ಭಾರತದಲ್ಲಿ ಕೊರೊನಾವೈರಸ್ ಎಕ್ಸ್ಇ ಹೊಸ ರೂಪಾಂತರಿ ಪತ್ತೆ; ಆದರೂ ಭಯ ಬೇಕಿಲ್ಲ!

ನವದೆಹಲಿ, ಮೇ 3: ಭಾರತದಲ್ಲಿ ಕೊರೊನಾ ವೈರಸ್ ಸಾಂಕ್ರಾಮಿಕ ಪಿಡುಗಿನ ಹಾವಳಿ ನಡುವೆ ಎಕ್ಸ್ಇ ಹೊಸ ರೂಪಾಂತರಿ ಪತ್ತೆಯಾಗಿದೆ ಎಂದು ಭಾರತೀಯ SARS-CoV2 ಜೀನೋಮಿಕ್ಸ್ ಸೀಕ್ವೆನ್ಸಿಂಗ್ ಕನ್ಸೋರ್ಟಿಯಂ (INSACOG) ಹೇಳಿದೆ.

ಕಳೆದ ಏಪ್ರಿಲ್ 25ರ ಮಂಗಳವಾರದಂದು ಬಿಡುಗಡೆಯಾದ ಕೊರೊನಾ ವೈರಸ್ ಬುಲೆಟಿನ್‌ನಲ್ಲಿ ಈ ಎಕ್ಸ್ಇ ರೂಪಾಂತರಯು ಯಾವ ಸ್ಥಳದಲ್ಲಿ ಪತ್ತೆಯಾಗಿದೆ ಎಂಬುದನ್ನು ಗುರುತಿಸಲಾಗಿಲ್ಲ.

ಕಳೆದ ವಾರಕ್ಕೆ ಹೋಲಿಸಿದರೆ, 12 ರಾಜ್ಯಗಳು ಕೋವಿಡ್-19 ಸೋಂಕಿತ ಪ್ರಕರಣಗಳ ಸಂಖ್ಯೆಯಲ್ಲಿ ಗಣನೀಯ ಏರಿಕೆ ಕಂಡು ಬಂದಿದೆ. ಆದರೆ 19 ರಾಜ್ಯಗಳಲ್ಲಿ ಸೋಂಕಿತ ಪ್ರಕರಣಗಳ ಸಂಖ್ಯೆಯು ಇಳಿಕೆಯಾಗಿದೆ ಎಂದು INSACOG ಬುಲೆಟಿನ್ ಹೇಳಿದೆ. ಬುಲಿಟಿನ್‌ನಲ್ಲಿನ INSACOG ಶಂಕಿತ ಮರುಸಂಯೋಜಕ ಅನುಕ್ರಮ ಹೆಚ್ಚಿನ ವಿಶ್ಲೇಷಣೆಯಲ್ಲಿವೆ ಎಂದು ಹೇಳಲಾಗಿದೆ.

ರೂಪಾಂತರಿಯ ಬಗ್ಗೆ ಆತಂಕಪಡಬೇಕಿಲ್ಲ: "BA.2.10 ಮತ್ತು BA.2.12 ಗಳು BA.2 ಉಪ-ತಳಿಗಳನ್ನು ಪತ್ತೆಹಚ್ಚಲಾಗಿದೆ. ಅನೇಕ ಹಳೆಯ BA.2 ರೂಪಾಂತರಿಗಳನ್ನು ಈ ಹೊಸ ತಳಿಗಳಿಗೆ ಮರು ವರ್ಗೀಕರಿಸಲಾಗಿದೆ. ಇಲ್ಲಿಯವರೆಗೆ ಈ ಉಪ-ತಳಿಗಳು ರೋಗದ ಹೆಚ್ಚಿದ ತೀವ್ರತೆಗೆ ಸಂಬಂಧಿಸಿವೆ ಎಂದು ವರದಿಯಾಗಿಲ್ಲ" ಎಂದು ಬುಲೆಟಿನ್ ಹೇಳಿದೆ. ಭಾರತದಾದ್ಯಂತ XE ರೂಪಾಂತರಿಯ ಯಾವುದೇ ಕ್ಲಸ್ಟರ್‌ಗಳು ವರದಿಗಳಿಲ್ಲ.

ಜಿನೋಮ್ ಸೀಕ್ವೆನ್ಸಿಂಗ್ ಪರೀಕ್ಷೆ: ಕಳೆದ ಏಪ್ರಿಲ್ 18ರ ಬುಲೆಟಿನ್‌ನಲ್ಲಿ ದೇಶದಲ್ಲಿ ಒಂದು XE ರೂಪಾಂತರದ ಪ್ರಕರಣವನ್ನು INSACOG ಉಲ್ಲೇಖಿಸಿತ್ತು. INSACOG ಸೆಂಟಿನೆಲ್ ಸೈಟ್‌ಗಳು ಮತ್ತು ಭಾರತಕ್ಕೆ ಆಗಮಿಸುವ ಅಂತಾರಾಷ್ಟ್ರೀಯ ಪ್ರಯಾಣಿಕರ ಮಾದರಿಗಳನ್ನು ಸಂಗ್ರಹಿಸಿದ ತಪಾಸಣೆಗೆ ಒಳಪಡಿಸಲಾಗುತ್ತಿದೆ.

ಆ ಮೂಲಕ ದೇಶಾದ್ಯಂತ SARS-CoV-2 ಜೀನೋಮಿಕ್ ಸೀಕ್ವೆನ್ಸಿಂಗ್ ಮೇಲೆ ಕಣ್ಗಾವಲು ಇರಿಸಲಾಗಿದೆ. ಇತ್ತೀಚಿನ ಬುಲೆಟಿನ್ ಪ್ರಕಾರ, INSACOG ಒಟ್ಟು 2,43,957 ಮಾದರಿಗಳನ್ನು ಪರೀಕ್ಷಿಸಿದೆ.

English summary

Coronavirus XE Variant Detected In India; But No Cluster So Far, Says INSACOG.