ಕಡೂರಿನಲ್ಲಿ ಜೀವಂತ ಮಗುವನ್ನೇ ಬೆಂಕಿ ಒಲೆಗೆ ಹಾಕಿ ಕೊಂದ ಅಮ್ಮ
ಚಿಕ್ಕಮಗಳೂರು, ಮಾರ್ಚ್ 26: ಹೆತ್ತ ತಾಯಿಯೇ ತನ್ನ 23 ದಿನದ ಕಂದಮ್ಮನನ್ನು ಬೆಂಕಿ ಒಲೆಗೆ ಹಾಕಿ ಕೊಲೆ ಮಾಡಿರುವ ಘಟನೆ ಚಿಕ್ಕಮಗಳೂರಿನ ಕಡೂರಿನಲ್ಲಿ ನಡೆದಿದೆ.
ಹೆಣ್ಣು ಮಗು ಹುಟ್ಟಿತೆಂಬ ಕಾರಣಕ್ಕೆ 23 ದಿನದ ಮಗುವನ್ನು ಕಡೂರು ತಾಲೂಕಿನ ನಾಯಕನಹಟ್ಟಿ ಗ್ರಾಮದಲ್ಲಿ ನಿನ್ನೆ ರಾತ್ರಿ ತಾಯಿಯೇ ಕೊಲೆ ಮಾಡಿದ್ದಾಳೆ. ಜೀವಂತ ಮಗುವನ್ನು ಒಲೆಗೆ ಹಾಕಿದ್ದಾಳೆ. ಕೊಲೆ ಮಾಡುವ ಮುನ್ನ ಕುತ್ತಿಗೆಗೆ ಕಚ್ಚಿ ನಂತರ ಬೆಂಕಿಗೆ ಹಾಕಿದ್ದಾಳೆ.
ಮಗುವನ್ನು ಕೊಂದ ತಾಯಿಯನ್ನು ಪೊಲೀಸರು ಬಂಧಿಸಿದ್ದಾರೆ. ಮಗುವನ್ನು ಕೊಲ್ಲಲು ಪ್ರೇರೇಪಿಸಿದ ಬಾಬು, ರಮೇಶ್, ಚಂದ್ರಮ್ಮ ಎಂಬ ಮೂವರನ್ನೂ ಬಂಧಿಸಲಾಗಿದೆ. ಈ ಕುರಿತು ಕಡೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
Click it and Unblock the Notifications
Sign in with Google