Delhi BJP Manifesto 2025: ಬಿಜೆಪಿ ಪ್ರಣಾಳಿಕೆ ಪ್ರಕಟ: ₹500 ಸಬ್ಸಿಡಿ, ಮಾಸಿಕ ₹2,500 ನೆರವು, ಪ್ರಮುಖ ಅಂಶಗಳು

ನವದೆಹಲಿ, ಜನವರಿ 17: ದೆಹಲಿ ವಿಧಾನಸಭಾ ಚುನಾವಣೆ ಸಮೀಪಿಸುತ್ತಿದೆ. ಪ್ರಚಾರ ಕಾರ್ಯದಲ್ಲಿ ತೊಡಗಿರುವ ಬಿಜೆಪಿಯು ಇಂದು ಶುಕ್ರವಾರ ವಿವಿಧ ಭರವಸೆಗಳು ಇರುವ ಚುನಾವಣೆ ಪ್ರಣಾಳಿಕೆ ಬಿಡುಗಡೆ ಮಾಡಲಾಗಿದೆ. ಬಿಜೆಪಿ ಮುಖ್ಯಸ್ಥ ಮತ್ತು ಕೇಂದ್ರ ಸಚಿವ ಜೆ.ಪಿ ನಡ್ಡಾ ಅವರು ಪ್ರಣಾಳಿಕೆ ಬಿಡುಗಡೆ ಮಾಡಿದ್ದಾರೆ. ಮಾಸಿಕ ₹2,500 ನೆರವು ನೀಡುವು ಜೊತೆಗೆ ಮಹತ್ವದ ಭರವಸೆಗಳನ್ನು ನೀಡಲಾಗಿದೆ. ಮಹಿಳೆ ಮತ್ತು ಯುವಕರನ್ನು ಗಮನದಲ್ಲಿಟ್ಟುಕೊಂಡು ಪ್ರಕಟಿಸಲಾಗಿದೆ.

ದೆಹಲಿ ವಿಧಾನಸಭಾ ಚುನಾವಣೆಗೆ ಪ್ರಯುಕ್ತ ಇಂದು ದೆಹಲಿಯಲ್ಲಿ ಜನವರಿ 17ರಂದು ಸುದ್ದಿಗೋಷ್ಠಿ ನಡೆಸಿದರು. "ನಮ್ಮ 'ಸಂಕಲ್ಪ ಪತ್ರ'' ಹೆಸರಿನಲ್ಲಿ ದೆಹಲಿ ಜನರಿಗಾಗಿ ಪ್ರಣಾಳಿಕೆ ಬಿಡುಗಡೆ ಮಾಡಿದರು. ಬಳಿಕ ಪ್ರಣಾಳಿಕೆಯಲ್ಲಿನ ಅಂಶಗಳನ್ನು ಕುರಿತು ವಿವರಿಸಿದರು.

"ನಮ್ಮ 'ಸಂಕಲ್ಪ ಪತ್ರ'ವು ದೆಹಲಿಯ ಅಭಿವೃದ್ಧಿಗೆ ಅಡಿಪಾಯವಾಗಿದೆ. ಅಸ್ತಿತ್ವದಲ್ಲಿರುವ ಎಲ್ಲಾ ಕಲ್ಯಾಣ ಯೋಜನೆಗಳು ಮುಂದುವರಿಸುತ್ತೇವೆ. ಬಿಜೆಪಿ ದೆಹಲಿಯಲ್ಲಿ ಅಧಿಕಾರ ಹಿಡಿದರೆ 'ಮಹಿಳಾ ಸಮೃದ್ಧಿ ಯೋಜನೆ' ಅಡಿಯಲ್ಲಿ ದೆಹಲಿಯ ಮಹಿಳೆಯರಿಗೆ ತಿಂಗಳಿಗೆ 2,500 ರೂಪಾಯಿ ಆರ್ಥಿಕ ನೆರವು ಕೊಡುತ್ತೇವೆ ಎಂದು ಘೋಷಿಸಿದರು.

