ರಿಲಯನ್ಸ್ ಮತ್ತು ಬ್ರಿಟಿಷ್ ಪೆಟ್ರೋಲಿಯಂನಿಂದ ಅನಿಲ ಯೋಜನೆ ವಿವರ
ಮುಂಬೈ, ಡಿಸೆಂಬರ್ 20: ಏಷ್ಯಾದಲ್ಲೇ ಅತ್ಯಂತ ಆಳ ನೀರಿನ ಅನಿಲ ಯೋಜನೆಗೆ ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ ಹಾಗೂ ಬ್ರಿಟಿಷ್ ಪೆಟ್ರೋಲಿಯಂ (ಬಿ.ಪಿ.) ಚಾಲನೆ ನೀಡಿವೆ.
ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ ಹಾಗೂ ಬ್ರಿಟಿಷ್ ಪೆಟ್ರೋಲಿಯಂ (ಬಿ.ಪಿ.) ಶುಕ್ರವಾರ ಘೋಷಣೆ ಮಾಡಿದಂತೆ, R ಕ್ಲಸ್ಟರ್ ನ ಭಾರತದ ಪೂರ್ವ ಕಡಲ ಕಿನಾರೆಯ ಆಳ ನೀರಿನ ಅನಿಲ ಕ್ಷೇತ್ರದ KG D6 ಬ್ಲಾಕ್ ನಲ್ಲಿ ಉತ್ಪಾದನೆ ಆರಂಭಿಸುವ ಕುರಿತಂತೆ ಪ್ರಕಟಣೆ ಹೊರಡಿಸಿವೆ.
KG D6 ಬ್ಲಾಕ್- R ಕ್ಲಸ್ಟರ್, ಸ್ಯಾಟಲೈಟ್ ಕ್ಲಸ್ಟರ್ ಮತ್ತು ಎಂ.ಜೆ.ನಲ್ಲಿ ಮೂರು ಆಳನೀರಿನ ಅನಿಲ ಯೋಜನೆಯನ್ನು ರಿಲಯನ್ಸ್ ಮತ್ತು ಬ್ರಿಟಿಷ್ ಪೆಟ್ರೋಲಿಯಂ ಸೇರಿ ರೂಪಿಸುತ್ತಿದೆ. 2023ರ ಹೊತ್ತಿಗೆ ಈ ಮೂರೂ ಸೇರಿ ಭಾರತದ ಅನಿಲ ಬೇಡಿಕೆಯ ಶೇಕಡಾ 15ರಷ್ಟನ್ನು ಪೂರೈಸುತ್ತದೆ.
KG D6 ನಲ್ಲಿ ರಿಲಯನ್ಸ್ ಪ್ರಮುಖ ಆಪರೇಟರ್
KG D6 ಬ್ಲಾಕ್ ನಲ್ಲಿನ ಈಗಾಗಲೇ ಇರುವ ಮೂಲಸೌಕರ್ಯವನ್ನು ಈ ಯೋಜನೆಗಳಿಗಾಗಿ ಬಳಸಿಕೊಳ್ಳಲಾಗುತ್ತದೆ. KG D6 ನಲ್ಲಿ ರಿಲಯನ್ಸ್ ಪ್ರಮುಖ ಆಪರೇಟರ್ ಆಗಿ, 66.67% ಭಾಗವಹಿಸುವಿಕೆ ಹೊಂದಿದ್ದರೆ, ಬ್ರಿಟಿಷ್ ಪೆಟ್ರೋಲಿಯಂ 33.33% ಭಾಗವಹಿಸುವಿಕೆ ಇರುತ್ತದೆ. ಮುಂಬರುವ ಮೂರು ಆಳನೀರಿನ ಅನಿಲ ಯೋಜನೆಗಳಲ್ಲಿ KG D6 ಮೊದಲನೆಯದ್ದಾಗಿದೆ.
