2016ರಲ್ಲಿ 2.5 ಲಕ್ಷ ಮಂದಿಗೆ ಐಟಿ ಉದ್ಯೋಗಾವಕಾಶ
ಬೆಂಗಳೂರು, ಫೆ. 03: ಮಾಹಿತಿ ಮತ್ತು ತಂತ್ರಜ್ಞಾನ ಕ್ಷೇತ್ರದಲ್ಲಿ ಉದ್ಯೋಗ ಪಡೆಯುವ ಹಂಬಲ ಹೊಂದಿರುವ ಪದವೀಧರರಿಗೆ ಸುದ್ದಿ ಇಲ್ಲಿದೆ. 2016ರಲ್ಲಿ ಸರಿ ಸುಮಾರು 2.5 ಲಕ್ಷ ಉದ್ಯೋಗಾವಕಾಶಗಳು ಸೃಷ್ಟಿಯಾಗಲಿದೆ.
ಡಿಜಿಟಲ್ ಮಾರ್ಕೆಟಿಂಗ್ ಕ್ಷೇತ್ರದಲ್ಲೇ ಸುಮಾರು 70,000 ನೇಮಕಾತಿ ನಡೆಯಲಿದೆ ಎಂದು ನೇಮಕಾತಿ ಹಾಗೂ ಮಾಹಿತಿ ತಂತ್ರಜ್ಞಾನ ಕ್ಷೇತ್ರದ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.[ಇನ್ವೆಸ್ಟ್ ಕರ್ನಾಟಕ 2016ಕ್ಕಾಗಿ ಮೊಬೈಲ್ ಆಪ್]
ಸರ್ವೀಸ್ ಆಧಾರಿತ ಕಂಪನಿಗಳು ಸಲ್ಯೂಷನ್ ಆಧಾರಿತ ಕಂಪನಿಗಳಾಗಿ ಬದಲಾಗಲಿವೆ. ಹೆಚ್ಚೆಚ್ಚು ಡಿಜಲೀಕರಣ ಕಾರ್ಯ ನಡೆಯಲಿದೆ. ಇದರಿಂದ ಐಟಿ ಕ್ಷೇತ್ರದ ನೇಮಕಾತಿಯಲ್ಲಿ ಶೇ 14 ರಿಂದ 16ರಷ್ಟು ಹೆಚ್ಚಳ ಕಂಡು ಬರಲಿದೆ. ಕಳೆದ ವರ್ಷ ಶೇ 12ರಷ್ಟು ಹೆಚ್ಚಳವಾಗಿತ್ತು.[ಇನ್ಫೋಸಿಸ್ ನಿಂದ 20 ಸಾವಿರ ನೇಮಕಾತಿ ಘೋಷಣೆ!]
ಗ್ರಾಹಕಸ್ನೇಹಿ ವಿನ್ಯಾಸಗಾರರು, ವೆಬ್ ಡೆವೆಲಪರ್ಸ್, ಪ್ರಾಡಕ್ಟ್ ಡೆವಲಪರ್ಸ್, ಮೊಬೈಲ್ಸ್ ಉತ್ಪನ್ನ, ಮಾಹಿತಿ ಸುರಕ್ಷತೆ ವಿಶ್ಲೇಷಕರು, ಕ್ಲೌಂಡ್ ವಿನ್ಯಾಸ, ಒಗ್ಗೂಡಿಸುವಿಕೆ, ಡಾಟಾ ವಿಜ್ಞಾನಿಗಳಲ್ಲದೆ ಕಂಟೆಂಟ್ ಮ್ಯಾನೇಜ್ಮೆಂಟ್ ಸಿಸ್ಟಮ್ (ಸಿಎಂಎಸ್) ತಂತ್ರಜ್ಞಾನದ ಮೇಲೆ ಹಿಡಿತ ಹೊಂದಿರುವ ಅಭ್ಯರ್ಥಿಗಳಿಗೆ ಹೆಚ್ಚಿನ ಆದ್ಯತೆ ಸಿಗಲಿದೆ ಎಂದು ಟೀಮ್ ಲೀಸ್ ಸರ್ವೀಸಸ್ ಸಂಸ್ಥೆ ಸಹಾಯಕ ಪ್ರಧಾನ ವ್ಯವಸ್ಥಾಪಕಿ ಅಲ್ಕಾ ಧಿಂಗ್ರಾ ಹೇಳಿದ್ದಾರೆ.[ಟೆಕ್ಕಿಗಳಿಗೆ ಕೈ ತುಂಬಾ ಸಂಬಳ ಸಿಗ್ತಿಲ್ಲವಂತೆ!]
ಇನ್ವೆಸ್ಟ್ ಕರ್ನಾಟಕ ಮೂಲಕ ಕರ್ನಾಟಕ ಸರ್ಕಾರ, ಆಟೋಮೊಬೈಲ್, ಏರೋಸ್ಪೇಸ್, ಮೆಷಿನ್ ಟೂಲ್ಸ್, ರಕ್ಷಣಾ ಖಾತೆ ಸಾಧನಗಳು, ಹೆವಿ ಇಂಜಿನಿಯರಿಂಗ್, ಕೃಷಿ ಹಾಗೂ ಆಹಾರ ಸಂಸ್ಕರಣೆ, ಪ್ರವಾಸೋದ್ಯಮ, ಮಾಹಿತಿ ತಂತ್ರಜ್ಞಾನ ಹಾಗೂ ಬಯೋ ಟೆಕ್ನಾಲಜಿ, ಮೂಲ ಸೌಕರ್ಯ ಅಭಿವೃದ್ಧಿ, ಖಾಸಗಿ ಕೈಗಾರಿಕಾ ಪಾರ್ಕ್, ಸ್ಮಾರ್ಟ್ ಟೌನ್ ಶಿಪ್, ಔಷಧ ಹಾಗೂ ಫಾರ್ಮಸ್ಯೂಟಿಕಲ್ಸ್ ಮುಂತಾದ ಕ್ಷೇತ್ರಗಳಲ್ಲಿ ಬಂಡವಾಳ ಹೂಡಿಕೆ ಹಾಗೂ ಲಕ್ಷಾಂತರ ಮಂದಿಗೆ ಉದ್ಯೋಗ ನೀಡುವ ಭರವಸೆ ಹುಟ್ಟಿಸಿದೆ.(ಪಿಟಿಐ)
Click it and Unblock the Notifications
Sign in with Google