Click it and Unblock the Notifications
Just In
-
-
-
Don't Miss
-
ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ -
ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ -
ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್ -
ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್ -
ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್! -
n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸಾರ್ವತ್ರಿಕ ಚುನಾವಣೆಗೂ ಮುನ್ನ ಪೆಟ್ರೋಲ್ ಪಂಪ್ ಸಂಖ್ಯೆ ಡಬ್ಬಲ್!
ನವದೆಹಲಿ, ನವೆಂಬರ್ 26: ಮುಂಬರುವ ಲೋಕಸಭಾ ಚುನಾವಣೆಗೂ ಮುನ್ನ ಸರ್ಕಾರಿ ಸ್ವಾಮ್ಯದ ತೈಲ ಕಂಪನಿಗಳು ದೇಶಾದ್ಯಂತ 65 ಸಾವಿರ ಪೆಟ್ರೋಲ್ ಪಂಪ್ ಗಳ ಸ್ಥಾಪನೆಗೆ ಅನುಮತಿ ನೀಡುವುದಾಗಿ ತಿಳಿಸಿವೆ.
ಇಂಡಿಯನ್ ಆಯಿಲ್ ಕಾರ್ಪೊರೇಷನ್(ಐಒಸಿ), ಭಾರತ್ ಪೆಟ್ರೋಲಿಯಂ ಕಾರ್ಪ್ ಲಿಮಿಟೆಡ್ (ಬಿಪಿಸಿಎಲ್) ಹಾಗೂ ಹಿಂದೂಸ್ತಾನ್ ಪೆಟ್ರೋಲ್ ಕಾರ್ಪ್ ಲಿಮಿಟೆಡ್ (ಎಚ್ ಪಿ ಸಿಎಲ್) ಭಾನುವಾರ(ನವೆಂಬರ್ 25)ದಂದು ನೀಡಿರುವ ಪತ್ರಿಕಾ ಜಾಹೀರಾತು ಪ್ರಕಟಣೆಯಂತೆ ದೇಶದೆಲ್ಲೆಡೆ 55,649 ಪೆಟ್ರೋಲ್ ಪಂಪ್ ಗಳು ತಲೆ ಎತ್ತಲಿವೆ. ಇದು ಜಾರಿಗೆ ಬಂದ ನಂತರ ದೇಶದ ಪೆಟ್ರೋಲ್ ಪಂಪ್ ಗಳ ಸಂಖ್ಯೆ ಈಗಿರುವುದಕ್ಕಿಂತ ದ್ವಿಗುಣವಾಗಲಿದೆ.
ಎಚ್ ಪಿ ಸಿಎಲ್ ನ ಸಂಚಾಲಕ ವಿಶಾಲ್ ಬಾಜಪೇಯಿ ಮಾತನಾಡಿ, ದೇಶದಲ್ಲಿ ಈಗ ಇರುವ ಹಳೇ ಬಂಕ್‌ಗಳು ಡಿಸೆಂಬರ್ 31ರೊಳಗೆ ಆಟೋಮೇಷನ್ ತಂತ್ರಜ್ಞಾನ ಅಳವಡಿಸಿಕೊಳ್ಳಲಿವೆ. ಇಂಧನ ಬೇಡಿಕೆ ಹೆಚ್ಚಿರುವುದರಿಂದ ಪಂಪ್ ಗಳ ಸಂಖ್ಯೆ ಹೆಚ್ಚಳ ಮಾಡಲಾಗುತ್ತಿದೆ.
ಇದರಲ್ಲಿ ವಿಧಾನಸಭಾ ಚುನಾವಣೆ ನಡೆಯುತ್ತಿರುವ ಐದು ರಾಜ್ಯಗಳು ಸೇರಿಲ್ಲ ಎಂದಿದ್ದಾರೆ. ರಾಜಸ್ಥಾನ, ಮಧ್ಯಪ್ರದೇಶ, ಛತ್ತೀಸ್ ಗಢ, ತೆಲಂಗಾಣ ಹಾಗೂ ಮಿಜೋರಾಂನಲ್ಲಿ ಡಿಸೆಂಬರ್ ನಲ್ಲಿ ವಿಧಾನಸಭೆ ಚುನಾವಣೆ ನಿಗದಿಯಾಗಿದೆ.
