ತಮಿಳು ನಟ ವಿಶಾಲ್ ನಿರ್ಮಾಣ ಸಂಸ್ಥೆ ಮೇಲೆ ಜಿಎಸ್ಟಿ ದಾಳಿ

ಚೆನ್ನೈ, ಅಕ್ಟೋಬರ್ 23: ಜಿಎಸ್ಟಿ ಗುಪ್ತಚರ ವಿಭಾಗದ ತಂಡವೊಂದು ವಿಶಾಲ್ ಫಿಲ್ಮ್ ಫ್ಯಾಕ್ಟರಿ ಮೇಲೆ ಮೇಲೆ ದಾಳಿ ನಡೆಸಿದೆ. ತಮಿಳುನಾಡು ಸಿನಿಮಾ ನಿರ್ಮಾಪಕ ಸಂಘದ ಅಧ್ಯಕ್ಷ ನಟ ವಿಶಾಲ್ ಗೆ ಸೇರಿದ ನಿರ್ಮಾಣ ಸಂಸ್ಥೆ ಇದಾಗಿದೆ.

#Visuals from office of actor Vishal being raided in Chennai. More details awaited. #TamilNadu pic.twitter.com/8nOEElCXyP

— ANI (@ANI) October 23, 2017

ಮಧ್ಯಾಹ್ನ ಎರಡು ಗಂಟೆ ಸುಮಾರಿಗೆ ದಾಳಿ ನಡೆದಿದೆ. ವಡಪಳನಿಯಲ್ಲಿರುವ ಕಚೇರಿಯ ಮೇಲೆ ಈ ದಾಳಿ ನಡೆದಿದೆ. ಆರಂಭದಲ್ಲಿ ಇದನ್ನು ಆದಾಯ ತೆರಿಗೆ ಇಲಾಖೆ ದಾಳಿ ಎನ್ನಲಾಗಿತ್ತು. ಆದರೆ ನಂತರ ಇದು ಜಿಎಸ್ಟಿ ಗುಪ್ತಚರ ಇಲಾಖೆ ದಾಳಿ ಎಂದು ಗೊತ್ತಾಗಿತ್ತು.

ಹಣ ಪಾವತಿಗಳಲ್ಲಿ ಜಿಎಸ್ಟಿ ತಪ್ಪಿಸಲಾಗಿತ್ತೇ ಎಂಬುದನ್ನು ಕಂಡು ಹಿಡಿಯಲು ಈ ದಾಳಿ ನಡೆಸಲಾಗಿದೆ. ದಾಳಿ ವೇಳೆ ಅಗತ್ಯ ದಾಖಲೆಗಳನ್ನು ಅಧಿಕಾರಿಗಳ ಮುಂದಿಡಲಾಗಿದೆ. ಸರಕು ಮತ್ತು ಸೇವಾ ತೆರಿಗೆ ತಪ್ಪಿಸುತ್ತಿರುವವರನ್ನು ಪತ್ತೆ ಹಚ್ಚಲು ಜಿಎಸ್ಪಿ ಗುಪ್ತಚರ ಇಲಾಖೆಯನ್ನು ರಚಿಸಲಾಗಿದೆ.

English summary

A team of the Intelligence Agency of the GST conducted raids at the office of the Vishal Film Factory, the production house owned by actor and President of Tamil Nadu Film Producers Council Vishal.