿದ ಹೇಳಿಕೆಗಳು ಸ್ಪಷ್ಟವಾಗಿ ತೋರಿಸಲ್ಪಟ್ಟಿರುವುದರಿಂದ ಹಣ ವರ್ಗಾವಣೆಯ ಅಪರಾಧದಲ್ಲಿ ಸಚಿವರು ತಪ್ಪಿತಸ್ಥರೆಂದು ನಂಬಲು ಬಲವಾದ ಕಾರಣಗಳಿವೆ ಎಂದು ಅಧಿಕಾರಿ ನ್ಯಾಯಾಲಯಕ್ಕೆ ತಿಳಿಸಿದ್ದಾರೆ. ವಿ.ಸೆಂಥಿಲ್ ಬಾಲಾಜಿ 2014 ರಿಂದ 15ರಲ್ಲಿ ಜಯಲಲಿತಾ ಅವರ ಸಂಪುಟದಲ್ಲಿ ಸಾರಿಗೆ ಸಚಿವರಾಗಿದ್ದಾಗ ನಡೆದ ಉದ್ಯೋಗಕ್ಕಾಗಿ ನಗದು ಹಗರಣದಿಂದ ಕಮಿಷನ್ ಹಣವನ್ನು ಬಳಸಿಕೊಂಡಿದ್ದಾರೆ ಎಂದಿದ್ದಾರೆ.
"ದೊಡ್ಡ ನಗದು ಠೇವಣಿಗಳ ಮೂಲವು ಅವರ ನಿಜವಾದ ಆದಾಯದಿಂದ ಬಂದಿದೆ ಎಂದು ತೋರಿಸಲು ಸಮರ್ಥನೆ ಅಥವಾ ಪುರಾವೆಗಳಿಲ್ಲ" ಎಂದು ಕಾರ್ತಿಕ್ ದಾಸರಿ ಹೇಳಿದ್ದಾರೆ. ಪಿಎಮ್ಎಲ್ಎ ನಿಯಮಗಳು, 2005, ನಿಯಮ 6 ರ PMLA, 2002 ರ ಸೆಕ್ಷನ್ 19 (1) ಅನ್ನು ಅನ್ವಯಿಸುವ ಮೂಲಕ ಸಚಿವರನ್ನು ಬಂಧಿಸಲಾಗಿದೆ. ಬಂಧನದ ಸಮಯದಲ್ಲಿ, ಸಚಿವರಿಗೆ ಅವರ ಬಂಧನದ ಕಾರಣವನ್ನು ತಿಳಿಸಲಾಯಿತು. ಆದರೆ ಅವರು ಅಂಗೀಕರಿಸಲು ಮತ್ತು ಸಹಿ ಮಾಡಲು ನಿರಾಕರಿಸಿದರು. ಆದ್ದರಿಂದ, ಇಬ್ಬರು ಸ್ವತಂತ್ರ ಸಾಕ್ಷಿಗಳ ಸಮ್ಮುಖದಲ್ಲಿ ಬಂಧನ ಆದೇಶವನ್ನು ಕಾರ್ಯಗತಗೊಳಿಸಲಾಯಿತು. ಸುಪ್ರೀಂ ಕೋರ್ಟ್ ನೀಡಿರುವ ಮಾರ್ಗಸೂಚಿ ಬಸು ಪ್ರಕರಣ ಹಾಗೂ ಸಂವಿಧಾನದ 22ನೇ ವಿಧಿಯ (ಬಂಧನದ ಆಧಾರಗಳನ್ನು ತಿಳಿಸುವ) ಅಂಶಗಳನ್ನು ಯಾವುದೇ ಲೋಪವಿಲ್ಲದೆ ಸಂಪೂರ್ಣವಾಗಿ ಅನುಸರಿಸಲಾಗಿದೆ" ಎಂದು ಇಡಿ ಪ್ರತಿಪಾದಿಸಿದೆ.
Click it and Unblock the Notifications
Sign in with Google