ಉಬರ್ ಈಟ್ಸ್ ಗೆ ಸೆಡ್ಡು ಹೊಡೆಯಲು ಫುಡ್ ಪಾಂಡಾವನ್ನು ಖರೀದಿಸಿದ ಓಲಾ

Posted By:
Subscribe to Oneindia Kannada

ಬೆಂಗಳೂರು, ಡಿಸೆಂಬರ್ 19: ಜರ್ಮನಿ ಮೂಲದ ಫುಡ್ ಪಾಂಡಾ ಸಂಸ್ಥೆಯ ಭಾರತ ವಿಭಾಗವನ್ನು ಓಲಾ ಸಂಸ್ಥೆ ಖರೀದಿಸಿದೆ. ಇದಲ್ಲದೆ 200 ಮಿಲಿಯನ್ ಡಾಲರ್ ಹೂಡಿಕೆ ಮಾಡಿ ನವೋದ್ಯಮ ಸ್ಥಾಪನೆಗೆ ಓಲಾ ಮುಂದಾಗಿದೆ.

ಎಎನ್ಐ ಟೆಕ್ನಾಲಜೀಸ್ ಪ್ರೈ ಲಿಮಿಟೆಡ್ ಒಡೆತನದ ಓಲಾ ಹಾಗೂ ಜರ್ಮನಿಯ ಹೀರೋ ಎಜಿಯ ಸ್ಟಾರ್ ಅಪ್ ಕಂಪನಿ ಫುಡ್ ಪಾಂಡಾ, ಇಂಡಿಯಾವನ್ನು ಖರೀದಿಸಿದೆ.

ಭದ್ರತೆ ಕಾರಣಕ್ಕೆ ಲಂಡನ್ ಸಾರಿಗೆ ಲೈಸನ್ಸ್ ಕಳೆದುಕೊಂಡ ಉಬರ್

ಫುಡ್ ಪಾಂಡಾ ಸಂಸ್ಥೆಯ ಸಮಸ್ತ ವ್ಯವಹಾರ, ಷೇರುಗಳು ಎಲ್ಲವೂ ಓಲಾ ಪಾಲಾಗಲಿದೆ. ಈ ಮೂಲಕ ಆನ್ ಲೈನ್ ಫುಡ್ ಡೆಲಿವರಿ ಕ್ಷೇತ್ರಕ್ಕೆ ಓಲಾ ಅಧಿಕೃತವಾಗಿ ಕಾಲಿಡುತ್ತಿದೆ.

Ola buys Foodpanda’s India unit

ಈಗಾಗಲೇ ಜೊಮಾಟೋ, ಸ್ವಿಗಿ ಹಾಗೂ ಓಲಾದ ದೊಡ್ಡಪ್ರತಿಸ್ಪರ್ಧಿ ಉಬರ್ ಸಂಸ್ಥೆಯ ಉಬರ್ ಈಟ್ಸ್ ಜತೆ ಓಲಾ ಪೈಪೋಟಿ ನಡೆಸಬೇಕಿದೆ. ಈ ಹಿಂದೆ 2014ರಲ್ಲಿ ಓಲಾ ಕೆಫೆ ಆರಂಭಿಸಿ ಕೈಸುಟ್ಟುಕೊಂಡಿತ್ತು.

ಓಲಾ ಜತೆ ಕರ್ನಾಟಕ ಪ್ರವಾಸೋದ್ಯಮ ಇಲಾಖೆ ಒಪ್ಪಂದ

ಈಗ ಆನ್ ಲೈನ್ ಫುಡ್ ಮಾರುಕಟ್ಟೆಯಲ್ಲಿ ಮುಂಚೂಣಿಯಲ್ಲಿರುವ ಫುಡ್ ಪಾಂಡಾ ಜತೆ ಕೈಜೋಡಿಸುವ ಮೂಲಕ ಉತ್ತಮ ಸೇವೆ ನೀಡುತ್ತೇವೆ ಎಂದು ಓಲಾ ಸಿಇಒ ಭವಿಶ್ ಅಗರವಾಲ್ ಹೇಳಿದ್ದಾರೆ.

ಬೆಂಗಳೂರು ಮೂಲದ ಓಲಾ ಕಂಪನಿ ಇತ್ತೀಚೆಗೆ ಸಾಫ್ಟ್ ಬ್ಯಾಂಕ್ ಗ್ರೂಪ್ ಹಾಗೂ ಟೆಂಸೆಂಟ್ ಹೋಲ್ಡಿಂಗ್ಸ್ ನಿಂದ 1.1 ಬಿಲಿಯನ್ ಡಾಲರ್ ಪಡೆದು ಹೂಡಿಕೆ ಮಾಡಿದೆ.

ಕನ್ನಡ ಮ್ಯಾಟ್ರಿಮನಿಯಲ್ಲಿ ಸೂಕ್ತ ಸಂಗಾತಿಯನ್ನು ಆಯ್ಕೆ ಮಾಡಿ- ನೋಂದಣಿ ಉಚಿತ!

English summary
Ola buys Foodpanda India from its German parent Delivery Hero in an all-stock deal that will see the ride-hailing major infuse $200 million in the start-up’s India operations

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