ಕಾರ್ಯನಿರ್ವಾಹಕ ನಿರ್ದೇಶಕ ಮುಕೇಶ್ ಅಂಬಾನಿ
ರಿಲಯನ್ಸ್ ಅಧ್ಯಕ್ಷ ಮತ್ತು ಕಾರ್ಯನಿರ್ವಾಹಕ ನಿರ್ದೇಶಕ ಮುಕೇಶ್ ಅಂಬಾನಿ, ''ಬ್ರಿಟಿಷ್ ಪೆಟ್ರೋಲಿಯಂ ಜತೆಗಿನ ನಮ್ಮ ಸಹಭಾಗಿತ್ವದ ಬಗ್ಗೆ ಹೆಮ್ಮೆ ಇದೆ. ಭೌಗೋಳಿಕ ಹಾಗೂ ಹವಾಮಾನ ದೃಷ್ಟಿಯಿಂದ ಸವಾಲಾಗಿರುವ ಕಡೆ ಅನಿಲ ಯೋಜನೆಗೆ ನಮ್ಮ (ರಿಲಯನ್ಸ್ ಮತ್ತು ಬಿಪಿ) ಪ್ರಾವೀಣ್ಯತೆ ಜತೆಗೂಡುತ್ತಿದೆ. ಭಾರತದ ಇಂಧನ ಕ್ಷೇತ್ರದಲ್ಲಿ ಸ್ವಚ್ಛ ಮತ್ತು ಹಸಿರು ಅನಿಲ ಆಧಾರಿತ ಆರ್ಥಿಕತೆಗೆ ಮೈಲುಗಲ್ಲು ಇದಾಗಿದೆ. ಕೃಷ್ಣ ಗೋದಾವರಿ ಪಾತ್ರದಲ್ಲಿನ ಆಳನೀರಿನ ನಮ್ಮ ಮೂಲಸೌಕರ್ಯದ ಮೂಲಕ ಅನಿಲ ಉತ್ಪಾದನೆ ನಿರೀಕ್ಷಿಸುತ್ತಿದ್ದು, ದೇಶದ ಸ್ವಚ್ಛ ಇಂಧನದ ಅಗತ್ಯ ಪೂರೈಕೆ ಇದರಿಂದ ಆಗುತ್ತದೆ'' ಎಂದು ಹೇಳಿದ್ದಾರೆ.
ಬ್ರಿಟಿಷ್ ಪೆಟ್ರೋಲಿಯಂನ ಮುಖ್ಯಾಧಿಕಾರಿ ಬರ್ನಾರ್ಡ್
ಬ್ರಿಟಿಷ್ ಪೆಟ್ರೋಲಿಯಂನ ಮುಖ್ಯಾಧಿಕಾರಿ ಬರ್ನಾರ್ಡ್ ಲೂನಿ ಮಾತನಾಡಿ, ''ರಿಲಯನ್ಸ್ ಜತೆಗಿನ ನಮ್ಮ ಸಹಭಾಗಿತ್ವದ ಸಾಧ್ಯತೆಗೆ ಈ ಸ್ಟಾರ್ಟ್ ಅಪ್ ಮತ್ತೊಂದು ಉದಾಹರಣೆ. ಹೆಚ್ಚಾಗುತ್ತಿರುವ ಭಾರತದ ಇಂಧನ ಅಗತ್ಯವನ್ನು ಪೂರೈಸಲು ಎರಡೂ ಕಂಪೆನಿಗಳು ಅತ್ಯುತ್ತಮ ಕೊಡುಗೆ ನೀಡುತ್ತವೆ. ಭಾರತದ್ದೇ ಸ್ವಂತ ಸ್ವಚ್ಛ ಅನಿಲದ ಉತ್ಪಾದನೆ ಹೆಚ್ಚುತ್ತಿರುವುದರಿಂದ ಬೇಡಿಕೆ ಪೂರೈಸಲು ನೆರವಾಗುತ್ತದೆ. ಭವಿಷ್ಯದ ಇಂಧನ ಅಗತ್ಯದ ಮಿಶ್ರಣವನ್ನು ರೂಪಿಸಲು ಮತ್ತು ಉತ್ತಮಗೊಳಿಸಲು ಈ ಮೂರು ಹೊಸ KG D6 ಪ್ರಾಜೆಕ್ಟ್ ಗಳು ಬೆಂಬಲಿಸುತ್ತವೆ'' ಎಂದಿದ್ದಾರೆ.
ಸ್ಯಾಟಲೈಟ್ಸ್ ಕ್ಲಸ್ಟರ್ ಮುಂದಿನ ಯೋಜನೆ
ಮುಂದಿನ ಯೋಜನೆಯು ಸ್ಯಾಟಲೈಟ್ಸ್ ಕ್ಲಸ್ಟರ್ ನದ್ದಾಗಿದ್ದು, 2021ರಲ್ಲಿ ಆರಂಭವಾಗುವ ನಿರೀಕ್ಷೆ ಇದೆ. ಆ ನಂತರ MJ ಪ್ರಾಜೆಕ್ಟ್ 2022ರಲ್ಲಿ ಶುರುವಾಗಬಹುದು. ಈ ಮೂರು ಅನಿಲ ಕ್ಷೇತ್ರದಲ್ಲಿ ಉತ್ಪಾದನೆ ಶುರುವಾದ ಮೇಲೆ ಗರಿಷ್ಠ ಮಟ್ಟದಲ್ಲಿ ಉತ್ಪಾದನೆ ಆಗುವಾಗ ಅದು 30 mmscmd (1bcf/d) ಇರುತ್ತದೆ. 2023ರ ಹೊತ್ತಿಗೆ ಭಾರತದ ದೇಶೀಯ ಬಳಕೆಯ 25% ಇರಲಿದ್ದು, ಇದರಿಂದ ಅನಿಲ ಆಮದಿನ ಮೇಲೆ ಅವಲಂಬನೆ ಕಡಿಮೆ ಆಗಲು ನೆರವಾಗುತ್ತದೆ.
