• search
  • Live TV
ಚಂಡೀಗಢ ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ನಟ ಸೋನು ಸೂದ್ ಸಹೋದರಿ ಪಂಜಾಬ್ ಚುನಾವಣೆಗೆ ಸ್ಪರ್ಧೆ

|
Google Oneindia Kannada News

ಪಂಜಾಬ್‌ನ ಮೋಗಾ ಜಿಲ್ಲೆಗೆ ಸೇರಿದ ಸೂದ್, ಕೊರೊನವೈರಸ್-ಪ್ರಚೋದಿತ ಲಾಕ್‌ಡೌನ್ ಸಮಯದಲ್ಲಿ ವಲಸಿಗರಿಗೆ ತಮ್ಮ ಮನೆಗಳನ್ನು ತಲುಪಲು ಸಹಾಯ ಮಾಡುವ ಕೆಲಸಕ್ಕಾಗಿ ರಾಷ್ಟ್ರೀಯ ಗಮನ ಸೆಳೆದರು. ಸೂದ್ ವಿವಿಧ ಸ್ಥಳಗಳಲ್ಲಿ ಸಿಲುಕಿರುವ ವಲಸೆ ಕಾರ್ಮಿಕರಿಗೆ ಅವರ ಮನೆಗಳಿಗೆ ತಲುಪಿಸಲು ಸಾರಿಗೆ ಸೌಲಭ್ಯಗಳನ್ನು ಏರ್ಪಡಿಸಿದರು. ಅವರ ಮಾನವೀಯ ಕಾರ್ಯವು ಸಮಾಜದ ಎಲ್ಲಾ ವರ್ಗಗಳಿಂದ ಹೆಚ್ಚು ಮೆಚ್ಚುಗೆ ಪಡೆದಿದೆ. ಕೊರೊನಾ ಪೂರ್ವದಲ್ಲಿ ಸೋನು ಸೂದ್ ಬಾಲಿವುಡ್ ನಟ ಎನ್ನುವುದು ಮಾತ್ರ ಜನರಿಗೆ ತಿಳಿದಿತ್ತು. ಕೊರೊನಾ ಬಳಿಕ ಅವರು ಜನರ ಪಾಲಿಗೆ ರಿಯಲ್ ಹೀರೋ ಆಗಿದ್ದಾರೆ. ಅಷ್ಟಕ್ಕೂ ಸೋನು ಸೂದ್ ಅವರನ್ನು ರಿಯಲ್ ಹೀರೋ ಎಂದು ಯಾಕೆ ಕರೆಯುತ್ತಾರೆ? ಅದಕ್ಕೆ ಉತ್ತರ ಹಲವು.

2021 ರಲ್ಲಿ ಸೋನು ಸೂದ್ ಬಗ್ಗೆ ಯಾರನ್ನಾದರೂ ಕೇಳಿದರೆ, 'ಬಾಲಿವುಡ್ ನಟ' ಎಂಬುದು ಮಾತ್ರ ಉತ್ತರವಲ್ಲ 'ಗುಡ್ ಸಮರಿಟನ್', 'ಹೀರೋ ಆಫ್ ದಿ ಪ್ಯಾಂಡೆಮಿಕ್', 'ದಿ ಸೇವಿಯರ್' ಎಂದು ಈ ದಿನಗಳಲ್ಲಿ ಅವರನ್ನು ಪರಿಚಯಿಸಲು ಬಳಸಲಾಗುತ್ತದೆ. ಅವರು ಮಾಡಿದ ಮಹತ್ಕಾರ್ಯಗಳಿಗೆ ಜನ ಅವರನ್ನು ನೆನೆದುಕೊಳ್ಳುವುದು ಮಾತ್ರವಲ್ಲದೆ ಕೆಲವರು ಅವರ ಪಾದಗಳನ್ನು ಸ್ಪರ್ಶಿಸಲು ಬಯಸುತ್ತಾರೆ.

