BNSL 5ಜಿ ಇಂಟರ್‌ನೆಟ್‌ಗೆ ಹೆಸರು ಸೂಚಿಸಿ: ಮೊದಲು 4ಜಿ ಸೇವೆ ಸರಿಯಾಗಿ ಕೊಡಿ! ಎಂದ ಬಳಕೆದಾರರು

ಬೆಂಗಳೂರು, ಜೂನ್ 13: ಅತೀ ಕಡಿಮೆ ಬೆಲೆಗೆ ಮೊಬೈಲ್ ರಿಚಾರ್ಜ್ ಸೇವೆ ನೀಡುತ್ತಿರುವ ಕೇಂದ್ರ ಸರ್ಕಾರಿ ಅಧೀನದ ಭಾರತ್ ಸಂಚಾರ್ ನಿಗಮ್ ಲಿಮಿಟೆಡ್ (BSNL) ಟೆಲಿಕಾಂ ಕಂಪನಿಯು 5ಜಿ ಇಂಟರ್‌ನೆಟ್ ಸೇವೆ ಆರಂಭಿಸಲು ಸಜ್ಜಾಗಿದೆ. ಈ ಸಂಬಂಧ ಸಾರ್ವಜನಿಕರಿಂದ ಮುಂಬರಲಿರುವ BSNL 5G Internet Service ಗೆ ಹೆಸರು ನೀಡುಂತೆ ಕೋರಿತ್ತು. ಅದಕ್ಕೆ ಜೂನ್ 13ರೊಳಗೆ (ಇಂದು) ಮುಂದೆ ಇತಿಹಾಸ ಸೃಷ್ಟಿಸುವಂತಹ ಸೂಕ್ತ ಹೆಸರು ಸೂಚಿಸುವಂತೆ ತಿಳಿಸಿದೆ. ಸಾಕಷ್ಟು ಮಂದಿ ಅನೇಕ ಹೆಸರುಗಳನ್ನು ನೀಡಿದ್ದಾರೆ. ಅದರ ವಿವರ ಮುಂದಿದೆ.

ಸದರಿ ಜೂನ್ ಹೊತ್ತಿಗೆ BSNL ಒಂದು ಲಕ್ಷ ಹೊಸ ಟವರ್‌ಗಳನ್ನು ಯಶಸ್ವಿಯಾಗಿ ಸ್ಥಾಪಿಸಿದೆ. ದೇಶಾದ್ಯಂತ ಹೆಚ್ಚುವರಿಯಾಗಿ ಒಂದು ಲಕ್ಷ (100,000) 4G ಟವರ್‌ಗಳನ್ನು ಸ್ಥಾಪಿಸಲು ಮುಂದಾಗಿದೆ. ಇದಕ್ಕೆ ಕೇಂದ್ರ ಸಚಿವ ಸಂಪು ಸಭೆಯಲ್ಲಿ ಶೀಗ್ರವೇ ಅನುಮೋದನೆ ಸಿಗುವ ವಿಶ್ವಾಸ ಇದೆ ಎಂದು ಕೇಂದ್ರ ಸಂವಹನ ರಾಜ್ಯ ಸಚಿವ ಪೆಮ್ಮಸಾನಿ ಚಂದ್ರಶೇಖರ್ ಮಾಹಿತಿ ನೀಡಿದ್ದಾರೆ.

3ಜಿ ಯಿಂದ 4ಜಿಗೆ ಅಪ್‌ಗ್ರೇಡ್ ಆದ BSNL ವಿರುದ್ಧ ಜನರು ಕೆಂಡವಾಗಿದ್ದಾರೆ. ಪೋರ್ಟ್ ಆದ ಅದೆಷ್ಟೋ ಸಿಮ್‌ಗಳಿಗೆ ಸರಿಯಾದ ನೆಟ್‌ವರ್ಕ್ ಸಿಗುತ್ತಿಲ್ಲ. ಕರೆಗಳಲ್ಲಿ ಧ್ವನಿ ಸರಿಯಾಗಿ ಕೇಳುವುದಿಲ್ಲ. ಯಾಕಾದ್ರು ಈ ಬಿಎಸ್‌ಎನ್‌ಎಲ್‌ಗೆ ಪೋಟ್‌ ಆದೆ, ಹೊಸ ಸಿಮ್ ಖರೀದಿಸಿ ಎಂದು ಬಳಕೆದಾರರು ವ್ಯಥೆ ಪಡುತ್ತಿದ್ದಾರೆ.

5ಜಿ ಸೇವೆಗೆ ಸೂಕ್ತ ಹೆಸರುಗಳು..!

