ಪೆಟ್ರೋಲ್ ಉತ್ಪನ್ನಕ್ಕೆ ಜಿಎಸ್ ಟಿ : ರಾಜ್ಯಗಳ ಮೇಲೆ ಗೂಬೆ ಕೂರಿಸಿದ ಜೇಟ್ಲಿ
Recommended Video
ಪೆಟ್ರೋಲಿಯಂ ಉತ್ಪನ್ನಗಳನ್ನು ಜಿಎಸ್ ಟಿ ಅಡಿಯಲ್ಲೇ ತರಬೇಕು ಎಂಬ ಬಗ್ಗೆ ಕೇಂದ್ರ ಸರಕಾರಕ್ಕೂ ಒಲವಿದೆ. ಆದರೆ ರಾಜ್ಯಗಳ ಒಪ್ಪಿಗೆ ಪಡೆದ ನಂತರವಷ್ಟೇ ಆ ತೀರ್ಮಾನ ಸಾಧ್ಯ ಎಂದು ಕೇಂದ್ರ ಹಣಕಾಸು ಸಚಿವ ಅರುಣ್ ಜೇಟ್ಲಿ ಮಂಗಳವಾರ ರಾಜ್ಯಸಭೆಯಲ್ಲಿ ಹೇಳಿದ್ದಾರೆ.
ಕೇಂದ್ರಕ್ಕೇನೋ ಪೆಟ್ರೋಲಿಯಂ ಉತ್ಪನ್ನಗಳನ್ನು ಜಿಎಸ್ ಟಿ ಅಡಿಯಲ್ಲಿ ತರಬೇಕು ಎಂಬುದಿದೆ. ನಾವು ರಾಜ್ಯಗಳ ಒಪ್ಪಿಗೆಗಾಗಿ ಕಾಯುತ್ತಾ ಇದ್ದೀವಿ. ಶೀಘ್ರದಲ್ಲೇ ಈಗಲ್ಲದಿದ್ದರೂ ನಂತರ ರಾಜ್ಯಗಳು ಈ ಪ್ರಸ್ತಾವವನ್ನು ಒಪ್ಪಿಕೊಳ್ಳಬಹುದು ಎಂಬ ಭರವಸೆ ಇದೆ ಎಂದು ರಾಜ್ಯಸಭೆಯಲ್ಲಿ ಪ್ರಶ್ನೆಯೊಂದಕ್ಕೆ ಜೇಟ್ಲಿ ಉತ್ತರಿಸಿದ್ದಾರೆ.
ಪೆಟ್ರೋಲಿಯಂ ಉತ್ಪನ್ನಗಳನ್ನೇನೂ ಜಿಎಸ್ ಟಿಯಿಂದ ಹೊರಗಿಟ್ಟಿಲ್ಲ, ಆದರೆ ಜಿಎಸ್ ಟಿ ಕೌನ್ಸಿಲ್ ನಲ್ಲಿ ನಾಲ್ಕನೇ ಮೂರು ಭಾಗದಷ್ಟು ಬಹುಮತದೊಂದಿದೆ ಒಪ್ಪಿಗೆ ಸಿಗಬೇಕಿದೆ ಅಷ್ಟೇ ಎಂದಿದ್ದಾರೆ.
ಇನ್ನು ಇದೇ ವಿಚಾರಕ್ಕೆ ಸಂಬಂಧಿಸಿದಂತೆ ಕಾಂಗ್ರೆಸ್ ನ ಪಿ.ಚಿದಂಬರಂ ಕೇಳಿದ ಪೂರಕ ಪ್ರಶ್ನೆಗೆ ಉತ್ತರಿಸಿದ ಜೇಟ್ಲಿ, ಜಿಎಸ್ ಟಿಗೆ ಸಂಬಂಧಿಸಿದಂತೆ ಸಾಂವಿಧಾನಿಕ ತಿದ್ದುಪಡಿಗೆ ಸಲ್ಲಿಸಿದ ಕರಡಿನ ಪ್ರಸ್ತಾವನೆಯಲ್ಲಿ ಯುಪಿಎ ಸರಕಾರ ಪೆಟ್ರೋಲಿಯಂ ಉತ್ಪನ್ನಗಳನ್ನು ಸೇರಿಸಿರಲಿಲ್ಲ. ಹಾಗೆ ಸೇರಿಸಿದರೆ ರಾಜ್ಯಗಳು ಇದನ್ನು ಒಪ್ಪಲಾರವು ಎಂದು ಯುಪಿಎಗೆ ಗೊತ್ತಿತ್ತು ಎಂದಿದ್ದಾರೆ.
ಪೆಟ್ರೋಲಿಯಂ ಉತ್ಪನ್ನಗಳ ಮೇಲೆ ಹಾಕುತ್ತಿರುವ ಹೆಚ್ಚಿನ ತೆರಿಗೆಯ ಪಾಲು ರಾಜ್ಯಗಳದ್ದು ಎಂದು ಜೇಟ್ಲಿ ಹೇಳಿದ್ದಾರೆ. ಹೆಚ್ಚುತ್ತಿರುವ ಕಚ್ಚಾ ತೈಲದ ದರ ಗಮನಿಸಿ ಕೇಂದ್ರ ಸರಕಾರವು ತೆರಿಗೆ ಇಳಿಸಲು ನಿರ್ಧರಿಸಿತು. ಮತ್ತು ಅದನ್ನೇ ಅನುಸರಿಸುವಂತೆ ರಾಜ್ಯಗಳನ್ನು ಕೇಳಿತು. ಆದರೆ ಎನ್ ಡಿಎ ಮೈತ್ರಿಕೂಟ ಅಧಿಕಾರದಲ್ಲಿರುವ ರಾಜ್ಯಗಳು ಒಪ್ಪಿದವು. ಆದರೆ ಯುಪಿಎ ಮೈತ್ರಿಕೂಟ ಅಧಿಕಾರದಲ್ಲಿರುವ ರಾಜ್ಯಗಳು ನಿರಾಕರಿಸಿದವು ಎಂದಿದ್ದಾರೆ ಜೇಟ್ಲಿ.
Click it and Unblock the Notifications
Sign in with Google