• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ನೀರವ್ ಮೋದಿಗೆ ಸೇರಿದ 523 ಕೋಟಿ ಆಸ್ತಿ ಜಪ್ತಿ, ಕೌಂಟಿಂಗ್

By Mahesh
|
Google Oneindia Kannada News

ಬೆಂಗಳೂರು, ಫೆಬ್ರವರಿ 24: ಪಂಜಾಬ್ ನ್ಯಾಷನಲ್ ಬ್ಯಾಂಕ್‍ನ (ಪಿಎನ್‍ಬಿ) ಬಹು ಕೋಟಿ ವಂಚನೆ ಪ್ರಕರಣದ ಆರೋಪಿ, ವಿಶ್ವ ಪ್ರಸಿದ್ಧ ಆಭರಣ ವಿನ್ಯಾಸಕ ನೀರವ್ ಮೋದಿ (47) ಅವರ ಆಸ್ತಿ ಬಗೆದಷ್ಟು ಸಿಗುತ್ತಲೇ ಇದೆ. ಜಾರಿ ನಿರ್ದೇಶನಾಲಯದ ಅಧಿಕಾರಿಗಳು ನೀರವ್ ಮೋದಿಗೆ ಸೇರಿರುವ 523 ಕೋಟಿ ರು ಮೌಲ್ಯದ ಆಸ್ತಿಯನ್ನು ವಶಪಡಿಸಿಕೊಂಡಿದ್ದಾರೆ.

ಅಕ್ರಮ ಹಣಕಾಸು ಚಟುವಟಿಕೆ ತಡೆ ಕಾಯ್ದೆ(PMLA) ಅನ್ವಯ ಆಸ್ತಿ ಮುಟ್ಟುಗೋಲು ಹಾಕಿಕೊಳ್ಳಲು ಆದೇಶ ಸಿಗುತ್ತಿದ್ದಂತೆ, 'ನೀರವ್ ಮೋದಿ ಮತ್ತು ಅವರ ಒಡೆತನದ ಕಂಪೆನಿಗೆ ಸೇರಿದ, 523.72 ಕೋಟಿ ರು ಮೌಲ್ಯದ 21 ಸ್ಥಿರಾಸ್ತಿಗಳನ್ನು ತಾತ್ಕಾಲಿಕವಾಗಿ ಮುಟ್ಟುಗೋಲು ಹಾಕಿಕೊಳ್ಳಲಾಗಿದೆ.

ಯಾರೀತ? ಬಹು ಕೋಟಿ ವಂಚನೆ ಪ್ರಕರಣದ ಆರೋಪಿ ನೀರವ್ ಮೋದಿಯಾರೀತ? ಬಹು ಕೋಟಿ ವಂಚನೆ ಪ್ರಕರಣದ ಆರೋಪಿ ನೀರವ್ ಮೋದಿ

ನೀರವ್‌ ಗೆ ಸೇರಿದ 81.16 ಕೋಟಿ ರು ಮೌಲ್ಯದ ಭವ್ಯವಾದ ಬಂಗಲೆ ಮತ್ತು ಮುಂಬೈನ ವರ್ಲಿ ಪ್ರದೇಶದಲ್ಲಿರುವ 15.45 ಕೋಟಿ ಮೌಲ್ಯದ 'ಸಮುದ್ರ ಮಹಲ್' ಅಪಾರ್ಟ್‌ಮೆಂಟ್‌ಗಳನ್ನು ವಶಪಡಿಸಿಕೊಳ್ಳಲಾಗಿದೆ.

ಈ ಪೈಕಿ 6 ವಸತಿ ಕಟ್ಟಡಗಳು, 10 ಕಚೇರಿಗಳು, ಪುಣೆಯಲ್ಲಿನ ಎರಡು ಫ್ಲ್ಯಾಟ್‌ಗಳು, ಒಂದು ಸೌರವಿದ್ಯುತ್ ಘಟಕ, ಅಲಿಬಾಗ್‌ನ ಫಾರ್ಮ್‌ಹೌಸ್ ಮತ್ತು ಅಹಮದಾನಗರ್ ಜಿಲ್ಲೆಯ ಕರ್‌ಜತ್‌ನಲ್ಲಿರುವ 135 ಎಕರೆ ಭೂಮಿ ಸೇರಿದೆ' ಎಂದು ಜಾರಿ ನಿರ್ದೇಶನಾಲಯ ಹೇಳಿದೆ.

ಇದಲ್ಲದೆ, ಗೀತಾಂಜಲಿ ಗ್ರೂಪ್‌ ಉದ್ಯಮಿ ಮೆಹುಲ್‌ ಚೋಕ್ಸಿ ಮತ್ತು ನೀರವ್ ಮೋದಿಗೆ ಸಂಬಂಧಿಸಿದ 100 ಕೋಟಿ ರು ಮೌಲ್ಯದ ಮ್ಯೂಚುವಲ್ ಫಂಡ್‌ಗಳು ಮತ್ತು ಷೇರುಗಳನ್ನು ಜಾರಿ ನಿರ್ದೇಶನಾಲಯ ವಶಕ್ಕೆ ತೆಗೆದುಕೊಳ್ಳಲಾಗಿದೆ. ಭಾರತದಿಂದ ಪರಾರಿಯಾಗಿರುವ ನೀರವ್ ಅವರು ಯುಎಸ್ ನಲ್ಲಿರುವ ಶಂಕೆ ವ್ಯಕ್ತವಾಗಿದೆ.

English summary
The Enforcement Directorate (ED) on Saturday provisionally attached 21 immovable assets of Nirav Modi and his companies with a market value of Rs 523.72 crore under the Prevention of Money Laundering Act (PMLA).
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X