ದೇಶಿಯವಾಗಿ 5ಜಿ ತಂತ್ರಜ್ಞಾನ ವಿತರಣೆ; ಮೊದಲ ದೇಶವಾಗಲಿದೆ ಭಾರತ
ನವದೆಹಲಿ, ಆಗಸ್ಟ್. 3: "ಪ್ರಧಾನಮಂತ್ರಿ ನರೇಂದ್ರ ಮೋದಿ ಡಿಜಿಟಲ್ ಇಂಡಿಯಾದ ಮೇಲಿನ ವಿಶ್ವಾಸವನ್ನು ಹೆಚ್ಚಿಸಿದ್ದು, ಭಾರತವು ಈಗ ದೇಶೀಯ 5ಜಿ ತಂತ್ರಜ್ಞಾನವನ್ನು ಒದಗಿಸುವ ಮೊದಲ ದೇಶಗಳಲ್ಲಿ ಒಂದಾಗಿದೆ" ಎಂದು ಮಾಹಿತಿ ತಂತ್ರಜ್ಞಾನ ಖಾತೆ ಕೇಂದ್ರ ಸಚಿವ ರಾಜೀವ್ ಚಂದ್ರಶೇಖರ್ ಹೇಳಿದ್ದಾರೆ.
"ದೇಶೀಯ 5ಜಿ ತಂತ್ರಜ್ಞಾನವನ್ನು ಒದಗಿಸುವ ಮೊದಲ ದೇಶ ಭಾರತವಾಗಲಿದ್ದು, ಇದು ಭಾರತಕ್ಕೆ ಹೆಮ್ಮೆಯ ಕ್ಷಣವಾಗಿದೆ. ಇನ್ನೊಂದು ಪ್ರಮುಖ ವಿಷಯವೆಂದರೆ ಭಾರತದಲ್ಲಿ ವಿನ್ಯಾಸಗೊಳಿಸಲಾದ ಮತ್ತು ನಿರ್ಮಿಸಲಾದ 5ಜಿ ಪೀಳಿಗೆಯಲ್ಲಿ ಭಾರತವು ಮುಂದೆ ಸಾಗಲಿದೆ" ಎಂದರು.
"ನಾವು ಈಗ 5ಜಿಗಾಗಿ ಬಳಸುತ್ತಿರುವ ಉಪಕರಣಗಳನ್ನು ಹಿಂದೆಂದೂ ಬಳಸಿಲ್ಲ. ದೇಶದಲ್ಲಿ 2ಜಿ, 3ಜಿ, ಮತ್ತು 4ಜಿ ನೆಟ್ವರ್ಕ್ ಯಾವಾಗಲೂ ಹೊರಗಿನಿಂದ ಆಮದು ಮಾಡಿಕೊಳ್ಳುತ್ತಿತ್ತು. ಇಂದು ಪ್ರಧಾನಿಯವರ ನಾಯಕತ್ವದಿಂದಾಗಿ ನಾವು ಸರ್ಕಾರದಿಂದ 1.5 ಲಕ್ಷ ಕೋಟಿ ರೂಪಾಯಿಗಳನ್ನು ಪಡೆಯುತ್ತಿದ್ದೇವೆ. ಸ್ಪೆಕ್ಟ್ರಮ್ನ ಇತ್ತೀಚಿನ ಪೀಳಿಗೆಯ 5ಜಿ ನೆಟ್ವರ್ಕ್ ಅನ್ನು ಭಾರತದಲ್ಲಿ ವಿನ್ಯಾಸಗೊಳಿಸಿದ ಉಪಕರಣಗಳೊಂದಿಗೆ ನಾಗರಿಕರಿಗೆ ಲಭ್ಯವಾಗುವಂತೆ ಮಾಡುವುದು ಭಾರತಕ್ಕೆ ಇದು ಪ್ರಮುಖ ಮೈಲಿಗಲ್ಲು" ಎಂದು ಸಚಿವರು ವಿವರಿಸಿದರು.
