ಶೇರ್ಚಾಟ್ನಲ್ಲಿ ಹೂಡಿಕೆಗೆ ಮುಂದಾದ ಮೈಕ್ರೋಸಾಫ್ಟ್
ನವದೆಹಲಿ, ಆಗಸ್ಟ್ 07: ಅಮೆರಿಕಾ ಟೆಕ್ ದೈತ್ಯ ಸಂಸ್ಥೆ ಮೈಕ್ರೋಸಾಫ್ಟ್ ಭಾರತದ ಶೇರ್ಚಾಟ್ನಲ್ಲಿ 100 ಮಿಲಿಯನ್ ಡಾಲರ್ ಹೂಡಿಕೆ ಮಾಡಲು ಮಾತುಕತೆ ನಡೆಸುತ್ತಿದೆ ಎಂದು ಮೂಲಗಳು ತಿಳಿಸಿವೆ.
ಭಾರತೀಯ ನಿರ್ಮಿತ ಸೋಷಿಯಲ್ ಮೀಡಿಯಾ ಅಪ್ಲಿಕೇಶನ್ ಶೇರ್ಚಾಟ್ ಪ್ರಸ್ತುತ ತಿಂಗಳಿಗೆ 140 ಮಿಲಿಯನ್ ಸಕ್ರಿಯ ಬಳಕೆದಾರರನ್ನು ಹೊಂದಿದೆ. ಬೆಂಗಳೂರು ಮೂಲದ್ದೇ ಆದ ಈ ಕಂಪನಿಯು ದೇಶದಲ್ಲಿ ಬಹಳ ಜನಪ್ರಿಯವಾಗಿದ್ದು 15 ಭಾರತೀಯ ಭಾಷೆಗಳಲ್ಲಿ ಲಭ್ಯವಿದೆ.
ಇತ್ತೀಚೆಗಷ್ಟೇ ಮೈಕ್ರೋಸಾಫ್ಟ್ ಚೀನಾದ ಬೈಟ್ಡ್ಯಾನ್ಸ್ ಒಡೆತನದ ಟಿಕ್ ಟಾಕ್ ಅನ್ನು ಖರೀದಿಸುವುದಾಗಿ ತಿಳಿಸಿತ್ತು. ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಟಿಕ್ ಟಾಕ್ ಅನ್ನು ಅಮೆರಿಕಾದ ಕಂಪನಿಯು ಖರೀದಿಸದಿದ್ದರೆ 45 ದಿನಗಳಲ್ಲಿ ನಿಷೇಧಿಸುವುದಾಗಿ ಘೋಷಿಸಿದ್ದರು.
ಈ ಮಧ್ಯೆ ಮೈಕ್ರೋಸಾಫ್ಟ್ ಭಾರತದ ಅಪ್ಲಿಕೇಶನ್ನಲ್ಲಿ ಹೂಡಿಕೆಗೆ ಮುಂದಾಗಿದೆ. ಪ್ರಸ್ತುತ, ಶೇರ್ಚಾಟ್ ಅನ್ನು ಹೆಚ್ಚಾಗಿ ದೇಶದ ಶ್ರೇಣಿ 1 ಮತ್ತು ಶ್ರೇಣಿ 2 ನಗರಗಳ ಜನರು ಬಳಸುತ್ತಾರೆ. ಅವರು 2 ಜಿ ನೆಟ್ವರ್ಕ್ಗಳನ್ನೂ ಅವಲಂಬಿಸಿದ್ದಾರೆ.
Click it and Unblock the Notifications
Sign in with Google