Ayodhya Ram Mandir: ರಾಮ ಮಂದಿರ ಉದ್ಘಾಟನೆಗೆ ಮುಹೂರ್ತ ಫಿಕ್ಸ್!
ಕೋಟ್ಯಂತರ ಹಿಂದೂ ಭಕ್ತರ ಕನಸಾಗಿದ್ದಿ ಅಯೋಧ್ಯ ರಾಮ ಮಂದಿರ ನಿರ್ಮಾಣ ಕೊನೆಯ ಹಂತದಲ್ಲಿದ್ದು, ಉದ್ಘಾಟನೆಗೆ ಸಜ್ಜಾಗುತ್ತಿದೆ. 2024ರ ಜನವರಿ 15 ರಿಂದ 24ರವರೆಗೆ ದೇವಾಲಯ ಉದ್ಘಾಟನಾ ಸಮಾರಂಭ ನಡೆಯಲಿದೆ ಎಂದು ರಾಮಮಂದಿರ ನಿರ್ಮಾಣ ಸಮಿತಿಯ ಅಧ್ಯಕ್ಷ ನೃಪೇಂದ್ರ ಮಿಶ್ರಾ ತಿಳಿಸಿರುವುದಾಗಿ ಎಬಿಪಿ ವರದಿ ಮಾಡಿದೆ.
ಉದ್ಘಾಟನಾ ಸಮಾರಂಭದ ಕೊನೆಯ ದಿನ ಜನವರಿ 24ರಂದು 'ಪ್ರಾಣ ಪ್ರತಿಷ್ಠಾ' ಸಮಾರಂಭದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಭಾಗವಹಿಸಲಿದ್ದಾರೆ. ಪ್ರಾಣ ಪ್ರತಿಷ್ಠೆಯ ನಂತರ ರಾಮಮಂದಿರದ ಬಾಗಿಲು ಭಕ್ತರಿಗೆ ತೆರೆಯುತ್ತದೆ. ಸಾಮಾನ್ಯ ಭಕ್ತರು 2024ರ ಜನವರಿ 25 ರಿಂದ ದೇವಾಲಯಕ್ಕೆ ಭೇಟಿ ನೀಡಲು ಅವಕಾಶ ನೀಡಲಾಗುವುದು ಎಂದು ಮಿಶ್ರಾ ಹೇಳಿದ್ದಾರೆ.
ಉದ್ಘಾಟನಾ ಸಮಾರಂಭವನ್ನು ಅಯೋಧ್ಯೆಗೆ ಮಾತ್ರ ಸೀಮಿತಗೊಳಿಸದೆ ದೇಶ, ವಿದೇಶಗಳಲ್ಲೂ ಸಂಭ್ರಮಾಚರಣೆಗೆ ಸಿದ್ಧಗೊಳಿಸಲಾಗುತ್ತದೆ. ಗತ್ತಿನಾದ್ಯಂತ ಇರುವ ಭಾರತೀಯ ರಾಯಭಾರಿ ಕಚೇರಿಗಳು ವಿವಿಧ ಕಾರ್ಯಕ್ರಮಗಳಿಗೆ ಸಜ್ಜಾಗುತ್ತಿವೆ ಎಂದು ಮೂಲಗಳು ತಿಳಿಸಿವೆ. ಮೂರು ಅಂತಸ್ತಿನ ದೇವಸ್ಥಾನದ ನೆಲ ಮಹಡಿ ನಿರ್ಮಾಣ ಅಂತಿಮ ಹಂತದಲ್ಲಿದ್ದು, ದೀಪಾವಳಿ ವೇಳೆಗೆ ಸಿದ್ಧವಾಗಲಿದೆ.
