ನವೆಂಬರ್ ತಿಂಗಳಿನಲ್ಲಿ ಜಿಎಸ್ಟಿ ಗಳಿಕೆಯಲ್ಲಿ ಭಾರಿ ಕಡಿತ!
ಬೆಂಗಳೂರು, ನವೆಂಬರ್ 28: ನವೆಂಬರ್ ತಿಂಗಳಿನಲ್ಲಿ ಸರಕು ಮತ್ತು ಸೇವಾ ತೆರಿಗೆ(ಜಿಎಸ್ ಟಿ) ಯಿಂದ ಸರ್ಕಾರ ಗಳಿಸಿದ ಆದಾಯದಲ್ಲಿ ಭಾರಿ ಇಳಿಕೆ ಕಂಡು ಬಂದಿದೆ. ಸುಮಾರು 11,000 ಕೋಟಿ ರು ಗೂ ಅಧಿಕ ವ್ಯತ್ಯಾಸ ಕಂಡು ಬಂದಿದೆ.
ವಿತ್ತ ಸಚಿವಾಲಯ ನೀಡಿರುವ ಮಾಹಿತಿಯಂತೆ ನವೆಂಬರ್ 27ರ ತನಕ ಗಳಿಸಿರುವ ಜಿಎಸ್ಟಿ ಮೊತ್ತ 83,346 ಕೋಟಿ ರು ಆಗಿದೆ. ಆದರೆ, ಅಕ್ಟೋಬರ್ ತಿಂಗಳಿನಲ್ಲಿ ಆದಾಯ 94,131 ಕೋಟಿ ರು ಗಳಿಕೆಯಾಗಿತ್ತು.
ಒಟ್ಟಾರೆ, 95.9 ಲಕ್ಷ ತೆರಿಗೆದಾರರು ಜಿಎಸ್ಟಿಯಡಿಯಲ್ಲಿ ನೋಂದಾಯಿಸಿಕೊಂಡಿದ್ದು, ಈ ಪೈಕಿ 15.1 ಲಕ್ಷ ಮಂದಿ ತ್ರೈಮಾಸಿಕದಂತೆ ರಿಟರ್ನ್ಸ್ ಸಲ್ಲಿಸಬೇಕಿದೆ. ನವೆಂಬರ್ 26ರ ತನಕ ಸುಮಾರು 50.1 ಲಕ್ಷ ರಿಟರ್ನ್ಸ್ ಸಲ್ಲಿಕೆಯಾಗಿದೆ.
ರಾಜ್ಯಗಳಿಗೆ ಪರಿಹಾರ ರೂಪದಲ್ಲಿ ಜುಲೈ ಹಾಗೂ ಆಗಸ್ಟ್ ತಿಂಗಳಿನಲ್ಲಿ 10,806 ಕೋಟಿ ರು, ಸೆಪ್ಟೆಂಬರ್ ಹಾಗೂ ಅಕ್ಟೋಬರ್ ತಿಂಗಳಿನಲ್ಲಿ 13,695 ಕೋಟಿ ರು ನೀಡಲಾಗಿದೆ.
ಒಟ್ಟಾರೆ ಜಿಎಸ್ಟಿ ಇಲ್ಲಿ ತನಕದ ಗಳಿಕೆ
ಜುಲೈ : 95,000 ಕೋಟಿ ರು
ಆಗಸ್ಟ್ : 91,000 ಕೋಟಿ ರು
ಸೆಪ್ಟೆಂಬರ್ : 92,150 ಕೋಟಿ ರು
ಅಕ್ಟೋಬರ್ : 95,131 ಕೋಟಿ ರು
ನವೆಂಬರ್ : 83,346 ಕೋಟಿ ರು
(ಒನ್ಇಂಡಿಯಾ ಸುದ್ದಿ)
Click it and Unblock the Notifications
Sign in with Google