ಕಾರ್ಖಾನೆಯೊಂದರ ಕಾರ್ಮಿಕನ ಮಗ ಈಗ 55,000 ಕೋಟಿ ಕಂಪೆನಿ ಮಾಲೀಕ!
ಬೆಂಗಳೂರು, ಜುಲೈ 31: ಅಪ್ಪ ಹಾಕಿದ ಮರಕ್ಕೆ ನೇಣು ಹಾಕಿಕೊಳ್ಳುವ, ಅಪ್ಪ ಮಾಡಿದ ಕೆಲಸವನ್ನು ಮುಂದುವರೆಸುವ ಮಕ್ಕಳು ಈಗ ವಿರಳ. ತಮ್ಮದೇ ಆದ ವಿಭಿನ್ನ ತಂತ್ರಗಳೊಂದಿಗೆ ಅವರು ಮುನ್ನುಗುತ್ತಲೇ ಇರುತ್ತಾರೆ. ಅಂತವರ ಪಟ್ಟಿಗೆ ಸೇರುವವರು ಇಲ್ಲೊಬ್ಬರಿದ್ದಾರೆ. ಅವರ ತಂದೆ ಕಾರ್ಖಾನೆಯೊಂದರ ಕಾರ್ಮಿಕರಾಗಿದ್ದರೂ ತಾವು 55,000 ಕೋಟಿ ಮೌಲ್ಯದ ಕಂಪೆನಿಯನ್ನು ಅವರು ಕಟ್ಟಿದ್ದಾರೆ.
ಗುಜರಾತಿನ ಜಯಂತಿ ಕನಾನಿ ಎಂಬುವವರು ಬಡತನದಲ್ಲಿ ಹುಟ್ಟಿ, ಶಿಕ್ಷಣ ಪಡೆಯುವ ಅವಕಾಶ ಕಳೆದುಕೊಂಡರೂ ನಂತರ ಭಾರತದ ಮೊದಲ ಕ್ರಿಪ್ಟೋ ಬಿಲಿಯನೇರ್ ಸಹ-ಸಂಸ್ಥಾಪಕರ ಭಾಗವಾಗಿದ್ದರು. ಅವರು ನಾಲ್ಕು ವರ್ಷಗಳಲ್ಲಿ ಪಾಲಿಗಾನ್ನ ಕಿಕ್ಸ್ಟಾರ್ಟಿಂಗ್ನಲ್ಲಿ ಈಗ ಸಂಸ್ಥಾಪಕರು. ಅವರು 2021 ರಲ್ಲಿ ಕೇವಲ 4 ವರ್ಷಗಳಲ್ಲಿ $10 ಶತಕೋಟಿಯ ಮಾರುಕಟ್ಟೆ ಮೌಲ್ಯವನ್ನು ಸಾಧಿಸಿದರು. ಜಯಂತಿ ಕನಾನಿ ಮತ್ತು ಸಂದೀಪ್ ನೈಲ್ವಾಲ್ ಎಂಬ ಇಬ್ಬರು ಯುವಕರು IITಯಿಂದ ಬಂದವರಲ್ಲ. ಆದರೆ ಅವರ ಬಿಲಿಯನ್ ಡಾಲರ್ ವ್ಯವಹಾರಕ್ಕೆ ಅದು ಬೇಕಾಗಿರಲಿಲ್ಲ.
ಜಯಂತಿ ಕನಾನಿಯವರು ಅಹಮದಾಬಾದ್ನ ಹೊರವಲಯದಲ್ಲಿರುವ ಸಣ್ಣ ಫ್ಲಾಟ್ನಲ್ಲಿ ಬೆಳೆದವರು. ಅಲ್ಲಿ ಅವರ ತಂದೆ ವಜ್ರ ಕಾರ್ಖಾನೆಯಲ್ಲಿ ಕೆಲಸ ಮಾಡುತ್ತಿದ್ದರು. ಅವರ ಕುಟುಂಬ ಹಣಕಾಸಿಗಾಗಿ ತುಂಬಾ ಕಷ್ಟ ಅನುಭವಿಸುತ್ತಿದ್ದರಿಂದ ಜಯಂತಿ ಕನಾನಿ ಶಿಕ್ಷಣವನ್ನು ಮುಂದುವರೆಸಲು ಸಾಧ್ಯವಾಗಲಿಲ್ಲ. ಶಾಲೆಯನ್ನು ಪೂರ್ಣಗೊಳಿಸಲು ಸಾಧ್ಯವಾಗಿದ್ದು ತನ್ನ ಅದೃಷ್ಟ ಎಂದು ಜಯಂತಿ ಹೇಳುತ್ತಾರೆ.
