ಐಐಟಿ ವಿದ್ಯಾರ್ಥಿಗೆ 91 ಲಕ್ಷ ರು ಸಂಬಳದ ಆಫರ್

ಖರಗ್ ಪುರ್, ನ.5: ಇಲ್ಲಿನ್ ಐಐಟಿ ವಿದ್ಯಾರ್ಥಿಗಳಿಗೆ ಎಂಎನ್ ಸಿ ಕಂಪನಿಗಳಿಂದ ಆಫರ್ ಗಳ ಸುರಿಮಳೆಯಾಗುತ್ತಿದೆ. ಕ್ಯಾಂಪಸ್ ಸೆಲೆಕ್ಷನ್ ಗೆ ಇನ್ನೂ ಒಂದು ತಿಂಗಳು ಬಾಕಿ ಇರುವಾಗಲೇ ಉದ್ಯೋಗವಕಾಶಗಳು ಹುಡುಕಿಕೊಂಡು ಬರುತ್ತಿವೆ.

ಕಳೆದ ಬಾರಿಗೆ ಹೋಲಿಸಿದರೆ ಈ ಬಾರಿ ಪ್ರೀ ಪ್ಲೇಸ್ ಮೇಂಟ್ ನಲ್ಲಿ ಆಯ್ಕೆಯಾದ ಅಭ್ಯರ್ಥಿಗಳಿಗೆ ಶೇ 20ರಷ್ಟು ಸಂಬಳ ಏರಿಕೆಯಾಗಿದೆ. ಐಐಟಿ ಅಧಿಕಾರಿಗಳ ಪ್ರಕಾರ 125 ವಿದ್ಯಾರ್ಥಿಗಳಿಗೆ ಉದ್ಯೋಗಾವಕಾಶ ದೊರೆತಿದೆ.ಇಲ್ಲಿಯವರೆಗೂ ಅತಿ ಹೆಚ್ಚಿನ ಅಂದರೆ 91 ಲಕ್ಷ ವಾರ್ಷಿಕ ವೇತನವನ್ನು ಒಬ್ಬ ವಿದ್ಯಾರ್ಥಿಗೆ ನೀಡಲಾಗಿದೆ. ಅ ಅದೃಷ್ಟವಂತ ಪ್ರತಿಭಾವಂತ ವಿದ್ಯಾರ್ಥಿ ಹೆಸರು ಮಾತ್ರ ಇನ್ನೂ ತಿಳಿದು ಬಂದಿಲ್ಲ.

ಗೂಗಲ್ ಮೌಂಟೈನ್ ವ್ಯೂ, ಫೇಸ್ ಬುಕ್, ವರ್ಕ್ ಅಪ್ಲಿಕೇಷನ್, ಶುಲಂಬರ್ಗರ್ ಮುಂತಾದ ಸಂಸ್ಥೆಗಳ ಅಧಿಕಾರಿಗಳು ಈಗಾಗಲೇ ಐಐಟಿ ಖರಗ್ ಪುರ್ ನಲ್ಲೇ ಬೀಡುಬಿಟ್ಟಿವೆ. ಡಿಸೆಂಬರ್ 1 ರ ನಂತರ ಅಧಿಕೃತವಾಗಿ ನೇಮಕಾತಿ ಪ್ರಕ್ರಿಯೆ ಆರಂಭಗೊಳ್ಳಲಿದ್ದು, ಈ ಬಾರಿ ಶೇ 50 ರಷ್ಟು ನೇಮಕಾತಿ ಹೆಚ್ಚಳವಾಗಲಿದೆ.

ಹೆಚ್ಚೆಚ್ಚು ಕಂಪನಿಗಳು ಐಐಟಿಯತ್ತ ಮುಖ ಮಾಡಿರುವುದನ್ನು ಸ್ವಾಗತಿಸಿರುವ ಐಐಟಿ ಖರಗ್ ಪುರದ ವೃತ್ತಿ ಅಭಿವೃದ್ಧಿ ಕೇಂದ್ರದ ಚೇಮನ್ ಪ್ರೊ ಎಸ್ ಕೆ ಬರಾಯಿ ಅವರು ಮಾತನಾಡಿ, ಈ ವರ್ಷ ಕಾರ್ಪೊರೇಟ್ ವರ್ಕ್ ಶಾಪ್, ಕೌಶಲ್ಯ ಅಭಿವೃದ್ಧಿ ಕಾರ್ಯಗಾರಗಳನ್ನು ನಡೆಸಿದ್ದು ಫಲ ಕೊಟ್ಟಿದೆ ಎಂದಿದ್ದಾರೆ. (ಪಿಟಿಐ)

English summary

IIT Kharagpur student offered Rs 91-Lakh salary package. A month away from final placements, IIT Kharagpur students are being flooded with pre-placement offers with a 20 per cent increase this year.