2020 ಜಗತ್ತು ಎಂದಿಗೂ ಮರೆಯ ವರ್ಷ. ಯಾಕೆಂದರೆ ಈ ವರ್ಷ ಜನ ಮನೆಯಿಂದ ಹೊರಬರುವುದಿರಲಿ, ಮನೆ ಬಾಲಿಗು ಕಿಟಕಿ ತೆರೆಯಲೂ ನೂರು ಬಾರಿ ಯೋಚಿಸುವಂತಾದ ಸಮಯವದು. ಕೊರೊನಾ ಮಹಾಮಾರಿ ಒಕ್ಕರಿಸಿದ ಕರಾಳ ಸಮಯ. ಈ ಸಮಯದಲ್ಲಿ ಕೇಂದ್ರಸರ್ಕಾರ ಏಕಾಏಕಿ ಲಾಕ್‌ಡೌನ್ ಘೋಷಿಸಿತ್ತು. ಕೂಲಿ ಮಾಡಲು ಹೋದ ಸಾವಿರಾರು ಕಾರ್ಮಿಕರು ತವರೂರಿಗೆ ಮರಳಲು ಸಾಧ್ಯವಾಗದೇ ಸಿಕ್ಕಿಗೊಂಡಿದ್ದರು. ಅದೆಷ್ಟೋ ಜನರಿಗೆ ಊಟ ಸಿಗಲಿಲ್ಲ, ದುಡಿಮೆ ಇರಲಿಲ್ಲ. ತಮ್ಮರೀಗೆ ಹೋಗಲು ವಾಹನಗಳಿರಲ್ಲಿಲ್ಲ, ಅನಾರೋಗ್ಯ ತಂದೆ-ತಾಯಿ ಮಕ್ಕಳಿಂದ ದೂರವಿರುವ ಸ್ಥಿತಿ, ಆಸ್ಪತ್ರೆಯಲ್ಲಿ ಚಿಕಿತ್ಸೆ ಆಕ್ಸಿಜನ್ ಪಡೆಯಲಾಗದಂತ ದುಸ್ಥಿತಿ ಬಂದೊದಗಿತ್ತು. ಈ ಸಮಯದಲ್ಲಿ ಜಗತ್ತೇ ಬಾಗಿಲು ಮುಚ್ಚಿದಾಗ ಸಹಾಯದ ಹಸ್ತ ನೀಡಿ ರಸ್ತೆಗಿಳಿದವರು ಇದೇ ರಿಯಲ್ ಹೀರೋ ಸೋನು ಸೂದ್. ಅಂದಿನಿಂದ ಇಂದಿನವರೆಗೂ ಬಾಲಿವುಡ್ ನಟ ಜನರ ಪಾಲಿಗೆ ರಿಯಲ್ ಹೀರೋ ಆಗಿದ್ದಾರೆ. ಕಷ್ಟದಲ್ಲಿರುವವರಿಗೆ ಸಹಾಯ ಮಾಡಲು ಸೋನು ಸೂದ್ ಹೇಗೆ ಮುಂದೆ ಬಂದಿದ್ದಾರೆ ಎಂಬುದು ಇಲ್ಲಿದೆ.