ಸರ್ಕಾರಿ ಸ್ವಾಮ್ಯದ ಮೂರು ಪಂಪ್ ಗಳ ಸಂಖ್ಯೆ
ಇಂಡಿಯನ್ ಆಯಿಲ್ ಕಾರ್ಪೊರೇಷನ್ ಪ್ರಸಕ್ತ 27,377 ಪೆಟ್ರೋಲ್ ಪಂಪ್ ಹೊಂದಿದ್ದು, ಅದು ಹೊಸದಾಗಿ 26,982 ಪೆಟ್ರೋಲ್ ಪಂಪ್ ಗಳನ್ನು ತೆರೆಯಲು ಮುಂದಾಗಿದೆ. ಬಿಪಿಸಿಎಲ್ 14,592 ಪಂಪ್ ಗಳನ್ನು ಹೊಂದಿದ್ದು, 15,802 ಹೊಸ ಪಂಪ್ ಗಳನ್ನು ಆರಂಭಿಸಲಿದೆ. ಎಚ್ ಪಿ ಸಿಎಲ್ 15,287 ಪೆಟ್ರೋಲ್ ಪಂಪ್ ಹೊಂದಿದ್ದು, 12,865 ಪಂಪ್ ಗಳನ್ನು ಹೆಚ್ಚಿಗೆ ಪಡೆಯಲಿದೆ.
ಪೆಟ್ರೋಲ್ ಪಂಪ್ ಸ್ಥಾಪನೆಯ ನಿಯಮ
ಪೆಟ್ರೋಲ್ ಪಂಪ್ ಸ್ಥಾಪನೆಯ ನಿಯಮಗಳಲ್ಲೂ ಸಹ ಸಡಿಲಿಕೆ ತರಲಾಗಿದೆ. ಶೈಕ್ಷಣಿಕ ಅರ್ಹತೆಯನ್ನು ಹತ್ತನೇ ತರಗತಿಗೆ ಇಳಿಸಲಾಗಿದೆ. ಪೆಟ್ರೋಲ್ ಪಂಪ್ ಮಾಲೀಕರಾಗಲು, ಸ್ಥಾಪನೆಯಾಗಲಿರುವ ಸ್ಥಳದ ಮಾಲೀಕತ್ವ ಹೊಂದಿದ್ದರೆ ಸಾಕು.
ಪೆಟ್ರೋಲ್ ಪಂಪ್ ಸ್ಥಾಪನೆಗೆ ಜಾಹೀರಾತು
ಕಳೆದ ನಾಲ್ಕು ವರ್ಷಗಳಲ್ಲಿ ಇದೇ ಮೊದಲ ಬಾರಿಗೆ ಪೆಟ್ರೋಲ್ ಪಂಪ್ ಸ್ಥಾಪನೆಗೆ ಜಾಹೀರಾತು ಹೊರಡಿಸಲಾಗಿದೆ. ಪ್ರಸಕ್ತ ದೇಶದಲ್ಲಿ 63,674 ಪೆಟ್ರೋಲ್ ಪಂಪ್ ಗಳಿವೆ. ಖಾಸಗಿ ವಲಯದಲ್ಲಿ ಎಸ್ಸಾರ್ ಆಯಿಲ್ ಲಿಮಿಟೆಡ್ 4,895, ರಿಲಯನ್ಸ್ ಇಂಡಸ್ಟ್ರೀ 1,400 ಹಾಗೂ ರಾಯಲ್ ಡಚ್/ ಶೆಲ್ 116 ಮಳಿಗೆಗಳನ್ನು ಹೊಂದಿವೆ.
ಸ್ಥಳದ ಮಾಲೀಕತ್ವ ಇಲ್ಲದಿದ್ದರೂ ಪಂಪ್
ನಿಮ್ಮ ಹೆಸರಿನಲ್ಲಿ ಉದ್ದೇಶಿತ ಜಾಗದ ಮಾಲೀಕತ್ವ ಇಲ್ಲದಿದ್ದರೂ ಅರ್ಜಿ ಹಾಕಬಹುದು. ಆದರೆ, ಪ್ರಕ್ರಿಯೆ ಪೂರ್ಣಗೊಳ್ಳುವ ಮುನ್ನ ಸ್ಥಳವನ್ನು ಪರಿಶೀಲಿಸಲು ತೋರಿಸಿದರೆ ಸಾಕು. ಓಪನ್ ಬಿಡ್ಡಿಂಗ್, ಆನ್ ಲೈನ್ ಗಣಕೀಕೃತ ವ್ಯವಸ್ಥೆ ಹೀಗೆ ಹೆಚ್ಚು ತಾಂತ್ರಿಕವಾಗಿ, ಪಾರದರ್ಶಕವಾಗಿ ಪ್ರಕ್ರಿಯೆ ಜಾರಿಗೊಳಿಸಲಾಗುತ್ತಿದೆ.