ಇನ್ನೂ ದೆಹಲಿಯಲ್ಲಿ ಗೃಹ ಬಳಕೆಯ LPG ಸಿಲಿಂಡರ್‌ ಉಯೋಗಿಸುವ ಎಲ್ಲರಿಗೂ 500 ರೂಪಾಯಿ ಸಬ್ಸಿಡಿ ನೀಡಲಾಗುವುದು.

ದೆಹಲಿ ಬಿಜೆಪಿಯು ಸದ್ಯ ಘೋಷಿಸಿರುವ ಯೋಜನೆಗಳು ಬಿಜೆಪಿ ಆಡಳಿತದಲ್ಲಿರುವ ರಾಜ್ಯಗಳಲ್ಲಿರುವ ಹಾಲಿ ಯೋಜನೆಗಳ ಮಾದರಿಯಲ್ಲಿವೆ. ಮಧ್ಯಪ್ರದೇಶದ 'ಲಾಡ್ಲಿ ಬೆಹ್ನಾ ಯೋಜನೆ' ಮತ್ತು ಮಹಾರಾಷ್ಟ್ರದ 'ಲಡ್ಕಿ ಬೆಹೆನ್ ಯೋಜನೆ' ಗಳಂತಹ ಬಿಜೆಪಿ ಆಡಳಿತದ ರಾಜ್ಯಗಳಲ್ಲಿ ಈಗಾಗಲೇ ಜಾರಿಯಲ್ಲಿರುವ ಯೋಜನೆಗಳಂತಿವೆ ಎಂದು ವಿಶ್ಲೇಷಿಸಲಾಗಿದೆ.

ಬಿಜೆಪಿ ಪ್ರಣಾಳಿಕೆ ಇತರ ಅಂಶಗಳು, ಪಟ್ಟಿ

* ಗರ್ಭಿಣಿ ಮಹಿಳೆಯರಿಗೆ ರೂ.21,000 ನೀಡುವ ಭರವಸೆ
* ದೆಹಲಿಯಲ್ಲಿ ಕೇವಲ 5 ರೂಪಾಯಿಗೆ ಪೌಷ್ಟಿಕ ಊಟ ಒದಗಿಸಲು ಜೆಜೆ ಕ್ಲಸ್ಟರ್‌ಗಳಲ್ಲಿ 'ಅಟಲ್ ಕ್ಯಾಂಟೀನ್‌'ಗಳ ಸ್ಥಾಪನೆ
* 60 ರಿಂದ 70 ವರ್ಷದೊಳಗಿನ ಹಿರಿಯ ನಾಗರಿಕರಿಗೆ ₹2,500 ಹಾಗೂ 70 ವರ್ಷಕ್ಕಿಂತ ಮೇಲ್ಪಟ್ಟವರಿಗೆ ₹3,000 ಪಿಂಚಣಿ ನೀಡುವ ಭರವಸೆ ಸಹ ಜೆಪಿ ನಡ್ಡಾ ಘೋಷಿಸಿದ್ದಾರೆ.

ಕೇಂದ್ರ ಸರ್ಕಾರ 2020ರಲ್ಲಿ ನೀಡಿದ್ದ 500 ಶೇಕಡಾ 99ರಷ್ಟು ಭರವಸೆಗಳನ್ನು ಸಾಕಾರ ಮಾಡಿದ್ದೇವೆ. 2019 ರಲ್ಲಿ, ನಾವು 235 ಭರವಸೆಗಳನ್ನು ನೀಡಿದ್ದೇವೆ ಮತ್ತು 225 ಭರವಸೆಗ ಈಡೇರಿಸಿದ್ದೇವೆ. ಉಳಿದವು ಅನುಷ್ಠಾನ ಹಂತದಲ್ಲಿವೆ ಎಂದು ಹಳೆಯ ಭರವಸೆಗಳ ಅನುಷ್ಠಾನ ಕುರಿತು ಮಾಹಿತಿ ನೀಡಿದರು.

English summary

BJP JP Nadda has released election manifesto for Delhi Assembly Election 2025: know Key highlights of BJP manifesto, BJP Promises Rs 500 LPG subcidy and Rs 2,500 for Women,