ಭಾರತದಲ್ಲಿ ಸಾವಿರಾರು ಉದ್ಯೋಗ ಸೃಷ್ಟಿಸಲಿರುವ ಅಮೆಜಾನ್
ನವದೆಹಲಿ, ಜುಲೈ 25: ಇ-ಕಾಮರ್ಸ್ ದೈತ್ಯ ಅಮೆಜಾನ್ ಭಾರತದಲ್ಲಿ ಸಾವಿರಾರು ಉದ್ಯೋಗ ಸೃಷ್ಟಿಸಲು ಯೋಜನೆ ರೂಪಿಸಿದೆ. ಮುಂಬರುವ ದಿನಗಳಲ್ಲಿ ಹಬ್ಬದ ಸೀಸನ್ ಇರುವುದರಿಂದ ತ್ವರಿತಗತಿಯಲ್ಲಿ ಆರ್ಡರ್ ಮಾಡಿದ ವಸ್ತುಗಳನ್ನು ಪೂರೈಸಲು ದೇಶದಲ್ಲಿ ಹಲವು ಕಡೆ 10 ಗೋದಾಮುಗಳನ್ನು ತೆರೆಯಲಿದೆ.
Recommended Video
ಈಗಾಗಲೇ ಅಮೆಜಾನ್.ಇನ್ 15 ರಾಜ್ಯಗಳಲ್ಲಿ 60 ಕ್ಕೂ ಹೆಚ್ಚು ಗೋದಾಮುಗಳು ಅಥವಾ ಈಡೇರಿಕೆ ಕೇಂದ್ರಗಳನ್ನು ಹೊಂದಿದ್ದು, ಒಟ್ಟು 32 ದಶಲಕ್ಷ ಘನ ಅಡಿಗಳಷ್ಟು ಸಂಗ್ರಹ ಸಾಮರ್ಥ್ಯವನ್ನು ಹೊಂದಿದೆ ಎಂದು ಕಂಪನಿ ಗುರುವಾರ ಬ್ಲಾಗ್ ಪೋಸ್ಟ್ನಲ್ಲಿ ತಿಳಿಸಿದೆ.
''ನಮ್ಮ ನೆಟ್ವರ್ಕ್ ವಿಸ್ತಾರಗೊಳಿಸುವುದರ ಜೊತೆಗೆ 60 ಸೆಂಟರ್ಗಳಿಂದ ಸಾವಿರಾರು ಉದ್ಯೋಗ ಸೃಷ್ಟಿಗೆ ಎದುರು ನೋಡುತ್ತಿದ್ದೇವೆ'' ಎಂದು ಅಖಿಲ್ ಸಕ್ಸೇನಾ,ಉಪಾಧ್ಯಕ್ಷ,ಗ್ರಾಹಕ ಪೂರೈಸುವ ಕಾರ್ಯಾಚರಣೆ, ಎಪಿಎಸಿ, ಅಮೆಜಾನ್ ಇಂಡಿಯಾದ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
"ಮೂಲಸೌಕರ್ಯ ಮತ್ತು ತಂತ್ರಜ್ಞಾನದಲ್ಲಿನ ನಮ್ಮ ಹೂಡಿಕೆಯು ಮಾರಾಟಗಾರರಿಗೆ ಅಮೆಜಾನ್ನ ಈಡೇರಿಕೆ ಕೊಡುಗೆಗಳಿಗೆ ಹತ್ತಿರವಾದ ಪ್ರವೇಶವನ್ನು ಒದಗಿಸುತ್ತದೆ. ಗ್ರಾಹಕರಿಗೆ ವ್ಯಾಪಕವಾದ ಉತ್ಪನ್ನಗಳನ್ನು ತ್ವರಿತವಾಗಿ ತಲುಪಿಸುವುದು ಮತ್ತು ಪ್ಯಾಕೇಜಿಂಗ್, ಸಾರಿಗೆ ಮತ್ತು ಲಾಜಿಸ್ಟಿಕ್ಸ್ನಂತಹ ಪೂರಕ ವ್ಯವಹಾರಗಳಿಗೆ ಸಹಾಯ ಮಾಡುವುದು" ಎಂದು ಸಕ್ಸೇನಾ ಹೇಳಿದರು.
ದೆಹಲಿ, ಮುಂಬೈ, ಬೆಂಗಳೂರು, ಪಾಟ್ನಾ, ಲಕ್ನೋ, ಕೋಲ್ಕತಾ, ಹೈದರಾಬಾದ್, ಚೆನ್ನೈ, ಲುಧಿಯಾನ ಮತ್ತು ಅಹಮದಾಬಾದ್ನಲ್ಲಿ ಈ ಹೊಸ ನೆರವೇರಿಕೆ ಕೇಂದ್ರಗಳನ್ನು ಸ್ಥಾಪಿಸಲಾಗುವುದು.
Click it and Unblock the Notifications
Sign in with Google