ಆರೋಗ್ಯ ಕಾರ್ಯಕರ್ತರಿಗಾಗಿ ಹೋಟೆಲ್‌

ಮಾರ್ಚ್‌ನಲ್ಲಿ ಸರ್ಕಾರವು ರಾಷ್ಟ್ರವ್ಯಾಪಿ ಲಾಕ್‌ಡೌನ್ ಅನ್ನು ಘೋಷಿಸಿದ ಕೂಡಲೇ ವೈದ್ಯಕೀಯ ಸಿಬ್ಬಂದಿ ಮತ್ತು ವೈದ್ಯರು COVID-19 ಅನ್ನು ಹರಡದಂತೆ ಕಾಪಾಡುವ ಅಪಾಯವನ್ನು ಎದುರಿಸಬೇಕಾಯಿತು. ಅವರು ದೀರ್ಘ ಗಂಟೆಗಳ ಕಾಲ ಕೆಲಸ ಮಾಡುವುದಲ್ಲದೆ, ಜನರನ್ನು ಸಾಂಕ್ರಾಮಿಕ ರೋಗಗಳಿಂದ ರಕ್ಷಿಸಬೇಕಾಗಿತ್ತು. ಮಾತ್ರವಲ್ಲದೆ ಇವರು ಮನೆಗೆ ಹೋಗದಂತಾ ಸ್ಥಿತಿ ನಿರ್ಮಾಣವಾಗಿತ್ತು. ಈ ವೇಳೆ ಸೋನು ಸೂದ್ ಅವರು ಆರೋಗ್ಯ ಕಾರ್ಯಕರ್ತರಿಗೆ ತಂಗಲು ಸ್ಥಳವನ್ನು ಒದಗಿಸಲು ಮುಂಬೈನಲ್ಲಿರುವ ತಮ್ಮ ಜುಹು ಹೋಟೆಲ್‌ನ ಗೇಟ್‌ಗಳನ್ನು ತೆರೆದರು. ಖಾಸಗಿ ಸುದ್ದಿ ಮಾಧ್ಯಮಕ್ಕೆ ನೀಡಿದ ಸಂದರ್ಶನದಲ್ಲಿ ಅವರು, "ನಮ್ಮ ದೇಶದ ವೈದ್ಯರು, ದಾದಿಯರು ಮತ್ತು ಪ್ಯಾರಾ ಮೆಡಿಕಲ್ ಸಿಬ್ಬಂದಿಗಾಗಿ ಲಕ್ಷಾಂತರ ಜನರ ಜೀವಗಳನ್ನು ಉಳಿಸಲು ಹಗಲಿರುಳು ಶ್ರಮಿಸುತ್ತಿರುವವರಿಗೆ ನನ್ನ ಕೈಲಾದಷ್ಟು ಸಹಾಯ ಮಾಡಲು ಸಾಧ್ಯವಾಗುವುದು ನನ್ನ ಪುಣ್ಯ. ಈ ವಾರಿಯರ್ಸ್‌ಗೆ ನನ್ನ ಹೋಟೆಲ್‌ನ ಬಾಗಿಲು ತೆರೆಯಲು ನನಗೆ ತುಂಬಾ ಸಂತೋಷವಾಗಿದೆ" ಎಂದು ಸೋಸು ಸೂದ್ ಹೇಳಿಕೊಂಡಿದ್ದರು.

ಅನ್ನದಾನ

ಹಸಿದವರಿಗೆ ಅನ್ನ ನೀಡುವುದು ಸೋನುವಿನ ಮುಂದಿನ ಕಾರ್ಯವಾಗಿತ್ತು. ಲಾಕ್‌ಡೌನ್ ನಿಂದಾಗಿ ಮುಂಬೈನಲ್ಲಿ ಉದ್ಯೋಗ ನಷ್ಟ ಮತ್ತು ಆಹಾರದ ಅಭದ್ರತೆ ಉಂಟಾಯಿತು. ಈ ವೇಳೆ ನಟ ಸೋನು ಅಸಿದವರಿಗೆ ಅನ್ನ ನೀಡಲು ನಿರ್ಧರಿಸಿದರು. ಮುಂಬೈನಲ್ಲಿ ಪ್ರತಿದಿನ ಕನಿಷ್ಠ 45,000 ಜನರಿಗೆ ಆಹಾರ ನೀಡುವ ಉದ್ದೇಶದಿಂದ ಸೋನು ತನ್ನ ದಿವಂಗತ ತಂದೆ ಶಕ್ತಿ ಸಾಗರ್ ಸೂದ್ ಹೆಸರಿನಲ್ಲಿ ಶಕ್ತಿ ಅನ್ನದಾನವನ್ನು ಪ್ರಾರಂಭಿಸಿದರು. ತಂದೆಯ ಹೆಸರಿನಲ್ಲಿ ಸಾವಿರಾರು ಜನರಿಗೆ ಅನ್ನ ನೀಡಿ ಜನರ ಪಾಲಿಗೆ ದೇವರರಾದರು.