ಜಿಯೋ, ಏರ್ಟೆಲ್ನಿಂದಲೂ 5ಜಿ ನೆಟ್ವರ್ಕ್
"ನಾವು 5ಜಿ ನೆಟ್ವರ್ಕ್ ಹೊಂದುವುದು ಬಹಳ ಮುಖ್ಯ. ಕಳೆದ ವಾರದಿಂದಲೇ ದೇಶದಲ್ಲಿ 5ಜಿ ಸ್ಪೆಕ್ಟ್ರಮ್ನ ಹರಾಜು ನಡೆಯುತ್ತಿದೆ. ಸ್ಪೆಕ್ಟ್ರಮ್ನಲ್ಲಿ ಆಯ್ಕೆಗಳಿವೆ. ಇನ್ನೊಂದು ಪ್ರಮುಖ ಮೈಲಿಗಲ್ಲು ಎಂದರೆ ನಾವು ಜಿಯೋ, ಏರ್ಟೆಲ್ ಮತ್ತು ಇತರ ಕಂಪನಿಗಳಿಂದಲೂ ಭಾರತದಲ್ಲಿ ಐದನೇ ತಲೆಮಾರಿನ ವೈರ್ಲೆಸ್ ತಂತ್ರಜ್ಞಾನವಾದ 5ಜಿ ತಂತ್ರಜ್ಞಾನವನ್ನು ಕಾರ್ಯಗತಗೊಳಿಸುತ್ತೇವೆ. ಇದು ಜನರಿಗೆ ಹೊಸ ಇಂಟರ್ನೆಟ್ ಸೇವೆಯನ್ನು ನೀಡುತ್ತದೆ" ಎಂದು ಸಚಿವರು ಹೇಳಿದರು.
5ಜಿ ನೆಟ್ವರ್ಕ್ ನನಗೆ ಗೊತ್ತಿರಲಿಲ್ಲ
"2015ರಲ್ಲಿ ಪ್ರಧಾನಿ ಮೋದಿ ಡಿಜಿಟಲ್ ಇಂಡಿಯಾವನ್ನು ಪ್ರಾರಂಭಿಸಿದಾಗ, ನಾನು ಸಹ ಪ್ರೇಕ್ಷಕರಲ್ಲಿ ಒಬ್ಬನಾಗಿದ್ದೆ. ನಾನು ಅವರ ಮಾತುಗಳನ್ನು ಕೇಳಿ ನಮ್ಮ ದೇಶವು ಇಷ್ಟು ಮಟ್ಟಿಗೆ ಪ್ರಗತಿಯಾಗುತ್ತದೆ ಹಾಗೂ 5- 6 ವರ್ಷಗಳಲ್ಲಿ ನಾವು ನಮ್ಮ ದೇಶದಲ್ಲಿ ವಿನ್ಯಾಸಗೊಳಿಸಲಾದ 5ಜಿ ನೆಟ್ವರ್ಕ್ ಅನ್ನು ಬಳಸುವ ಸ್ಥಾನವನ್ನು ತಲುಪುತ್ತೇವೆ ಎಂಬುದು ನನಗೆ ಗೊತ್ತಿರಲಿಲ್ಲ" ಎಂದರು.
