ಕೋಲ್ಕೊತಾದಲ್ಲಿ ಕಚ್ಚಾ ಬಾಂಬ್ ಸ್ಫೋಟ, 2 ಮಕ್ಕಳಿಗೆ ಗಾಯ
ಕೋಲ್ಕೊತಾ, ಜ. 10: ನಗರದ ಡಂಡಂ ರೈಲ್ವೆ ನಿಲ್ದಾಣದ 2ನೇ ಗೇಟ್ನಲ್ಲಿ ಶನಿವಾರ ರಾತ್ರಿ ಕಚ್ಚಾ ಬಾಂಬ್ ಒಂದು ಸ್ಫೋಟಗೊಂಡಿದ್ದು, ಇಬ್ಬರು ಮಕ್ಕಳು ಗಾಯಗೊಂಡಿದ್ದಾರೆ.
ರೈಲ್ವೆ ನಿಲ್ದಾಣದಲ್ಲಿ ಈ ಮಕ್ಕಳು ಆಟವಾಡುತ್ತಿದ್ದಾಗ ಅಪರಿಚಿತ ಬ್ಯಾಗ್ ಒಂದು ಕಣ್ಣಿಗೆ ಬಿದ್ದಿದೆ. ಅದರೊಳಗೆ ಕಾಣಿಸಿದ ಟಿಫನ್ ಬಾಕ್ಸ್ ತೆರೆಯಲು ಯತ್ನಿಸಿದ್ದಾರೆ. ಆಗ ಬಾಂಬ್ ಸ್ಫೋಟಗೊಂಡಿದೆ ಎಂದು ರೈಲ್ವೆ ಪೊಲೀಸ್ ವರಿಷ್ಠಾಧಿಕಾರಿ ದೇಬಶಿಶ್ ಬೇಗ್ ತಿಳಿಸಿದ್ದಾರೆ. [ಬಾಂಬ್ ಸ್ಫೋಟಕ್ಕೆ ಮಹಿಳೆ ಬಲಿ]
ಗಾಯಗೊಂಡಿರುವ ಮಕ್ಕಳಾದ ಸಫಿಕ್ ಹಾಗೂ ಸಾಹರುಖ್ ಅವರನ್ನು ಆರ್.ಜಿ. ಕರ್ ವೈದ್ಯಕೀಯ ಕಾಲೇಜಿನ ಆಸ್ಪತ್ರೆಗೆ ದಾಖಲಿಸಲಾಗಿದೆ. [ಬಾಂಬ್ ಸ್ಫೋಟ ನಂತರದ ಬೆಳವಣಿಗೆ]
ಬಾಂಬ್ ಸ್ಫೋಟಗೊಂಡ ಸ್ಥಳದಲ್ಲಿ ಇನ್ನೂ ಎರಡು ಬ್ಯಾಗ್ಗಳು ಕಂಡುಬಂದಿವೆ. ಅಲ್ಲದೆ, ಕಸಗಳ ಮಧ್ಯೆ ಮೂರು ಕಚ್ಚಾ ಬಾಂಬ್ಗಳು ಸಿಕ್ಕಿವೆ. ಸ್ಥಳಕ್ಕೆ ಬಾಂಬ್ ಪತ್ತೆ ದಳ ಬಂದಿದ್ದು, ಪರಿಶೀಲನೆ ಕೈಗೊಂಡಿದೆ.
Click it and Unblock the Notifications
Sign in with Google