ಹೈದರಾಬಾದ್ ನಲ್ಲಿನ್ನು ಪಬ್ ಪ್ರವೇಶಕ್ಕೆ ಆಧಾರ್ ಕಡ್ಡಾಯ!
ಹೈದರಾಬಾದ್, ಸೆಪ್ಟೆಂಬರ್ 21: ಸರ್ಕಾರದ ಬಹುತೇಕ ಯೋಜನೆಗಳಿಗೆ ಈಗ ಆಧಾರ್ ಕಾರ್ಡ್ ಕಡ್ಡಾಯವಾಗಿದ್ದಾಯ್ತು! ಇದೀಗ ಹೈದರಾಬಾದ್ ನಲ್ಲಿ ಪಬ್ ಗೆ ಹೋಗುವವರಿಗೂ ಆಧಾರ್ ಕಾರ್ಡ್ ಅನ್ನು ಕಡ್ಡಾಯಗೊಳಿಸಲು ನಿರ್ಧರಿಸಲಾಗಿದೆ.
ಈ ಬಗ್ಗೆ ಆದೇಶ ಹೊರಡಿಸಿರುವ ತೆಲಂಗಾಣ ರಾಜ್ಯ ಸರ್ಕಾರದ ಅಬಕಾರಿ ಇಲಾಖೆ, ಪಬ್ ಗಳಿಗೆ ಭೇಟಿ ನೀಡುವ ಗ್ರಾಹಕರನ್ನು ಒಳಗೆ ಬಿಡುವ ಮುನ್ನ ಆಧಾರ್ ಕಾರ್ಡ್ ಅನ್ನು ಕಡ್ಡಾಯವಾಗಿ ಪರಿಶೀಲಿಸಿದ ನಂತರವೇ ಒಳಬಿಡುವಂತೆ ಹೈದರಾಬಾದ್ ನ ಎಲ್ಲಾ ಪಬ್ ಮಾಲೀಕರಿಗೆ ಸೂಚನೆ ನೀಡಿದೆ.
ಪಬ್ ಗೆ ಬರುವ ಗ್ರಾಹಕರು 21 ವರ್ಷಕ್ಕಿಂತ ಮೇಲ್ಪಟ್ಟವರೆಂಬುದನ್ನು ಕಂಡುಕೊಳ್ಳಲು ಈ ಮಾರ್ಗ ಅನುಸರಿಸುವಂತೆ ಅದು ಹೇಳಿದೆ. ಒಂದು ವೇಳೆ ಆಧಾರ್ ಕಾರ್ಡ್ ಇಲ್ಲದಿದ್ದರೆ ಬೇರೊಂದು ಗುರುತಿನ ಪತ್ರವನ್ನು ನೋಡಿ ಅವರು ವಯಸ್ಕರು ಎಂಬುದನ್ನು ಖಾತ್ರಿ ಮಾಡಿಕೊಂಡ ನಂತರವಷ್ಟೇ ಅವರನ್ನು ಒಳಬಿಡುವಂತೆ ತಾಕೀತು ಮಾಡಲಾಗಿದೆ.
ಹಾಗಾಗಿ, ಇನ್ನು ಹೈದರಾಬಾದ್ ನ ಪಬ್ ಗಳಿಗೆ ಹೋಗುವ ಯುವಕ, ಯುವತಿಯರು ತಮ್ಮ ಕೈಯ್ಯಲ್ಲಿ ಆಧಾರ್ ಕಾರ್ಡ್ ಹಿಡಿದು ಹೋಗುವುದು ಕಡ್ಡಾಯವಾಗಲಿದೆ.
Click it and Unblock the Notifications
Sign in with Google