Click it and Unblock the Notifications
Just In
-
-
-
Don't Miss
-
ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ -
ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ -
ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್ -
ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್ -
ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್! -
n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಜಿಯೊ ಎಫೆಕ್ಟ್ ನಿಂದಾಗಿ ಏರ್ ಟೆಲ್ ಲಾಭದಲ್ಲಿ ಶೇ. 54ರಷ್ಟು ನಷ್ಟ!
ಜಿಯೊ ಸಂಸ್ಥೆಯು ಮಾರುಕಟ್ಟೆ ಪ್ರವೇಶಿಸಿದ ಕಾರಣದಿಂದ ಪ್ರಮುಖ ಕಂಪನಿಗಳ ನಡುವೆ ದರ ಸಮರ ನಡೆಯುತ್ತಿದೆ. ಏರ್ ಟೆಲ್ ನಂಥ ಪ್ರಮುಖ ಸಂಸ್ಥೆಯೇ ಲಾಭದಲ್ಲಿ ನಷ್ಟ ಅನುಭವಿಸಿದೆ
ನವದೆಹಲಿ, ಜನವರಿ 25: ರಿಲಯನ್ಸ್ ಕಂಪನಿಯ 'ಜಿಯೊ ನೆಟ್ ವರ್ಕ್', ದೂರ ಸಂಪರ್ಕ ಕ್ಷೇತ್ರದಲ್ಲಿ ಕಾಲಿಟ್ಟಾಗಿನಿಂದ ಈ ಕ್ಷೇತ್ರದಲ್ಲಿ ಹಲವಾರು ಏರುಪೇರುಗಳಾಗಿವೆ. ಇದು ಭಾರತೀಯ ಮೊಬೈಲ್ ನೆಟ್ ವರ್ಕ್ ಕ್ಷೇತ್ರದ ರಾಜನಂತಿದ್ದ ಏರ್ ಟೆಲ್ ಸಂಸ್ಥೆಗೂ ಜಿಯೋ ಬಿಸಿ ತಟ್ಟಿದೆ.
ಮಂಗಳವಾರ, ಏರ್ ಟೆಲ್ ಸಂಸ್ಥೆಯ 2015-16ನೇ ಸಾಲಿನ ತೃತೀಯ ತ್ರೈ ಮಾಸಿಕ ಆದಾಯವನ್ನು ಬಿಡುಗಡೆಗೊಳಿಸಿದ್ದು, ಕಳೆದ ವರ್ಷದ ಅಕ್ಟೋಬರ್ ನಿಂದ ಡಿಸೆಂಬರ್ ವರೆಗಿನ ಅವಧಿಯಲ್ಲಿ, ಸಂಸ್ಥೆಯ ಲಾಭ ಶೇ. 54ರಷ್ಟು ಕುಸಿದಿದೆ ಎಂದು ಕಂಪನಿ ಹೇಳಿಕೊಂಡಿದೆ. ಇದು ಜಿಯೊ ಸಂಸ್ಥೆಯು ಮಾರುಕಟ್ಟೆಗೆ ಕಾಲಿಟ್ಟ ಪರಿಣಾಮ ಎಂಬುದರಲ್ಲಿ ಎರಡು ಮಾತಿಲ್ಲ ಎನ್ನಲಾಗಿದೆ.
ಕಂಪನಿ ಬಿಡುಗಡೆಗೊಳಿಸಿರುವ ಮಾಹಿತಿಯ ಪ್ರಕಾರ, ಏರ್ ಟೆಲ್ ಸಂಸ್ಥೆಯು ತನ್ನ ಮೂರನೇ ಕ್ವಾರ್ಟರ್ ಅವಧಿಯಲ್ಲಿ 503.7 ಕೋಟಿ ಗಳಿಸಿದೆ. 2015ರ 3ನೇ ತ್ರೈಮಾಸಿಕ ಅವಧಿಯಲ್ಲಿ ಏರ್ ಟೆಲ್ ಸಂಸ್ಥೆಯು 1,108.1 ಕೋಟಿ ರು.ಗಳನ್ನು ಲಾಭ ಗಳಿಸಿತ್ತು. ಆದರೆ, ಈ ಬಾರಿ ಮಾತ್ರ ಅದರ ಲಾಭಾಂಶ ಅರ್ಧದಷ್ಟು ಕುಸಿತ ಕಂಡಿದೆ.
ಅಷ್ಟೇ ಅಲ್ಲ, 2015-16ನೇ ಹಣಕಾಸು ವರ್ಷದಲ್ಲಿ ಏರ್ ಟೆಲ್ ಕಂಪನಿಯ ಒಟ್ಟಾರೆ ಆದಾಯವೂ ಶೇ. 3ರಷ್ಟು ಕುಸಿತ ಕಂಡಿದೆಯಂತೆ. 2013-14ರಲ್ಲಿ ಕಂಪನಿಯ ಆದಾಯ 24,103.4 ಕೋಟಿಯಷ್ಟಿದ್ದರೆ, 2014-15ರಲ್ಲಿ ಕಂಪನಿ ಆದಾಯವು 23,363.9 ಕೋಟಿಯಾಗಿದೆ ಎಂದು ಕಂಪನಿ ಹೇಳಿದೆ.
