ಭಾರತ್ ಬಯೋಟೆಕ್ನ ನೇಸಲ್ ಲಸಿಕೆ ಖಾಸಗಿಯವರಿಗೆ 800 ರೂ. ಸರ್ಕಾರಕ್ಕೆ 325 ರೂ ನಿಗದಿ
ನವದೆಹಲಿ, ಡಿ. 27: ಕೋವಿಡ್ 19 ವಿರುದ್ಧ ಮೂಗಿನ ಲಸಿಕೆಯನ್ನು ನೀಡುವುದಕ್ಕೆ ಕೇಂದ್ರ ಸರ್ಕಾರ ಇತ್ತೀಚೆಗೆ ಅನುಮೋದನೆ ನೀಡಿದೆ. ಇದರ ಬೆನ್ನಲ್ಲೇ ಭಾರತ್ ಬಯೋಟೆಕ್ ಇಂಟರ್ನ್ಯಾಶನಲ್ ಲಿಮಿಟೆಡ್ ದರ ನಿಗದಿ ಮಾಡಿ ಪ್ರಕಟಿಸಿದೆ.
ಕೇಂದ್ರದಿಂದ ಅನುಮೋದನೆ ಪಡೆದ ಕೋವಿಡ್ ನೇಸಲ್ ಲಸಿಕೆ ಖಾಸಗಿ ಸರಬರಾಜಿಗೆ 800 ರೂಪಾಯಿಗೆ ಮತ್ತು ಸರ್ಕಾರಕ್ಕೆ ಸರಬರಾಜು ಮಾಡುವ ಬೆಲೆ 350 ರೂಪಾಯಿ ಎಂದು ಭಾರತ್ ಬಯೊಟೆಕ್ ಸಂಸ್ಥೆ ನಿಗದಿಪಡಿಸಿದೆ. ಈ ಲಸಿಕೆಯನ್ನು ಹೆಟೆರೊಲಾಜಸ್ ಬೂಸ್ಟರ್ ಆಗಿ ಬಳಸಲಾಗುತ್ತದೆ.
ಮಂಗಳವಾರ ಪ್ರಕಟಣೆ ಹೊರಡಿಸಿರುವ ಸಂಸ್ಥೆಯು ಭಾರತ್ ಬಯೋಟೆಕ್ ಲಸಿಕೆಯನ್ನು 2023 ರಲ್ಲಿ ಜನವರಿ ನಾಲ್ಕನೇ ವಾರದಲ್ಲಿ ಹೊರತರಲಾಗುವುದು ಎಂದು ಹೇಳಿದೆ.
ಇನ್ಕೊವ್ಯಾಕ್ (iNCOVACC) ಲಸಿಕೆಯನ್ನು 18 ವರ್ಷಕ್ಕಿಂತ ಮೇಲ್ಪಟ್ಟವರಿಗೆ ಬೂಸ್ಟರ್ ಶಾಟ್ ಆಗಿ ಹೊರತರಲಾಗುತ್ತಿದೆ. ಇದು ಪ್ರಾಥಮಿಕ 2 ಡೋಸ್ ವೇಳಾಪಟ್ಟಿಗೆ ಅನುಮೋದನೆಯನ್ನು ಪಡೆದ ವಿಶ್ವದ ಮೊದಲ ಇಂಟ್ರಾನಾಸಲ್ ಕೋವಿಡ್ ಲಸಿಕೆಯಾಗಿದೆ. ಇದು ಭಿನ್ನರೂಪದ ಬೂಸ್ಟರ್ ಡೋಸ್ ಆಗಿದೆ ಎಂದು ಭಾರತ್ ಬಯೋಟೆಕ್ ಹೇಳಿದೆ.
ಹೇಳಿಕೆಯ ಪ್ರಕಾರ ಮೂರನೆ ಹಂತದ ಪ್ರಯೋಗಗಳನ್ನು ಭಾರತದಾದ್ಯಂತ 14 ಪ್ರಾಯೋಗಿಕ ಸೈಟ್ಗಳಲ್ಲಿ ಸುಮಾರು 3100 ವಿಷಯಗಳಲ್ಲಿ ಸುರಕ್ಷತೆ, ಇಮ್ಯುನೊಜೆನಿಸಿಟಿಗಾಗಿ ನಡೆಸಲಾಗಿದೆ. ಹೆಟೆರೊಲಾಜಸ್ ಬೂಸ್ಟರ್ ಡೋಸ್ಗಾಗಿ 875 ವಿಷಯಗಳಲ್ಲಿ ಸುರಕ್ಷತೆ ಮತ್ತು ಇಮ್ಯುನೊಜೆನಿಸಿಟಿಗಾಗಿ ಅಧ್ಯಯನಗಳನ್ನು ನಡೆಸಲಾಗಿದೆ ಎಂದು ಮಾಹಿತಿ ನೀಡಿದೆ.
ಸಂಸ್ಥೆಯ ಕಾರ್ಯನಿರ್ವಾಹಕ ಅಧ್ಯಕ್ಷರಾದ ಕೃಷ್ಣ ಎಲ್ಲಾ ಹೇಳುವಂತೆ "ನಾವು ಕೋವ್ಯಾಕ್ಸಿನ್ ಮತ್ತು ಇನ್ಕೊವ್ಯಾಕ್ ಲಸಿಕೆಗಳನ್ನು ಅಭಿವೃದ್ಧಿಪಡಿಸಿದ್ದೇವೆ. ಎರಡು ವಿಭಿನ್ನ ಪ್ಲಾಟ್ಫಾರ್ಮ್ಗಳಿಂದ ಎರಡು ಕೊರೊನಾ ಲಸಿಕೆಗಳನ್ನು ಮಾಡಲಾಗಿದೆ" ಎಂದು ಮಾಹಿತಿ ನೀಡಿದ್ದಾರೆ.
ಇನ್ಕೊವ್ಯಾಕ್ ಲಸಿಕೆಯನ್ನು ವಾಷಿಂಗ್ಟನ್ ಯೂನಿವರ್ಸಿಟಿ, ಸೇಂಟ್ ಲೂಯಿಸ್ ಸಹಭಾಗಿತ್ವದಲ್ಲಿ ಅಭಿವೃದ್ಧಿಪಡಿಸಲಾಗಿದೆ. ಜಗತ್ತಿನ ಮೊದಲ ಕೊರೊನಾವೈರಸ್ ಇಂಟ್ರಾ-ನಾಸಲ್ ಲಸಿಕೆಗೆ ನವೆಂಬರ್ 28ರಂದು ಅನುಮೋದನೆ ನೀಡಲಾಗಿತ್ತು. ತುರ್ತು ಸಂದರ್ಭಗಳಲ್ಲಿ 18 ವರ್ಷ ಮೇಲ್ಪಟ್ಟವರಿಗೆ ಭಾರತ್ ಬಯೋಟೆಕ್ನ ಸೂಜಿ-ಮುಕ್ತ ಇಂಟ್ರಾನಾಸಲ್ ಕೋವಿಡ್ ಲಸಿಕೆಯನ್ನು ಬಳಸಲು ಈ ಮೊದಲು ವಿಧಿಸಿದ್ದ ನಿರ್ಬಂಧವನ್ನು ತೆಗೆದು ಹಾಕಲಾಗಿದೆ.
Click it and Unblock the Notifications
Sign in with Google