ಇನ್ಫೋಸಿಸ್ ಗೆ ಒಲಿದ ಐಟಿ ರಿಟನ್ಸ್ ಸರಳಗೊಳಿಸುವ ಗುತ್ತಿಗೆ

ನವದೆಹಲಿ, ಜನವರಿ 17: ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಸರ್ಕಾರವು ಆದಾಯ ತೆರಿಗೆ ಮರು ಪಾವತಿ(ಐಟಿಆರ್) ಸಲ್ಲಿಸುವ ಪ್ರಕ್ರಿಯೆಯನ್ನು ಸಂಪೂರ್ಣ ಡಿಜಿಟಲೀಕರಣಗೊಳಿಸಲಿದೆ. ಈ ಯೋಜನೆ ಪೂರ್ಣಗೊಂಡ ಬಳಿಕ ಐಟಿ ರಿಟರ್ನ್ಸ್ ಪ್ರಕ್ರಿಯೆ ಒಂದೇ ದಿನದಲ್ಲಿ ಮುಗಿಯಲಿದ್ದು, ರೀಫಂಡ್ ಕೂಡಾ ಬೇಗನೇ ಸಿಗಲಿದೆ.

ಈ ಯೋಜನೆಯನ್ನು ಬೆಂಗಳೂರು ಮೂಲದ ದೇಶದ ಎರಡನೇ ಅತಿದೊಡ್ಡ ಐಟಿ ದಿಗ್ಗಜ ಇನ್ಫೋಸಿಸ್ ಕಂಪನಿಗೆ ಗುತ್ತಿಗೆ ನೀಡಲಾಗಿದೆ. ಈ ಯೋಜನೆಯ ವೆಚ್ಚ ಸುಮಾರು 4,241.7 ಕೋಟಿ ರು ಗಳಾಗಿವೆ.

ಈ ಯೋಜನೆ ಜಾರಿಯಾದಲ್ಲಿ ಐಟಿಆರ್ ಪ್ರಕ್ರಿಯೆ 63 ದಿನಗಳಿಂದ 1 ದಿನಕ್ಕೆ ಇಳಿಕೆಯಾಗಲಿದೆ. ಈ ಯೋಜನೆ ಪೂರ್ಣಗೊಳಿಸಲು 18 ತಿಂಗಳು ಅವಕಾಶ ನೀಡಲಾಗಿದ್ದು, ಬಳಿಕ 3 ತಿಂಗಳು ಪ್ರಾಯೋಗಿಕವಾಗಿ ಜಾರಿಗೆ ಬರಲಿದೆ.

ಈ ನಡುವೆ ನೂತನ ವ್ಯವಸ್ಥೆ ಜಾರಿ ಬರುವರೆಗೆ Central processing entre(ಸಿಪಿಸಿ) 1.0ರ ಅಭಿವೃದ್ಧಿಗೆ 1482.44 ಕೋಟಿ ರೂ. ನೀಡಲು ಕೇಂದ್ರ ನಿರ್ಧರಿಸಿದೆ. ಈ ಹಿಂದೆ ಜಿಎಸ್​ಟಿಎನ್ ತಂತ್ರಾಂಶವನ್ನು ಕೂಡ ಇನ್ಪೋಸಿಸ್ ಅಭಿವೃದ್ಧಿ ಪಡಿಸಿತ್ತು. ಆದರೆ ಸಾಕಷ್ಟು ದೂರುಗಳು ಕೇಳಿ ಬಂದಿತ್ತು.

ತೆರಿಗೆದಾರರು ಐಟಿಆರ್ ಪ್ರಕ್ರಿಯೆಯನ್ನು ಕೇಂದ್ರೀಯ ವ್ಯವಸ್ಥೆ ಮೂಲಕ ಆನ್​ಲೈನ್​ನಲ್ಲಿ ಮಾಡಲು ಅವಕಾಶ ಮಾಡಿಕೊಡಲಾಗುತ್ತಿದೆ. ಬಿಡ್ಡಿಂಗ್ ಮೂಲಕ ಈ ಯೋಜನೆ ಲಭ್ಯವಾಗಿದೆ ಎಂದು ಇನ್ಫೋಸಿಸ್ ಹೇಳಿದೆ.

English summary

IT major Infosys Ltd has been selected to implement the next generation system for processing income tax return (ITR) filings, with the Union Cabinet sanctioning an estimated ₹4,241.97 crore for the project. The move will help in bringing down the income tax return (ITR) processing time to one day and hence speed up refunds.