ವಲಸೆ ಕಾರ್ಮಿಕರಿಗೆ ಸಹಾಯ

ಕೊರೊನವೈರಸ್ ಸಾಂಕ್ರಾಮಿಕ ರೋಗ ಹರಡಿದಾಗಿನಿಂದ, ನಟ ಸಾವಿರಾರು ವಲಸೆ ಮತ್ತು ದೈನಂದಿನ ಕೂಲಿ ಕಾರ್ಮಿಕರಿಗೆ ಸಹಾಯ ಹಸ್ತವನ್ನು ನೀಡಿದ್ದಾರೆ. ಅವರು ತಮ್ಮ ತಂಡದೊಂದಿಗೆ ಸಂಪರ್ಕಕ್ಕೆ ಬಂದ ವಲಸಿಗರನ್ನು ಮನೆಗೆ ಮರಳಲು ಸಹಾಯ ಮಾಡಿದರು. ಜೊತೆಗೆ ನೂರಾರು ಮೈಲುಗಳಷ್ಟು ಜನ ನಡೆಯುವುದನ್ನು ತಪ್ಪಿಸಿದರು. ವಾಹನಗಳ ಓಡಾಟವಿಲ್ಲದ ಕೊರೊನಾ ಸಂದರ್ಭದಲ್ಲಿ ಸಾವಿರಾರು ಜನ ಸೋನು ಸೂದ್ ಕೃಪೆಯಿಂದ ಮನೆಗೆ ಮರಳಿದ್ದಾರೆ. ಸೋನು ಸಹಾಯದಿಂದ ಭಾರತದಾದ್ಯಂತದ ವಲಸಿಗರು ತಮ್ಮ ಕುಟುಂಬಗಳೊಂದಿಗೆ ಬಸ್ಸುಗಳು, ರೈಲುಗಳು ಮತ್ತು ಕೆಲವು ಸಂದರ್ಭಗಳಲ್ಲಿ ವಿಮಾನ ಪ್ರಯಾಣದ ಮೂಲಕ ಮತ್ತೆ ಒಂದಾದರು. ರಾಜ್ಯ ಸರ್ಕಾರಗಳೊಂದಿಗೆ ಸಮನ್ವಯಗೊಂಡು ಹಲವಾರು ಕಾರ್ಯಗಳನ್ನು ಮಾಡಿದ್ದಾರೆ.

ಉದ್ಯೋಗಾವಕಾಶಗಳು

ಸೋನು ಸೂದ್ ಭಾರತದಲ್ಲಿ ವಲಸೆ ಕಾರ್ಮಿಕರಿಗೆ ಉದ್ಯೋಗಾವಕಾಶಗಳನ್ನು ಒದಗಿಸಲು 'ಪ್ರವಾಸಿ ರೋಜ್ಗರ್' ಎಂಬ ವೇದಿಕೆಯನ್ನು ರಚಿಸಿದರು. ಉದ್ಯೋಗಗಳು ಮಾತ್ರವಲ್ಲದೆ ಅವರು ವಸತಿಯೊಂದಿಗೆ ಕಾರ್ಮಿಕರನ್ನು ಬೆಂಬಲಿಸಿದರು. ಮಾತ್ರವಲ್ಲದೆ ಸೋನು ಅವರು ಸ್ವಾವಲಂಬಿಗಳಾಗಲು ಜನರನ್ನು ಸಶಕ್ತಗೊಳಿಸಲು ಪ್ರಯತ್ನಿಸಿದರು ಮತ್ತು ಸಣ್ಣ ವ್ಯಾಪಾರಗಳನ್ನು ಕಿಕ್‌ಸ್ಟಾರ್ಟ್ ಮಾಡಲು ಬಳಸಬಹುದಾದ ಉಚಿತ ಇ-ರಿಕ್ಷಾಗಳನ್ನು ಒದಗಿಸಿದರು.

ವಿದ್ಯಾರ್ಥಿಗಳಿಗೆ ಪೂರ್ಣ ವಿದ್ಯಾರ್ಥಿವೇತನ

ಸೋನು ಸೂದ್ ಅವರು ತಮ್ಮ ತಾಯಿ ಪ್ರೊ.ಸರೋಜ್ ಸೂದ್ ಅವರ ಹೆಸರಿನಲ್ಲಿ ವಿದ್ಯಾರ್ಥಿಗಳಿಗೆ ಪೂರ್ಣ ವಿದ್ಯಾರ್ಥಿವೇತನ ನೀಡಿದ್ದಾರೆ. ತನ್ನ ತಾಯಿಯ ಮರಣ ವಾರ್ಷಿಕೋತ್ಸವದ ಸಂದರ್ಭದಲ್ಲಿ, ಪ್ರೊ ಸರೋಜ್ ಸೂದ್ ವಿದ್ಯಾರ್ಥಿವೇತನದ ಮೂಲಕ IAS ಆಕಾಂಕ್ಷಿಗಳು ತಮ್ಮ ಗುರಿಗಳನ್ನು ತಲುಪಲು ಬೆಂಬಲ ನೀಡುವುದಾಗಿ ಸೋನು ವಾಗ್ದಾನ ಮಾಡಿದರು.