ಇದರ ಮಧ್ಯೆ 5ಜಿ ಗೆ ಅಪ್‌ಗ್ರೇಡ್ ಆಗುವ ತಯಾರಿಯು ಜೋರಾಗಿದೆ. ಅಗತ್ಯ ಟವರ್ ನಿರ್ಮಿಸುತ್ತಿದ್ದಂತೆ ವೇಗ ಅಂತರ್ಜಾಲ ಸೇವೆ ಜಾರಿಗೆ ತರಲಾಗುತ್ತಿದೆ. ಹೀಗಾಗಿ ಆ 5ಜಿ ಸೇವೆ ಸೂಕ್ತವಾದ ಹೆಸರು ನೀಡುವಂತೆ ಸಂಸ್ಥೆ ಕೇಳಿದೆ. BSNL ಪೋಸ್ಟ್ ಕೆಲಗೆ ಕಾಮೆಂಟ್ ಮಾಡುವಂತೆ ತಿಳಿಸಿತ್ತು. ಇದಕ್ಕೆ ನೆಟ್ಟಿಗರು ಕೊಟ್ಟ ಹೆಸರು ನೋಡುವುದಾದರೆ, 'BSNL 5G, Vaayu, Vidyut, Hi5, AryaWave 5G, BSNL Blitz, Bhaarat5G, ಸೇರಿದಂತೆ ಹಲವು ಹೆಸರುಗಳನ್ನು ನೀಡಿದ್ದಾರೆ. ಈ ಮೂಲಕ ಹಲವರು ಬಿಎಸ್‌ಎನ್‌ಎಲ್ ಸೇವೆ ಬಳಕೆಗೆ ಉತ್ಸುಕರಾಗಿದ್ದಾರೆ.

Brainstorm BSNL 5G Name

Suggest a name for BSNL’s upcoming 5G service before 13th June 5 pm.

Make history. Name the future of BSNL 5G.
Drop your suggestion in the comments below!#BSNL5G#NameBSNL5G#5GWithBSNL#BSNIndia#DigitalIndia pic.twitter.com/o7KmFaeBvJ

— BSNL India (@BSNLCorporate) June 12, 2025

ಮೊದಲು 4ಜಿ ಸೇವೆ ಸರಿಯಾಗಿ ಕೊಡಿ?

ಕರ್ನಾಟಕದ ಬೆಂಗಳೂರು ಸೇರಿದಂತೆ ಅನೇಕ ಜಿಲ್ಲೆಗಳಲ್ಲಿ, ಮುಂಬೈ, ಚೆನ್ನೈ ಸೇರಿದಂತೆ ಇತರ ಮಹಾನಗರಗಳಲ್ಲಿ BSNL ಸೇವೆ ಸಮರ್ಪಕವಾಗಿ ಸಿಗುತ್ತಿಲ್ಲ. 4ಜಿಗೆ ಅಪ್‌ಗ್ರೇಡ್ ಆಗಿದ್ದಾಗಿ ಸಂಸ್ಥೆ ತಿಳಿಸಿದೆ. ವ್ಯಾಪ್ತಿ ಪ್ರದೇಶದಿಂದ ದೂರವಿದ್ದಾರೆ ಎಂಬ ಧ್ವನಿ ಮಾತ್ರ ಕೇಳಿಸುತ್ತದೆ ವಿನಃ ಕರೆಗಳು ಸರಿಯಾಗಿ ಹೋಗುತ್ತಿಲ್ಲ. ಶೇಕಡಾ 10ರಷ್ಟು 4ಜಿ ಇಂಟರ್‌ನೆಟ್ ಸೇವೆ ಸರಿಯಾಗಿ ಸಿಗುತ್ತಿಲ್ಲ. ಮೊದಲಿದ್ದ 3 ಜಿ ಇಂಟರ್‌ನೆಟ್ ಸೇವೆ ಎಷ್ಟೋ ಪಾಲಿಗೆ ಉತ್ತಮವಾಗಿತ್ತು. ಸದ್ಯದ ಪರಿಸ್ಥಿತಿ ತುಂಬಾ ಕೆಟ್ಟದಾಗಿದೆ. ಅದೆಷ್ಟೋ ಬಾರಿ ದೂರು ನೀಡಿದರೆ ಖ್ಯಾರೆ ಎನ್ನುತ್ತಿಲ್ಲ. ನಮ್ಮ ದೂರು, ಮನವಿಗೆ ಸರಿಯಾಗಿ ಸ್ಪಂದಿಸುತ್ತಿಲ್ಲ ಎಂದು ಕೆಲವರು ಸಮಸ್ಯೆ ವಿವರಿಸಿದ್ದಾರೆ.

ಮತ್ತೆ 01 ಲಕ್ಷ ಟವರ್ ಯೋಜನೆಗೆ ಅನುಮೋದನೆ?

ಕೆಲವರಿಗೆ ಮರುತ್ತರ ನೀಡಿರುವ BSNL ಶೀಘ್ರವೇ ಇಂಟರ್‌ನೆಟ್ ಸಮಸ್ಯೆ ಬಗೆಹರಿಸಲಾಗುವುದು. ಆದ ತೊಂದರೆಗೆ ವಿಷಾಧ ವ್ಯಕ್ತಪಡಿಸಿದೆ. 4ಜಿ ಸೇವೆಯಲ್ಲಿನ ವ್ಯತ್ಯಯ ಗಮನಿಸಿ ಸುಧಾರಿತ ಸೇವೆ ನೀಡಲಾಗುವುದು ಎಂದು ಭರವಸೆ ನೀಡಿದೆ. ಇತ್ತ ಹೊಸದಾಗಿ ಮತ್ತೆ ಒಂದು ಲಕ್ಷ ಹೆಚ್ಚುವರಿ ಟವರ್ ಸ್ಥಾಪಿಸಲು ನಿರ್ಧರಿಸಿರುವ BSNL ಗೆ ಕೇಂದ್ರ ಶೀಘ್ರವೇ ಯೋಜನೆಗೆ ಅನುಮೋದನೆ ನೀಡುವ ಸಾಧ್ಯತೆ ಇದೆ.