ಸಾಮಾಜಿಕ ಮಾಧ್ಯಮಗಳಲ್ಲಿ ಫೋಟೋ ಪೋಸ್ಟ್ ವಿರುದ್ಧ ಫತ್ವಾ
ಮುಸ್ಲಿಂ ಪುರುಷರು ಹಾಗೂ ಮಹಿಳೆಯರು ಸಾಮಾಜಿಕ ಮಾಧ್ಯಮಗಳಲ್ಲಿ ತಮ್ಮ ಹಾಗೂ ತಮ್ಮ ಕುಟುಂಬದವರ ಫೋಟೋಗಳನ್ನು ಹಾಕಬಾರದು ಎಂದು ದಾರುಲ್ ಉಲೂಮ್ ದೇವಬಂದ್ ನಿಂದ ಉತ್ತರಪ್ರದೇಶದ ಸಹರಾನ್ ಪುರ್ ನಲ್ಲಿ ಫತ್ವಾ ಹೊರಡಿಸಲಾಗಿದೆ.
ಕುರಾನ್ ಬಗ್ಗೆ ಸಲ್ಮಾನ್ ರಶ್ದಿ ಮತ್ತೊಂದು ವಿವಾದಕಾರಿ ಹೇಳಿಕೆ
ಬುಧವಾರ ಫತ್ವಾ ಹೊರಡಿಸಿದ್ದು, ಫೆಸ್ ಬುಕ್, ವಾಟ್ಸ್ ಅಪ್ ನಂಥ ಸಾಮಾಜಿಕ ಮಾಧ್ಯಮ ವೆಬ್ ಸೈಟ್ ಗಳಲ್ಲಿ ತಮ್ಮದು ಹಾಗೂ ತಮ್ಮ ಕುಟುಂಬದವರ ಫೋಟೋಗಳನ್ನು ಹಾಕಲು ಇಸ್ಲಾಮ್ ನಲ್ಲಿ ಅವಕಾಶವಿಲ್ಲ ಎಂದು ಹೇಳಲಾಗಿದೆ.
ಸಾಮಾಜಿಕ ಮಾಧ್ಯಮಗಳಿಗೆ ಫೋಟೋಗಳನ್ನು ಪೋಸ್ಟ್ ಮಾಡಲು ಇಸ್ಲಾಮ್ ನಲ್ಲಿ ಅವಕಾಶ ಇದೆಯೇ ಎಂದು ವ್ಯಕ್ತಿಯೊಬ್ಬರು ಪ್ರಶ್ನೆ ಮಾಡಿದ್ದರು. ಅದಕ್ಕೆ ಸಂಬಂಧಿಸಿದಂತೆ ದಾರುಲ್ ಉಲೂಮ್ ದೇವ್ ಬಂದ್ ನಿಂದ ಫತ್ವಾ ಹೊರಡಿಸಲಾಗಿದೆ.
ಇಲ್ಲಿನ ಮದರಸಾಕ್ಕೆ ಸಂಬಂಧಿಸಿದ ಇಸ್ಲಾಂ ವಿದ್ವಾಂಸ ಮುಫ್ತಿ ತಾರೀಕ್ ಖಸ್ಮಿ ಮಾತನಾಡಿ, ಫೋಟೋಗಳ ಮೇಲೆ ಅನಗತ್ಯವಾಗಿ ಕ್ಲಿಕ್ಕಿಸುವುದಕ್ಕೇ ಇಸ್ಲಾಮ್ ನಲ್ಲಿ ಅವಕಾಶ ಇಲ್ಲದಿರುವಾಗ ಸಾಮಾಜಿಕ ಮಾಧ್ಯಮಗಳಲ್ಲಿ ಫೋಟೋ ಪೋಸ್ಟ್ ಮಾಡಲು ಅವಕಾಶ ಇರಲು ಹೇಗೆ ಸಾಧ್ಯ ಎಂದಿದ್ದಾರೆ.