ಶಾಪಿಂಗ್‌ಮಾಲ್‌ಗಳಲ್ಲಿ ಈ ಬಾರಿ ದೀಪಾವಳಿ ಸಂಭ್ರಮವಿಲ್ಲ!

Updated: Monday, November 2, 2015, 13:58 [IST]

ಬೆಂಗಳೂರು, ನವೆಂಬರ್. 02: ಶಾಪಿಂಗ್ ಮಾಲ್ ಗಳಿಗೆ ಈ ಬಾರಿ ದೀಪಾವಳಿ ಸಂಭ್ರಮವಿಲ್ಲ. ಆನ್ಲೈನ್ ತಾಣಗಳು ವಿವಿಧ ಆಫರ್ ನೀಡಿ ಶಾಪಿಂಗ್ ಮಾಲ್ ಗಳ ವಹಿವಾಟಿಗೆ ಭರ್ಜರಿ ಹೊಡೆತ ನೀಡಿವೆ.

ಮಾಲ್ಗಳಲ್ಲಿ ಶೇ.46.5 ವ್ಯಾಪಾರ ಕುಂಠಿತವಾಗಿದೆ ಎಂದು 'ಅಸೋಚಾಮ್' ಸಂಸ್ಥೆ ವರದಿ ನೀಡಿದೆ. ದೇಶದ ಪ್ರಮುಖ ನಗರಗಳಲ್ಲಿ ಸಮೀಕ್ಷೆ ನಡೆಸಿದ ಸಂಸ್ಥೆ ವರದಿ ನೀಡಿದೆ. ಮೊದಲು ಸಣ್ಣಪುಟ್ಟ ಅಂಗಡಿಗಳ ವ್ಯಾಪಾರ ಕಡಿತ ಮಾಡಿದ್ದ ಆನ್ ಲೈನ್ ತಾಣಗಳು ಇದೀಗ ಮಾಲ್ಗಳಿಗೂ ಬಿಸಿ ತಟ್ಟಿಸಿವೆ.[ಕಟಕಟೆಯಲ್ಲಿ ಅಮೆಜಾನ್, ಫ್ಲಿಪ್ ಕಾರ್ಟ್, ಸ್ನಾಪ್ ಡೀಲ್]

ಮುಂಬೈನ ಮಾಲ್ಗಳಿಗೆ ಇ- ಕಾಮರ್ಸ್ ನಿಂದಾಗಿ ಶೇ. 51 ನಷ್ಟ ಉಂಟಾಗಿದೆ. ಅಹಮದಾಬಾದ್ನಲ್ಲಿ ಶೇ. 49, ಕೋಲ್ಕತದಲ್ಲಿ ಶೇ. 42 ವಹಿವಾಟು ಕಡಿಮೆಯಾಗಿದೆ. ಆನ್ಲೈನ್ ಮಾರುಕಟ್ಟೆಯಲ್ಲಿ ಕಡಿಮೆ ದರದಲ್ಲಿ ವಸ್ತುಗಳ ಮಾರಾಟ, ಹೋಮ್ ಡೆಲಿವರಿ ಹಾಗೂ ವಿಶೇಷ ಆಫರ್ಗಳನ್ನು ನೀಡುತ್ತಿರುವುದು ಮಾಲ್ಗಳಿಗೆ ಭಾರೀ ಹೊಡೆತ ಬೀಳಲು ಕಾರಣವಾಗಿದೆ. [ದೀಪಾವಳಿ ಹಬ್ಬಕ್ಕೆ ಅತ್ಯುತ್ತಮ 15 ಆನ್ ಲೈನ್ ಆಫರ್ ಗಳು]

ಆನ್ಲೈನ್ ಮಾರಾಟಕ್ಕೆ ಮನಸೋತ ಗ್ರಾಹಕರು
ಆನ್ ಲೈನ್ ಮಾರುಕಟ್ಟೆಯಲ್ಲಿ ಶೇ. 55 ಸಾವಿರ ಕೋಟಿ ರೂ. ವಹಿವಾಟು ನಡೆದಿದೆ. ಮೊಬೈಲ್, ಎಲೆಕ್ಟ್ರಾನಿಕ್ ಉಪಕರಣಗಳು, ಪೀಠೋಪಕರಣಗಳು, ಶೂ-ಚಪ್ಪಲಿ, ಗೃಹಾಲಂಕಾರದ ವಸ್ತು ಮತ್ತು ಸುಗಂಧ ದ್ರವ್ಯದ ಮಾರಾಟದಲ್ಲಿ ಭಾರೀ ಹೆಚ್ಚಳವಾಗಿದೆ.

ಫ್ಲಿಪ್ ಕಾರ್ಟ್, ಅಮೆಜಾನ್, ಜಬಾಂಗ್, ಸ್ನಾಪ್ ಡೀಲ್ ಸೇರಿದಂತೆ ಆನ್ ಲೈನ್ ತಾಣಗಳು ಭರಪೂರ ಕೊಡುಗೆ ನೀಡುತ್ತಿವೆ. ಫ್ಲಿಪ್ ಕಾರ್ಟ್ ಬಿಗ್ ಮಿಲಿಯನ್ ಡೇ, ಅಮೆಜಾನ್ ಗ್ರೇಟ್ ಇಂಡಿಯನ್ ಫೆಸ್ಟಿವಲ್ , ಸ್ನಾಪ್ ಡೀಲ್ ದಿವಾಲಿ ದಿಲ್ ಕಿ ಡೀಲ್ ವಾಲಿ ಸೇಲ್ ಹೆಸರಿನಲ್ಲಿ ಗ್ರಾಹರನ್ನು ಸೆಳೆಯುತ್ತಿರುವುದರಿಂದ ಮಾಲ್ ಗಳ ವಹಿವಾಟು ಕುಂಠಿತಗೊಂಡಿದೆ.