88,078 ಕೋಟಿ ರೂ. ಮೊತ್ತಕ್ಕೆ ಖರೀದಿ
ಜಿಯೋದ 4ಜಿ ನೆಟ್ವರ್ಕ್ನ ವೇಗ, ಪ್ರಮಾಣ ಮತ್ತು ಸಾಮಾಜಿಕ ಪರಿಣಾಮವು ಜಗತ್ತಿನಲ್ಲಿ ಸಾಟಿಯಿಲ್ಲದ್ದಾಗಿದೆ. ಈಗ ಜಿಯೋ ಭಾರತದಲ್ಲಿ 5ಜಿ ತಂತ್ರಜ್ಞಾನ ಕ್ಷೇತ್ರದಲ್ಲಿ ನಾಯಕತ್ವದ ಪಾತ್ರವನ್ನು ವಹಿಸಲು ಸಿದ್ಧವಾಗಿದೆ. ಇದನ್ನು ಈಗಾಗಲೇ ಜಿಯೋ ಘೋಷಿಸಿದೆ. ರಿಲಯನ್ಸ್ ಜಿಯೋ 5ಜಿ ಸ್ಪೆಕ್ಟ್ರಮ್ನ ಪಾಲನ್ನು ಅತಿದೊಡ್ಡ ಮೊತ್ತ 88,078 ಕೋಟಿ ರೂ.ಗೆ ಖರೀದಿಸಿದೆ. ಒಟ್ಟು ಸ್ಪೆಕ್ಟ್ರಮ್ ಹರಾಜಿನಲ್ಲಿ ಜಿಯೋದ ಪಾಲು ಶೇಕಡಾ 50ಕ್ಕಿಂತ ಹೆಚ್ಚು ಇದೆ. ಹರಾಜು ಪ್ರಕ್ರಿಯೆಯು ಪೂರ್ಣಗೊಂಡ ನಂತರ ಕಂಪನಿಯು ಶೀಘ್ರದಲ್ಲೇ 5ಜಿ ನೆಟ್ವರ್ಕ್ ಅನ್ನು ಒದಗಿಸಲಿದೆ ಎಂದು ಜಿಯೋ ಹೇಳಿದೆ. ಇದು ಸಂಪೂರ್ಣವಾಗಿ ಭಾರತದ 5ಜಿ ನೆಟ್ವರ್ಕ್ ಆಗಿರುತ್ತದೆ.
ಸಾರ್ವಜನಿಕ ನೆಟ್ವರ್ಕ್ ಸ್ಥಾಪಿಸಲು ಬಳಕೆಯಾಗಲ್ಲ
ದೇಶದ ಶ್ರೀಮಂತ್ರ ಉದ್ಯಮಿ ಗೌತಮ್ ಅದಾನಿ ಮಾಲೀಕತ್ವದ ಕಂಪನಿಯು ಒಟ್ಟು 212 ಕೋಟಿ ಮೌಲ್ಯದ ತರಂಗಾಂತರಗಳಿಗೆ ಬಿಡ್ ಸಲ್ಲಸಿದೆ. ಅದಾನಿ ಅವರ ಕಂಪನಿಯು ಪಡೆಯಲಿರುವ ತರಂಗಾಂತರಗಳು ಸಾರ್ವಜನಿಕ ನೆಟ್ವರ್ಕ್ ಸ್ಥಾಪಿಸಲು ಬಳಕೆಯಾಗುವುದಿಲ್ಲ ಎನ್ನಲಾಗಿದೆ. ಸುನೀಲ್ ಭಾರ್ತಿ ಮಿತ್ತಲ್ ಮಾಲೀಕತ್ವದ ಭಾರ್ತಿ ಏರ್ಟೆಲ್ ಕಂಪೆನಿಯು ಒಟ್ಟು 43,084 ಕೋಟಿ ಮೌಲ್ಯದ ಬಿಡ್ ಸಲ್ಲಿಸಿದೆ. ವೋಡಫೋನ್ ಐಡಿಯಾ ಕಂಪನಿಯು 18,799 ಕೋಟಿ ಮೌಲ್ಯದ ಬಿಡ್ ಸಲ್ಲಿಸಿದೆ.