ಬಡತನದಿಂದ ಹೊರಬರಲು ತನ್ನ ಕುಟುಂಬಕ್ಕೆ ಸಹಾಯ ಮಾಡುವುದೇ ಜೀವನದ ಏಕೈಕ ಗುರಿಯೊಂದಿಗೆ ಜಯಂತಿ ಕನನಿ ನಾಡಿಯಾಡ್ನಲ್ಲಿರುವ ಧರ್ಮಸಿನ್ಹ್ ದೇಸಾಯಿ ವಿಶ್ವವಿದ್ಯಾಲಯದಲ್ಲಿ ಎಂಜಿನಿಯರಿಂಗ್ ಅಧ್ಯಯನ ಮಾಡಿದರು. ನಂತರ ಅವರಿಗೆ 6,000 ರೂಪಾಯಿ ಮಾಸಿಕ ಸಂಬಳಕ್ಕೆ ಪುಣೆಯಲ್ಲಿ ಕೆಲಸ ಸಿಕ್ಕಿತು.
ವಜ್ರ ಕಾರ್ಖಾನೆಯಲ್ಲಿ ಕಣ್ಣು ಕಾಣುವುದು ನಿಂತು ಹೋದ ಕಾರಣ ಜಯಂತಿ ಅವರ ತಂದೆ ಕೆಲಸವನ್ನು ತ್ಯಜಿಸಬೇಕಾಯಿತು, ಇದು ಜಯಂತಿ ಅವರಿಗೆ ದೊಡ್ಡ ಸಂಬಳದೊಂದಿಗೆ ಕೆಲಸವನ್ನು ಹುಡುಕುವಂತೆ ಮಾಡಿತು. ಬಳಿಕ ಅವರು ಸ್ಟಾರ್ಟ್ಅಪ್ಗೆ ಸೇರಿಕೊಂಡು ಅನೇಕ ಯೋಜನೆಗಳನ್ನು ಅರೆಕಾಲಿಕವಾಗಿ ಮಾಡಿದರು. ತಮ್ಮ ಮದುವೆಗೆ ಸಾಲವನ್ನೂ ಮಾಡಿದ್ದರು. ಸಾಲದ ಸುಳಿಯಲ್ಲಿ ಸಿಲುಕಿರುವ ಜಯಂತಿ ಅವರು ಶತಕೋಟಿ ಡಾಲರ್ ಸಂಸ್ಥೆಯನ್ನು ಕಟ್ಟುವುದು ಅವರ ಮನಸ್ಸಿನಲ್ಲಿಯೇ ಇರಲಿಲ್ಲ ಎಂದು ಹೇಳಿದರು.
ಅವರು 2017 ರಲ್ಲಿ ಪಾಲಿಗಾನ್ ಕಂಪೆನಿಯನ್ನು ಸಂದೀಪ್ ನೈಲ್ವಾಲ್ ಮತ್ತು ಮೂರನೇ ಸಹ-ಸಂಸ್ಥಾಪಕ ಅನುರಾಗ್ ಅರ್ಜುನ್ ಜೊತೆ ಸ್ಥಾಪಿಸಿದರು. ಅವರ ನಾಲ್ಕನೇ ಸಹ-ಸಂಸ್ಥಾಪಕ ಮಿಹಾಲಿಯೊ ಬ್ಜೆಲಿಕ್, ಸರ್ಬಿಯಾದ ಟೆಕ್ಕಿ ನಂತರ ಮಂಡಳಿಗೆ ಬಂದರು. ಅವರು ಅಮೆರಿಕದ ಅತ್ಯಂತ ಪ್ರಸಿದ್ಧ ಹೂಡಿಕೆದಾರರು ಮತ್ತು ಶಾರ್ಕ್ ಟ್ಯಾಂಕ್ ನ್ಯಾಯಾಧೀಶ ಮಾರ್ಕ್ ಕ್ಯೂಬನ್ನಿಂದ ಹೂಡಿಕೆಯನ್ನು ಪಡೆದಾಗ ಸಂಸ್ಥೆಯು ಗಮನ ಸೆಳೆಯಿತು. 2022 ರಲ್ಲಿ ಸಾಫ್ಟ್ಬ್ಯಾಂಕ್, ಟೈಗರ್ ಗ್ಲೋಬಲ್, ಸಿಕ್ವೊಯಾ ಕ್ಯಾಪಿಟಲ್ ಇಂಡಿಯಾದಂತಹ ಹೂಡಿಕೆದಾರರಿಂದ $450 ಮಿಲಿಯನ್ ಹಣವನ್ನು ಸಂಗ್ರಹಿಸಿತು. ಇಂದು ಅವರ ಕಂಪೆನಿ ಮಾರುಕಟ್ಟೆ ಮೌಲ್ಯ ಸುಮಾರು $6.7 ಬಿಲಿಯನ್ (55,000 ಕೋಟಿ ರೂ.ಗಿಂತ ಹೆಚ್ಚು) ಇದೆ.
Click it and Unblock the Notifications
Sign in with Google