ಜಗಳದ ಸಿಟ್ಟಲ್ಲಿ ತಿಂಗಳ ಮಗುವನ್ನು ನೆಲಕ್ಕೆ ಅಪ್ಪಳಿಸಿದ 'ಮಹಾತಾಯಿ'
ಹೈದರಾಬಾದ್, ಆಗಸ್ಟ್ 28: ಇಲ್ಲಿನ ಮೆಹ್ದಿಪಟ್ಣಂ ಜಂಕ್ಷನ್ ನಲ್ಲಿ ಸೋಮವಾರ ರಾತ್ರಿ ಕುಡಿದು ಜಗಳವಾಡುತ್ತಿದ್ದ ಗಂಡ- ಹೆಂಡತಿಯನ್ನು ನೋಡುತ್ತಿದ್ದ ಜನರು ಅಮಾನುಷ ಕೃತ್ಯವೊಂದಕ್ಕೆ ಸಾಕ್ಷಿಯಾಗಿದ್ದಾರೆ. ಪ್ರತ್ಯಕ್ಷದರ್ಶಿಗಳ ಪ್ರಕಾರ ಇಬ್ಬರೂ ಕುಡಿದಿದ್ದರು. ಜಗಳ ಆರಂಭಿಸಿದ ನಂತರ ಹೆಂಡತಿಯು ಒಂದು ತಿಂಗಳ ಮಗುವನ್ನು ನೆಲಕ್ಕೆ ಅಪ್ಪಳಿಸಿದ್ದಾಳೆ.
ಇವರಿಬ್ಬರ ಜಗಳವನ್ನು ನೋಡುತ್ತಾ ಕೆಲ ಕಾಲ ಸಂಚಾರ ದಟ್ಟಣೆ ಆಗಿತ್ತು. ಈ ಜಗಳದ ವಿಡಿಯೋ ಕೂಡ ಮಾಡಿದ್ದು, ಅದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. "ಈ ಮಗು ನನ್ನದಲ್ಲ. ವಿವಾಹೇತರ ಸಂಬಂಧದಿಂದ ಹುಟ್ಟಿದ್ದು" ಎಂದು ಆರೋಪಿಸಿದ ಪತಿಯನ್ನು ಸಮಾಧಾನ ಪಡಿಸಿ, ಆ ಮಗುವನ್ನು ಆತನ ಕೈಗೆ ನೀಡಲು ಯತ್ನಿಸಿದ್ದಾಳೆ.
ಆದರೆ, ಮಗುವನ್ನು ಎತ್ತಿಕೊಳ್ಳಲು ಪತಿ ಒಪ್ಪದಿದ್ದಾಗ ಮಹಿಳೆಯು ಒಂದು ತಿಂಗಳ ಮಗುವನ್ನು ನೆಲಕ್ಕೆ ಅಪ್ಪಳಿಸಿದ್ದಾಳೆ. ಆ ವೇಳೆ ಅಲ್ಲೇ ಇದ್ದ ಮಹಿಳೆಯ ತಾಯಿ ಹಾಗೂ ಪತಿ ಆಕೆಗೆ ಹೊಡೆದಿದ್ದಾರೆ.
"ಗಂಡ-ಹೆಂಡತಿ ಇಬ್ಬರೂ ಪರಸ್ಪರ ಹೊಡೆದಾಡಿಕೊಳ್ಳುತ್ತಿದ್ದರು. ಆ ಮಗು ತನ್ನದಲ್ಲ ಎಂದು ಪತಿ ಆಕ್ರೋಶದಿಂದ ಕೂಗಾಡುತ್ತಿದ್ದ. ಅವರಿಬ್ಬರು ಮದ್ಯ ಸೇವಿಸಿದ್ದರು" ಎಂದು ಸಂಚಾರ ಇಲಾಖೆ ಸಬ್ ಇನ್ ಸ್ಪೆಕ್ಟರ್ ಆರ್.ಶೇಖರ್ ಹೇಳಿದ್ದಾರೆ.
ಆತ ಕಾರ್ಮಿಕ, ಆಕೆ ಗೃಹಿಣಿ. ಇಬ್ಬರಿಗೂ ಕೌನ್ಸೆಲಿಂಗ್ ಪಡೆಯಲು ತಿಳಿಸಲಾಗಿದೆ. ಆ ಮಗು ಕ್ಷೇಮವಾಗಿದೆ. ಯಾವುದೇ ಪ್ರಕರಣ ದಾಖಲಿಸಿಲ್ಲ ಎಂದು ಹುಮಾಯೂನ್ ನಗರ್ ಪೊಲೀಸ್ ಠಾಣೆಯ ಅಧಿಕಾರಿ ತಿಳಿಸಿದ್ದಾರೆ.
Click it and Unblock the Notifications
Sign in with Google