ಬೇಗೂರು ಬಾರ್ ಗೂ ಹಳೆ ನೋಟುಗಳ ನಂಟು, ಐಟಿ ಅಧಿಕಾರಿಗಳ ದಾಳಿ

ಗುಂಡ್ಲುಪೇಟೆ, ಮಾರ್ಚ್. 08 : ಅಪನಗದೀಕರಣದ ಬಳಿಕ ಅಧಿಕ ವ್ಯವಹಾರ ನಡೆಸಿದೆ ಎಂಬ ಮಾಹಿತಿಯೊಂದಿಗೆ ಬೇಗೂರಿನ ಬಾರ್‍ ವೊಂದರ ಮೇಲೆ ಬುಧವಾರ ಆದಾಯ ತೆರಿಗೆ ಅಧಿಕಾರಿಗಳು ದಾಳಿ ಮಾಡಿದ್ದಾರೆ.

2016 ನವೆಂಬರ್ 8ರ ನಂತರದ 2 ತಿಂಗಳ ಅವಧಿಯಲ್ಲಿ ಸುಮಾರು 40 ಲಕ್ಷ ರುಗಿಂತ ಹೆಚ್ಚಿನ ವಹಿವಾಟು ನಡೆಸಿರುವ ಮಾಹಿತಿ ಮೇರೆಗೆ ವೆಂಕಟೇಶ್ವರ ಬಾರ್ ಮೇಲೆ ದಾಳಿ ಮಾಡಿ ಮಾಲೀಕ ಗೋವಿಂದು ಅವರನ್ನು ವಿಚಾರಣೆ ನಡೆಸಿದ್ದಾರೆ.

ವಿಚಾರಣೆ ವೇಳೆ ಬಾರ್‍ ಮಾಲೀಕ ಗೋವಿಂದು ಅವರು ಆ ಅವಧಿಯಲ್ಲಿ ಹೆಚ್ಚಿನ ಜನರು 500 ಮತ್ತು 1000 ರೂಪಾಯಿಗಳ ನೋಟನ್ನು ಹೆಚ್ಚಿನ ಪ್ರಮಾಣದಲ್ಲಿ ನೀಡಿ ಮದ್ಯ ಖರೀದಿ ಮಾಡಿದ್ದಾರೆ.

ಅಲ್ಲದೆ ಈ ಬಗ್ಗೆ ಸಗಟು ಮದ್ಯಮಾರಾಟ ಸಂಸ್ಥೆಯಾದ ಎಂಎಸ್‍ಐಎಲ್ ಗೆ ಡಿಮ್ಯಾಂಡ್ ಡ್ರಾಫ್ಟ್ ನೀಡುವ ಮೂಲಕ ಖರೀದಿಸಿರುವುದಾಗಿ ಮಾಲೀಕ ಗೋವಿಂದು ಆದಾಯ ತೆರಿಗೆ ಅಧಿಕಾರಿಗಳಿಗೆ ಹೇಳಿದ್ದಾರೆ.

ಈ ಬಗ್ಗೆ ಸಂಬಂಧಪಟ್ಟ ಎಲ್ಲ ದಾಖಲಾತಿಗಳನ್ನು ಚಾಮರಾಜನಗರದ ಆದಾಯ ತೆರಿಗೆ ಕಚೇರಿಗೆ ಸಲ್ಲಿಸುವಂತೆ ಬಾರ್ ಮಾಲೀಕನಿಗೆ ನೋಟೀಸ್ ನೀಡಿದ್ದಾರೆ ಎಂದು ತಿಳಿದು ಬಂದಿದೆ.

English summary

Income Tax department officials carried out raids on Venkateshwara bar Begur,Gundlupet taluk on March 08. The Bar owner Govindu Rs 40 lakh transaction after demonetisation.