-
Gold Price: ಇಳಿಕೆಯತ್ತ ಚಿನ್ನ, ಬೆಳ್ಳಿ ಬೆಲೆ: ಇಂದಿನ ದರವೆಷ್ಟು? ಇಲ್ಲಿದೆ ಮಾಹಿತಿ -
Bengaluru Viral: ಆಟೋ ಚಾಲಕನ ಕ್ರಿಯೇಟಿವಿಟಿಗೆ ಬೆಂಗಳೂರು ನಿಜಕ್ಕೂ ಸೃಜನಶೀಲ ನಗರ ಎಂದ ನೆಟ್ಟಿಗರು -
SSLC ವಿಜ್ಞಾನ ಪರೀಕ್ಷೆ ಮುಕ್ತಾಯ: ಪೇಪರ್ ಹೇಗಿತ್ತು? ತಜ್ಞರು ಹಾಗೂ ವಿದ್ಯಾರ್ಥಿಗಳು ಏನಂತಾರೆ? ಇಲ್ಲಿದೆ ವಿಶ್ಲೇಷಣೆ -
Video: ಲ್ಯಾಂಬೋರ್ಗಿನಿ ಸ್ಟಂಟ್ ಕೇಸ್: ಮುತ್ತಪ್ಪ ರೈ ಪುತ್ರ ರಿಕ್ಕಿ ರೈಗೆ ಪೊಲೀಸರಿಂದ ನೋಟಿಸ್ -
Bengaluru Second Airport: ಬೆಂಗಳೂರು ಎರಡನೇ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣ: ಜಾಗ ಆಯ್ಕೆ ಕರ್ನಾಟಕಕ್ಕೆ ಬಿಟ್ಟ ಕೇಂದ್ರ -
Weekly Horoscope March 23-29: ಯಾರಿಗೆ ಲಾಭ, ಯಾರಿಗೆ ಸವಾಲು? ಸಂಪೂರ್ಣ ವಿವರ ಇಲ್ಲಿದೆ -
ಮೈಸೂರು, ಬೆಂಗಳೂರು, ವಿಜಯಪುರ ರೈಲು ಪ್ರಯಾಣಿಕರೇ ಗಮನಕ್ಕೆ; ರೈಲುಗಳ ಸಂಚಾರ ಭಾಗಶಃ ರದ್ದು -
Karnataka weather: ಬೆಂಗಳೂರು ಸೇರಿದಂತೆ 10ಕ್ಕೂ ಹೆಚ್ಚು ಜಿಲ್ಲೆಗಳಲ್ಲಿ ಮಳೆ ಮುನ್ಸೂಚನೆ ನೀಡಿದ IMD -
NWKRTC ಬಸ್ಗಳಿಗೆ ಟ್ರ್ಯಾಕಿಂಗ್ ಸಿಸ್ಟಮ್ ಅಳವಡಿಕೆಗೆ 'ಆಡಿಟ್' ಬಿಸಿ: ಜಗದೀಶ್ ಶೆಟ್ಟರ್ಗೆ ನಿತಿನ್ ಗಡ್ಕರಿ ಪತ್ರ -
Bengaluru Property: ಬೆಂಗಳೂರಿನ ಪ್ರಾಪರ್ಟಿ, ನಿರ್ಮಾಣ ಹಂತದ ಕಟ್ಟಡ - ರಿಯಲ್ ಎಸ್ಟೇಟ್ಗೆ ಏಕಾಏಕಿ ಪೆಟ್ಟು -
Jobs: ಆಯುಷ್ ಇಲಾಖೆ ನೇಮಕಾತಿ; ಬಿ.ಕಾಂ, ಬಿಬಿಎ ಓದಿದವರಿಗೆ ಬೆಂಗಳೂರಿನಲ್ಲಿ ಭರ್ಜರಿ ಉದ್ಯೋಗಾವಕಾಶ -
ಕೆಡಿ ಹಾಡಿನ ವಿವಾದ; ನಮ್ಮವರೇ ಕಾಲೆಳೆಯುವುದು ಸರಿಯಲ್ಲ: ಪ್ರೇಮ್ ಬೆಂಬಲಕ್ಕೆ ನಿಂತ ಯಶ್ ತಾಯಿ ಪುಷ್ಪ
Click it and Unblock the Notifications
Sign in with Google