ಚೆಕ್ ಬೌನ್ಸ್ ಆದರೆ ಜೈಲೂಟ ಗ್ಯಾರಂಟಿ, ಬರಲಿದೆ ಹೊಸ ನಿಯಮ

By: ವಿಕಾಸ್ ನಂಜಪ್ಪ
Subscribe to Oneindia Kannada

ಬೆಂಗಳೂರು, ಡಿಸೆಂಬರ್ 25: ನೋಟು ನಿಷೇಧದ ನಂತರ ಚೆಕ್ ಮೂಲಕ ನಡೆಯುವ ವ್ಯವಹಾರಗಳು ಜಾಸ್ತಿಯಾಗುತ್ತಿವೆ. ಆದ್ದರಿಂದ ಚೆಕ್ ಬೌನ್ಸ್ ಪ್ರಕರಣಗಳಲ್ಲಿ ಕಠಿಣ ಕ್ರಮ ಕೈಗೊಳ್ಳುವ ಹೊಸ ಪ್ರಸ್ತಾವವೊಂದನ್ನು ಕೇಂದ್ರ ಸರಕಾರ ಇಟ್ಟಿದೆ. ಚೆಕ್ ಬೌನ್ಸ್ ಆದಾಗ ಅಂಥ ವ್ಯಕ್ತಿಗೆ ಒಂದು ತಿಂಗಳ ಕಾಲಾವಕಾಶ ನೀಡಲಾಗುತ್ತದೆ.

ಅಗಲೂ ಹಣ ಪಾವತಿಗೆ ವಿಫಲವಾದರೆ ಪ್ರಕರಣ ಇತ್ಯರ್ಥವಾಗುವ ಮುಂಚೆಯೇ ಜೈಲು ಸೇರಬೇಕಾಗುತ್ತದೆ. ನೆಗೋಷಿಯಬಲ್ ಇನ್ ಸ್ಟ್ರುಮೆಂಟ್ ಕಾಯ್ದೆ ಸೆಕ್ಷನ್ 138ರ ಅಡಿಯಲ್ಲಿ ಚೆಕ್ ಬೌನ್ಸ್ ಪ್ರಕರಣ ಬರುತ್ತದೆ. ಈ ಸೆಕ್ಷನ್ ಅನ್ವಯ ಆರೋಪಿಗೆ ಎರಡು ವರ್ಷ ಜೈಲು ಶಿಕ್ಷೆ ಅಥವಾ ಚೆಕ್ ನ ಮೊತ್ತದ ಎರಡರಷ್ಟು ದಂಡ ಅಥವಾ ಜೈಲು, ದಂಡ ಎರಡೂ ಆಗಬಹುದು.[ಚೆಕ್ ಬೌನ್ಸ್ ಪ್ರಕರಣ: ವಿಜಯ್ ಮಲ್ಯ ತಪ್ಪಿತಸ್ಥ]

A dishonoured cheque can land you jail before case settled

ಈ ರೀತಿ ಕಾನೂನು ಇರುವುದರ ಹೊರತಾಗಿಯೂ ಚೆಕ್ ಬೌನ್ಸ್ ಪ್ರಕರಣಗಳು ಹೆಚ್ಚಾಗುತ್ತಲೇ ಇವೆ. 2014ನೇ ಇಸವಿಯೊಂದರಲ್ಲೇ ಕೋರ್ಟ್ ಗಳಲ್ಲಿ 18 ಲಕ್ಷ ಚೆಕ್ ಬೌನ್ಸ್ ಪ್ರಕರಣಗಳು ಬಾಕಿ ಇದ್ದವು. ವಿಚಾರಣೆ ವಿಳಂಬ ಆಗುವುದರಿಂದ ಜನರು ಕಾನೂನಿಗೆ ಹೆದರುತ್ತಿಲ್ಲ. ಪ್ರಕರಣ ಇತ್ಯರ್ಥ ಆಗುವವರೆಗೆ ಬಂಧನ ಕೂಡ ಮಾಡುವುದಿಲ್ಲ.[ಕೆಂಪೇಗೌಡ ಪ್ರಶಸ್ತಿ ಚೆಕ್ ಬೌನ್ಸ್, ಪಾಲಿಕೆ ಮಾನ ಹರಾಜು]

ಆ ಕಾರಣಕ್ಕೆ ತಿಂಗಳೊಳಗೆ ಪ್ರಕರಣ ಇತ್ಯರ್ಥ ಅಗದಿದ್ದರೆ ಬಂಧನಕ್ಕೆ ಅವಕಾಶ ನೀಡಲು ಚಿಂತನೆ ನಡೆದಿದೆ. ಚೆಕ್ ಬೌನ್ಸ್ ಪ್ರಕರಣಗಳ ಬಗ್ಗೆ ವ್ಯಾಪಾರಿಗಳ ಸಮೂಹ ತಮ್ಮ ಕಳವಳ ವ್ಯಕ್ತಪಡಿಸಿದ್ದರಿಂದ ಕಾನೂನು ತಿದ್ದುಪಡಿ ತರಲು ನಿರ್ಧರಿಸಲಾಗಿದೆ. ನೋಟು ನಿಷೇಧವಾದ ನಂತರ ಚೆಕ್ ಬೌನ್ಸ್ ಆಗುವುದು ಹೆಚ್ಚಾಗಿದೆ. ಅದ್ದರಿಂದ ವ್ಯಾಪಾರಿಗಳು ಕಠಿಣ ಕಾನೂನು ಜಾರಿಗಾಗಿ ಆಗ್ರಹಿಸಿದ್ದಾರೆ.

ಕನ್ನಡ ಮ್ಯಾಟ್ರಿಮನಿಯಲ್ಲಿ ಸೂಕ್ತ ಸಂಗಾತಿಯನ್ನು ಆಯ್ಕೆ ಮಾಡಿ- ನೋಂದಣಿ ಉಚಿತ!

English summary
With cheque transactions on the rise post demonetisation, the government has now proposed to introduce stringent action against those whose cheques are dishonoured. If a cheque bounces then the defaulter would be given a month's time failing which he will land in jail even before the case is settled.
Please Wait while comments are loading...