ಸೋನು ವಿದ್ಯಾರ್ಥಿಗಳಿಗೆ ಉಚಿತ ಮೊಬೈಲ್ ಫೋನ್‌ಗಳನ್ನು ಒದಗಿಸಿ "ಇನ್ನು ಮುಂದೆ ಶಿಕ್ಷಣದಲ್ಲಿ ಲಾಕ್‌ಡೌನ್ ಇಲ್ಲ" ಎಂದು ಹೇಳಿದರು. ಸೋನು ಸೂದ್ ಕಿರ್ಗಿಸ್ತಾನ್, ಕಝಾಕಿಸ್ತಾನ್, ತಜಕಿಸ್ತಾನ್, ಜಾರ್ಜಿಯಾ, ಫಿಲಿಪೈನ್ಸ್ ಮತ್ತು ಕಿರ್ಗಿಸ್ತಾನ್‌ನಲ್ಲಿರುವ ರಷ್ಯಾದಂತಹ ದೇಶಗಳಲ್ಲಿ ಸಿಲುಕಿರುವ ಭಾರತೀಯ ವಿದ್ಯಾರ್ಥಿಗಳಿಗೆ ಸಹಾಯ ಮಾಡಲು ಬಂದರು. ಅವರು ಅವರಿಗಾಗಿ ಚಾರ್ಟರ್ ಫ್ಲೈಟ್ ಅನ್ನು ಆಯೋಜಿಸಿದರು.

ಆಸ್ಪತ್ರೆಗಳಿಗೆ ಹಾಸಿಗೆಗಳು, ಔಷಧಗಳು ಮತ್ತು ಆಮ್ಲಜನಕ ಪೂರೈಕೆ

ಕೊರೊನಾ ತೀವ್ರವಾಗಿದ್ದ ಸಂದರ್ಭದಲ್ಲಿ ಅದೆಷ್ಟೋ ಜನರಿಗೆ ಆಸ್ಪತ್ರೆಯಲ್ಲಿ ಹಾಸಿಗೆಗಳು, ಔಷಧಿಗಳು, ಆಮ್ಲಜನಕದ ಕೊರತೆ ಇತ್ತು. ಈ ಸಮಯದಲ್ಲಿ ಸೋನು ಸೂದ್ ಹಾಸಿಗೆಗಳು, ಔಷಧಿಗಳು, ಆಮ್ಲಜನಕದ ಅಗತ್ಯವಿರುವ ಎಲ್ಲವನ್ನೂ ಒದಗಿಸಿದರು. ಭಾರತವು ಕೋವಿಡ್ -19 ರ ವಿನಾಶಕಾರಿ ಎರಡನೇ ಅಲೆವನ್ನು ಎದುರಿಸುತ್ತಿದ್ದಂತೆ ನಟ ಅಗತ್ಯವಿರುವವರ ಮನೆ ಬಾಗಿಲಿಗೆ ಆಮ್ಲಜನಕಗಳನ್ನು ಒದಗಿಸಲು ಪ್ರಾರಂಭಿಸಿದರು. ಹೀಗೆ ಸೋನು ಸೂದ್ ಕೊರೊನಾ ಸಂದರ್ಭದಲ್ಲಿ ಮಾಡಿದ ಕಾರ್ಯಗಳಿಗೆ ಜನರ ಪಾಲಿಗೆ ದೇವರಾಗಿದ್ದಾರೆ. ಜನರ ಸಂಕಷ್ಟದಲ್ಲಿ ಕೈಹಿಡಿದ ಸೋನು ಸೂದ್ ಮುಂಬರುವ ಪಂಜಾಬ್ ಚುನಾವಣೆಯಲ್ಲಿ ಸ್ಪರ್ಧಿಸಲಿದ್ದಾರೆನ್ನುವ ಹೇಳಿಕೆಗಳು ದಟ್ಟವಾಗಿದ್ದವು. ಇದರ ಬೆನ್ನಲ್ಲೇ ಸದ್ಯ ಸೋನು ಸೂದ್ ತಮ್ಮ ಸಹೋದರಿ ಮುಂಬರುವ ಚುನಾವಣೆಯಲ್ಲಿ ಸ್ಪರ್ಧಿಸಲಿದ್ದಾರೆಂದು ಘೋಷಿಸಿದ್ದಾರೆ.

English summary
Actor Sonu Sood today announced that his sister will contest the Punjab polls, which are to be held early next year, but was tight-lipped on the choice of party.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X