ಆಕಾಶದಲ್ಲಿ ಹೊಯ್ದಾಡಿದ ಏರ್ ಇಂಡಿಯಾ ವಿಮಾನ, ಬೆಚ್ಚಿಬಿದ್ದ ಪ್ರಯಾಣಿಕರು

ನವದೆಹಲಿ, ಏಪ್ರಿಲ್ 23: ಅಮೃತಸರದಿಂದ ದೆಹಲಿಗೆ ಪ್ರಯಾಣ ಬೆಳೆಸಿದ್ದ ವಿಮಾನವೊಂದು ಏಪ್ರಿಲ್ 19ರಂದು ವಿಪರೀತ ಹೊಯ್ದಾಟಕ್ಕೆ ಗುರಿಯಾಗಿದೆ. ಪರಿಣಾಮ ಮೂವರು ಗಾಯಗೊಂಡಿದ್ದಾರೆ.

ಗಾಳಿಯಲ್ಲಿ ವಿಮಾನದ ಹೊಯ್ದಾಟ ಯಾವ ಮಟ್ಟಕ್ಕೆ ಇತ್ತು ಎಂದರೆ ವಿಮಾನದ ಕಿಟಕಿಯ ಗಾಜೊಂದು ಕಳಚಿ ಬಿದ್ದಿದೆ. ಈ ಸಂದರ್ಭದಲ್ಲಿ ಪ್ರಯಾಣೀಕರಿಗೆ ಆಮ್ಲಜನಕದ ಮಾಸ್ಕ್ ಗಳನ್ನು ತಕ್ಷಣ ನೀಡಲಾಗಿತ್ತು.

ಬೋಯಿಂಗ್ ಡ್ರೀಮ್ ಲೈನರ್ ಸರಣಿಯ ವಿಮಾನ 8,000 ಅಡಿಯಿಂದ 21,000 ಅಡಿಗೆ ಏರುವ ಸಂದರ್ಭ ಈ ಅವಘಡ ಸಂಭವಿಸಿದೆ. ಸುಮಾರು 10 ರಿಂದ 15 ನಿಮಿಷಗಳ ಕಾಲ ವಿಮಾನ ಹೊಯ್ದಾಡಿದ್ದು ಪ್ರಯಾಣಿಕರು ಭಯಬೀತರಾಗಿರುವುದು ವಿಡಿಯೋದಲ್ಲಿ ದಾಖಲಾಗಿದೆ.

ವಿಮಾನ ಹೊಯ್ದಾಡಿರುವುದರ ಬಗ್ಗೆ ವಿಮಾನಯಾನ ಸಂಸ್ಥೆ ಮತ್ತು ವಿಮಾನಯಾನ ಸಚಿವಾಲಯ ತನಿಖೆ ನಡೆಸುತ್ತಿವೆ. ಏರ್ ಕ್ರಾಫ್ಟ್ ಆಕ್ಸಿಡೆಂಟ್ ಇನ್ವೆಸ್ಟಿಗೇಷನ್ ಬೋರ್ಡ್ ಗೆ ಈ ಸಂಬಂಧ ತನಿಖೆ ನಡೆಸುವಂತೆಯೂ ಸೂಚಿಸಲಾಗಿದೆ.

ಒಬ್ಬರು ಪ್ರಯಾಣಿಕರು ಸೀಟ್ ಬೆಲ್ಟ್ ಹಾಕದ ಕಾರಣ ಹೊಯ್ದಾಟದಿಂದ ಅವರ ತಲೆಗೆ ಗಾಯವಾಗಿದೆ. ಇನ್ನಿಬ್ಬರಿಗೆ ಕಿಟಕಿ ಬಿದ್ದು ಸಣ್ಣಪುಟ್ಟ ಗಾಯಗಳಾಗಿವೆ ಎಂದು ಅಧಿಕಾರಿಗಳು ಪ್ರಾಥಮಿಕ ಮಾಹಿತಿ ನೀಡಿದ್ದಾರೆ.

English summary

Air India flight flying from Amritsar to Delhi on April 19 ran into severe turbulence, in which three passengers suffered injuries.