ಗರ್ಭಗುಡಿಯ ಮುಖ್ಯ ಬಾಗಿಲನ್ನು ಚಿನ್ನದಿಂದ ಮಾಡಲಾಗಿದೆ, ಅದರ ಮೇಲೆ ರಾಮಾಯಣದ ಕೆತ್ತನೆಗಳು ಇರುತ್ತವೆ. ದೇವಾಲಯದ 161 ಅಡಿ ಎತ್ತರದ ಶಿಖರಕ್ಕೂ ಸಹ ಚಿನ್ನದ ಹೊದಿಕೆ ಇರುತ್ತದೆ. ದೇವಾಲಯದ ಆವರಣದ ಹೊರತಾಗಿ, ಶ್ರೀ ರಾಮ ಜನ್ಮಭೂಮಿ ಯಾತ್ರಾ ಪ್ರದೇಶವು 70 ಎಕರೆಗಳಷ್ಟು ವಿಸ್ತಾರವಾಗಿದೆ. ಅಯೋಧ್ಯೆಯ ರಾಮಮಂದಿರದಲ್ಲಿ ರಾಮ ಲಲ್ಲಾ ಎಂದು ಕರೆಯಲ್ಪಡುವ ಬಾಲರಾಮನ ರೂಪದಲ್ಲಿ ಪೂಜಿಸಲಾಗುತ್ತದೆ.
2021ರಲ್ಲಿ ಅಡಿಪಾಯ ಹಾಕಿದ್ದ ಮೋದಿ
ಮಂದಿರದ ಶಂಕುಸ್ಥಾಪನೆ ವೇಳೆ ಮಾತ್ರ ಅಯೋಧ್ಯೆಗೆ ಭೇಟಿ ನೀಡುವುದಾಗಿ ಪ್ರಧಾನಿ ನರೇಂದ್ರ ಮೋದಿ ಈ ಹಿಂದೆ ನಿರ್ಧರಿಸಿದ್ದರು. ತಮ್ಮ ಮಾತಿನಂತೆ ಅವರು, 20 ವರ್ಷಗಳ ನಂತರ ಆಗಸ್ಟ್ 5, 2021 ರಂದು ಅಯೋಧ್ಯೆಗೆ ಭೇಟಿ ನೀಡಿ ದೇವಾಲಯದ ಅಡಿಪಾಯ ಹಾಕಿದ್ದರು.
ಉತ್ತರ ಪ್ರದೇಶದ ಸಿಎಂ ಯೋಗಿ ಆದಿತ್ಯನಾಥ್ ಅವರು ಕಳೆದ ವಾರ ಮಾತನಾಡಿ, 500 ವರ್ಷಗಳಿಂದ ಬಹುನಿರೀಕ್ಷಿತ ರಾಮನ ಐದು ವರ್ಷಗಳ ಹಳೆಯ ರೂಪದಲ್ಲಿ ರಾಮನನ್ನು ಪ್ರತಿನಿಧಿಸುವ ರಾಮ ಲಲ್ಲಾನ ವಿಗ್ರಹದ ಸ್ಥಾಪನೆಯ ಮಹತ್ವದ ಬಗ್ಗೆ ಹೇಳಿದ್ದರು. ಈ ಮೈಲಿಗಲ್ಲು ಜಾಗತಿಕ ಮಟ್ಟದಲ್ಲಿ ಅಯೋಧ್ಯೆಯ ಪ್ರಾಮುಖ್ಯತೆಯನ್ನು ಹೆಚ್ಚಿಸುತ್ತದೆ ಎಂದು ಅವರು ನಂಬಿದ್ದಾರೆ.
ಅಯೋಧ್ಯೆಯು ಲಕ್ಷಾಂತರ ಜನರ ಹೃದಯದಲ್ಲಿ ಹೊಂದಿರುವ ಆಳವಾದ ಬಾಂಧವ್ಯ ಹೊಂದಿದೆ ಎಂದು ಒಪ್ಪಿಕೊಂಡ ಆದಿತ್ಯನಾಥ್, ದೇವಾಲಯದ ನಿರ್ಮಾಣವು ಅವರ ಅಚಲವಾದ ಭಕ್ತಿ ಮತ್ತು ನಂಬಿಕೆಯನ್ನು ಸಂಕೇತವಾಗಿದೆ ಎಂದು ಹೇಳಿದ್ದರು.
Click it and Unblock the Notifications
Sign in with Google