ಧಾರವಾಡದಲ್ಲಿ ಗೆಲುವಿನ ಸಿಹಿ, ಸೋಲಿನ ಕಹಿ ಯಾರಿಗೆ?

ಧಾರವಾಡ, ಮೇ 17 : ಕರ್ನಾಟಕ ವಿಧಾನಸಭೆ ಚುನಾವಣೆ ಫಲಿತಾಂಶ ಪ್ರಕಟಗೊಂಡಿದೆ. ಧಾರವಾಡ ಜಿಲ್ಲೆಯ ಏಳು ಕ್ಷೇತ್ರಗಳ ಪೈಕಿ ಬಿಜೆಪಿ 5 ಸ್ಥಾನಗಳಲ್ಲಿ ಜಯಗಳಿಸಿದ್ದು, ಜಿಲ್ಲೆಯನ್ನು ತನ್ನ ವಶಕ್ಕೆ ಪಡೆದುಕೊಂಡಿದೆ.

ಧಾರವಾಡ ಮಾಜಿ ಮುಖ್ಯಮಂತ್ರಿ ಜಗದೀಶ್ ಶೆಟ್ಟರ್ ಅವರ ತವರು ಜಿಲ್ಲೆ. 6ನೇ ಬಾರಿಗೆ ಅವರು ಹುಬ್ಬಳ್ಳಿ-ಧಾರವಾಡ ಸೆಂಟ್ರಲ್ ಕ್ಷೇತ್ರದಿಂದ ಶಾಸಕರಾಗಿ ಆಯ್ಕೆಯಾಗಿದ್ದಾರೆ. ಬಿಜೆಪಿಯ ಮಾಜಿ ರಾಜ್ಯಾಧ್ಯಕ್ಷ ಪ್ರಹ್ಲಾದ್ ಜೋಶಿ ಅವರು ತವರು ಜಿಲ್ಲೆಯೂ ಹೌದು.

ಸಿದ್ದರಾಮಯ್ಯ ಸಂಪುಟದಲ್ಲಿ ಸಚಿವರಾಗಿದ್ದ ವಿನಯ್ ಕುಲರ್ಣಿ ಮತ್ತು ಸಂತೋಷ್ ಲಾಡ್ ಇಬ್ಬರೂ ಇದೇ ಜಿಲ್ಲೆಯರವರು. ಆದರೆ, ಈ ಇಬ್ಬರೂ ಸಚಿವರು ಚುನಾವಣೆಯಲ್ಲಿ ಸೋಲು ಕಂಡಿದ್ದಾರೆ. ಕಾಂಗ್ರೆಸ್ ಜಿಲ್ಲೆಯ 2 ಸ್ಥಾನಗಳಲ್ಲಿ ಮಾತ್ರ ಜಯಗಳಿಸಿದೆ.

ಧಾರವಾಡ ಜಿಲ್ಲೆ ವಿಧಾನಸಭಾ ಕ್ಷೇತ್ರಗಳಲ್ಲಿ : ಗೆದ್ದವರು, ಸೋತವರ ವಿವರ ಹೀಗಿದೆ:

ಕ್ಷೇತ್ರ	ಗೆದ್ದವರು	ಪಕ್ಷ	ಪಡೆದ ಮತಗಳು	ಸೋತವರು	ಪಕ್ಷ
ನವಲಗುಂದ	ಶಂಕರ ಪಾಟೀಲ ಮುನೇನಕೊಪ್ಪ	ಬಿಜೆಪಿ	44,983	ಎನ್.ಎಚ್.ಕೋನರಡ್ಡಿ	ಜೆಡಿಎಸ್	44,983
ಕುಂದಗೋಳ	ಸಿ.ಎಸ್.ಶಿವಳ್ಳಿ	ಕಾಂಗ್ರೆಸ್	64,871	ಎಸ್‌.ಐ. ಚಿಕ್ಕನಗೌಡ	ಬಿಜೆಪಿ	64,237
ಧಾರವಾಡ ಗ್ರಾಮೀಣ	ಅಮೃತ ದೇಸಾಯಿ	ಬಿಜೆಪಿ	85,123	ವಿನಯ ಕುಲಕರ್ಣಿ	ಕಾಂಗ್ರೆಸ್	64,783
ಹುಬ್ಬಳ್ಳಿ ಧಾರವಾಡ ಪಶ್ಚಿಮ	ಅರವಿಂದ ಬೆಲ್ಲದ್	ಬಿಜೆಪಿ	96,848	ಇಸ್ಮಾಯಿಲ್ ತಮಟಗಾರ	ಕಾಂಗ್ರೆಸ್	55,975
ಹುಬ್ಬಳ್ಳಿ ಧಾರವಾಡ ಕೇಂದ್ರ	ಜಗದೀಶ್ ಶೆಟ್ಟರ್	ಬಿಜೆಪಿ	75,591	ಮಹೇಶ ನಾಲವಾಡ	ಕಾಂಗ್ರೆಸ್	54,221
ಹುಬ್ಬಳ್ಳಿ ಧಾರವಾಡ ಪೂರ್ವ	ಪ್ರಸಾದ್ ಅಬ್ಬಯ್ಯ	ಕಾಂಗ್ರೆಸ್	76,510	ಚಂದ್ರಶೇಖರ ಗೋಕಾಕ	ಬಿಜೆಪಿ	76,510
ಕಲಘಟಗಿ	ಸಿ.ಎಂ.ನಿಂಬಣ್ಣವರ	ಬಿಜೆಪಿ	83,267	ಸಂತೋಷ ಲಾಡ್	ಕಾಂಗ್ರೆಸ್	57,214

English summary

Karnataka Election Results 2018 Updates. Here is a list of candidates who won in Karnataka assembly elections 2018 in Dharwad district.