ಅಮೆರಿಕ- ಚೀನಾ ಜಗಳದಲ್ಲಿ ಸೆನ್ಸೆಕ್ಸ್ 500 ಅಂಶ, ನಿಫ್ಟಿ 137 ಅಂಶ ಕುಸಿತ

Updated: Monday, September 17, 2018, 20:16 [IST]

ನವದೆಹಲಿ, ಸೆಪ್ಟೆಂಬರ್ 17: ಮಾರಾಟದ ಒತ್ತಡ ಕಾರಣದಿಂದ ಸೋಮವಾರದಂದು ಸೆನ್ಸೆಕ್ಸ್ 505.13 ಅಂಶಗಳನ್ನು ಕಳೆದುಕೊಂಡು, ದಿನದ ಕೊನೆ 37,585.51 ಅಂಶಕ್ಕೆ ಮುಕ್ತಾಯ ಕಂಡಿದೆ. ಇನ್ನು ನಿಫ್ಟಿ 137.45 ಅಂಶಗಳಷ್ಟು ಇಳಿಕೆ ಕಂಡು, 11,377.7 ಅಂಶದೊಂದಿಗೆ ದಿನಾಂತ್ಯ ಕಂಡಿದೆ. ಹೂಡಿಕೆದಾರರ ಒಂದು ಲಕ್ಷ ಕೋಟಿಗೂ ಹೆಚ್ಚು ಮೊತ್ತ ಕೊಚ್ಚಿಹೋಗಿದೆ.

ಅಮೆರಿಕ ಹಾಗೂ ಚೀನಾ ಮಧ್ಯದ ವ್ಯಾಪಾರ ಕದನದ ದಿನೇದಿನೇ ಕಾವು ಪಡೆಯುತ್ತಿರುವುದರಿಂದ ಹೂಡಿಕೆದಾರರು ಆತಂಕಕ್ಕೆ ಒಳಗಾಗಿದ್ದಾರೆ. ರುಪಾಯಿ ಮೌಲ್ಯದ ಕುಸಿತ ತಡೆಯಲು ಹಾಗೂ ವಿತ್ತೀಯ ಕೊರತೆ ಸರಿಪಡಿಸಲು ಕಳೆದ ವಾರಾಂತ್ಯದಲ್ಲಿ ಸರಕಾರ ಘೋಷಿಸಿದ ಕ್ರಮಗಳಿಂದಲೂ ಯಾವುದೇ ಸಕಾರಾತ್ಮಕ ಬದಲಾವಣೆ ಕಂಡುಬಂದಿಲ್ಲ. ಜತೆಗೆ ಸೋಮವಾರದಂದು ಷೇರು ಮಾರುಕಟ್ಟೆ ಕುಸಿತ ಕಂಡಿದೆ.