-
Bengaluru: ಬೆಳ್ಳಂಬೆಳಗ್ಗೆ ಬೆಂಗಳೂರಿನ ಸಮಸ್ಯೆಗಳು: ಬೇರೆ ಊರುಗಳಿಂದ ಬಂದ ಮೆಜೆಸ್ಟಿಕ್ನಲ್ಲಿ ಸಂಕಷ್ಟ, 7 ಪ್ರಮುಖ ಸಂಕಷ್ಟಗಳು -
Karnataka Weather: ಇಂದು ರಾಜ್ಯದ ಈ ಜಿಲ್ಲೆಗಳಲ್ಲಿ ಗುಡುಗು, ಬಿರುಗಾಳಿ ಸಹಿತ ಮಳೆಯಾಗುವ ಮುನ್ಸೂಚನೆ -
Jobs: ಕಂದಾಯ ಇಲಾಖೆಯಲ್ಲಿ 500 ಹೊಸ ಗ್ರಾಮ ಆಡಳಿತ ಅಧಿಕಾರಿ ಹುದ್ದೆಗಳಿಗೆ ಶೀಘ್ರದಲ್ಲೇ ನೇಮಕಾತಿ -
March 24 Horoscope: ಈ 3 ರಾಶಿಗಳಿಗೆ ಅದೃಷ್ಟದ ಬಾಗಿಲು ತೆರೆದುಕೊಳ್ಳಲಿದೆ -
ಕೂಲಿಗೆ ಹೋಗಿದ್ದ ವಿದ್ಯಾರ್ಥಿನಿಯನ್ನು ದ್ರಾಕ್ಷಿ ತೋಟದಿಂದಲೇ ಕರೆತಂದು SSLC ಪರೀಕ್ಷೆ ಬರೆಸಿದ ಗದಗ ಬಿಇಒ -
Bengaluru Land: ಕಾಡುಗೋಡಿಯಲ್ಲಿ 78 ಜಾಗ ಹಿಂತಿರುಗಿಸುವಂತೆ ಎಂಬೆಸ್ಸಿಗೆ ಕೆಐಎಸಿಬಿ ಆದೇಶ -
Train Ticket: ರೈಲು ಟಿಕೆಟ್ ರದ್ದತಿ, ಮರುಪಾವತಿ ರೂಲ್ಸ್ ಬದಲಾವಣೆ: ಏಪ್ರಿಲ್ನಿಂದ ಹೊಸ ನಿಯಮ -
Mutton: ಕುಕ್ಕರ್ 20 ಬಾರಿ ಕೂಗಿದರೂ ಬೇಯದ ತಲೆ ಮಟನ್: ಪೊಲೀಸ್ ಠಾಣೆಗೆ ಪಾತ್ರೆ ಹಿಡಿದು ಬಂದು ರಾದ್ಧಾಂತ -
Viral Post: 'ಬೆಂಗಳೂರು ಟ್ರಾಫಿಕ್' ಕಿರಿಕಿರಿ ತಪ್ಪಿಸಲು ಆಫೀಸ್ನಿಂದ ಮನೆಗೆ ನಡೆದುಕೊಂಡು ಹೋಗುತ್ತಿರುವ ಮಹಿಳೆ -
Gas: ಬೆಳಗಾವಿಯಲ್ಲಿ ಸಿಲಿಂಡರ್, ಇಂಧನ ಲಭ್ಯತೆಯ ಬಗ್ಗೆ: ಜಿಲ್ಲಾಧಿಕಾರಿ ಮೊಹಮ್ಮದ್ ರೋಷನ್ ಅಪ್ಡೇಟ್ಸ್ -
Liquor Ban: ಬೆಂಗಳೂರಲ್ಲಿ 48 ಗಂಟೆಗಳ ಕಾಲ ಮದ್ಯ ಮಾರಾಟ ನಿಷೇಧ, ಎಲ್ಲೆಲ್ಲಿ - ಯಾಕೆ ಇಲ್ಲಿದೆ ಮಾಹಿತಿ -
Bengaluru property: ಬೆಂಗಳೂರು ಆಸ್ತಿ ತೆರಿಗೆ ಬಾಕಿದಾರರಿಗೆ ಇದೀಗ ಬಿಗ್ ಶಾಕ್: ಪಾಲಿಕೆಗಳೇ ಆಸ್ತಿ ಖರೀದಿ
Click it and Unblock the Notifications
Sign in with Google