Gold Price: ಚಿನ್ನ ಅತ್ಯಂತ ಕಡಿಮೆ ಬೆಲೆಗೆ ಸಿಗುವ ಜಾಗಗಳು ಇಲ್ಲಿವೆ...

ಚಿನ್ನ ಬೆಲೆ ಹಾಗೂ ಬೆಳ್ಳಿ ಬೆಲೆ ಭಾರಿ ಏರಿಕೆ ಕಂಡಿದ್ದು, ಚಿನ್ನ ಖರೀದಿ ಮಾಡುವುದು ಕಷ್ಟವಾಗಿ ಹೋಗಿದೆ. ಭಾರತದ ಬಹುತೇಕ ಭಾಗದಲ್ಲಿ ಚಿನ್ನದ ಬೆಲೆ ಭಾರಿ ದೊಡ್ಡ ಪ್ರಮಾಣದಲ್ಲಿ ಏರಿಕೆ ಕಂಡಿದ್ದು, ಚಿನ್ನ ಖರೀದಿ ಮಾಡಲು ಜನರು ಲೆಕ್ಕಾಚಾರ ಹಾಕುತ್ತಿದ್ದಾರೆ. ಮದುವೆ ಸೇರಿದಂತೆ & ಹಲವು ಶುಭಕಾರ್ಯ ಇದ್ದರೂ ಜನ ಪರದಾಡುತ್ತಿದ್ದಾರೆ ಚಿನ್ನ ಖರೀದಿ ಮಾಡಲು. ಇಷ್ಟೆಲ್ಲದರ ನಡುವೆ ಚಿನ್ನ ಅತ್ಯಂತ ಕಡಿಮೆ ಬೆಲೆಗೆ ಸಿಗುತ್ತಿದೆ, ಅದು ಎಲ್ಲಿ ಗೊತ್ತಾ? ಯಾವ ಜಾಗದಲ್ಲಿ ನಿಮಗೆ ಅತ್ಯಂತ ಕಡಿಮೆ ಬೆಲೆಗೆ ಚಿನ್ನ ಸಿಗುತ್ತಿದೆ?

ಚಿನ್ನದ ಬೆಲೆಯಲ್ಲಿ ಭಾರಿ ಕುಸಿತ ಮುಂದುವರಿದಿದೆ, ಚಿನ್ನ ಮತ್ತು ಬೆಳ್ಳಿ ಬೆಲೆ ಕಳೆದ ಕೆಲವು ತಿಂಗಳ ಕಾಲ ನಿರಂತರವಾಗಿ ಏರಿಕೆ ಕಂಡಿತ್ತು. ಅದರಲ್ಲೂ ಚಿನ್ನದ ಬೆಲೆ ಏರಿಕೆ ಕಂಡು ಜನ ಸುಸ್ತಾಗಿದ್ದರು. ಬಂಗಾರದ ಬೆಲೆ ಯಾವಾಗ ಕಡಿಮೆ ಆಗುತ್ತೆ? ಎಂಬ ಚಿಂತೆ ಕೂಡ ಕಾಡುತ್ತಾ ಇತ್ತು. ಆದರೆ ಈಗ ಎಲ್ಲದಕ್ಕೂ ಉತ್ತರ ಸಿಕ್ಕಿದ್ದು, ಚಿನ್ನದ ಬೆಲೆಯಲ್ಲಿ ಇಳಿಕೆ ಆಗುತ್ತಿದೆ. ಕಳೆದ ಕೆಲವು ದಿನಗಳಿಂದ ನಿರಂತರವಾಗಿ ಚಿನ್ನದ ಬೆಲೆ ಕುಸಿದು ಬೀಳುತ್ತಿದೆ. ಹೀಗಿದ್ದರೂ ಭಾರತಕ್ಕಿಂತ ಕಡಿಮೆ ಬೆಲೆಗೆ ಚಿನ್ನ ಸಿಗುವ ದೇಶಗಳು ಇವೆ. ಅದರ ಪಟ್ಟಿ ನೋಡೋಣ ಬನ್ನಿ...

ಚಿನ್ನ ಕಡಿಮೆ ಬೆಲೆಗೆ ಸಿಗುವ ದೇಶಗಳು

ಭಾರತದಲ್ಲಿ ಹೋಲಿಕೆ ಮಾಡಿದರೆ ಸ್ವಿಜರ್‌ಲೆಂಡ್ ದೇಶದಲ್ಲಿ ಚಿನ್ನದ ಬೆಲೆ ಕಡಿಮೆ ಇದ್ದು, ಭಾರತದಲ್ಲಿ ಇರುವ ಬೆಲೆಗಿಂತ ಪ್ರತಿ ಒಂದು ಗ್ರಾಂಗೆ ಸುಮಾರು 800 ರೂಪಾಯಿಗಿಂತ ಕಡಿಮೆ ಬೆಲೆಗೆ ಇಲ್ಲಿ ಚಿನ್ನ ಸಿಗುತ್ತದೆ. ಇಂಡೋನೇಷ್ಯಾ ಕೂಡ ಕಡಿಮೆ ಬೆಲೆಗೆ ಚಿನ್ನ ಕೊಡುತ್ತದೆ, ಸ್ವಿಜರ್‌ಲೆಂಡ್ ದೇಶಕ್ಕಿಂತ ಸ್ವಲ್ಪ ಕಡಿಮೆ ಬೆಲೆ ಇಲ್ಲಿ ಇರುತ್ತದೆ, ನ್ಯೂಜಿಲೆಂಡ್ ದೇಶದಲ್ಲಿ ಕೂಡ ಚಿನ್ನದ ಬೆಲೆ ಕಡಿಮೆಗೆ ಸಿಗುತ್ತದೆ, ಈ ದೇಶದಲ್ಲಿ ಭಾರತದಲ್ಲಿನ ಬೆಲೆಗೆ ಹೋಲಿಕೆ ಮಾಡಿದರೆ ಸುಮಾರು 900 ರೂಪಾಯಿ ಪ್ರತಿ ಗ್ರಾಂ ಚಿನ್ನದ ಮೇಲೆ ಬೆಲೆ ಕಡಿಮೆ ಆಗಬಹುದು.

ಚಿನ್ನದ ಬೆಲೆ ಇಂದು ಎಷ್ಟಿದೆ?

ರಷ್ಯಾ ದೇಶದಲ್ಲೂ ಚಿನ್ನದ ಬೆಲೆ ಭಾರಿ ಕಡಿಮೆ ಇರುತ್ತದೆ, ರಷ್ಯಾದಲ್ಲಿ ಭಾರತಕ್ಕಿಂತ ಸುಮಾರು 1,000 ರೂಪಾಯಿ ಪ್ರತಿ ಗ್ರಾಂ ಚಿನ್ನದ ಮೇಲೆ ಕಡಿಮೆ ಲೆಕ್ಕದಲ್ಲಿ ಸಿಗುತ್ತದೆ. ಹಾಗೇ ಯುರೋಪ್ & ಇಂಗ್ಲೆಂಡ್ ಸೇರಿದಂತೆ ಜಪಾನ್ ದೇಶದಲ್ಲೂ ಭಾರತಕ್ಕಿಂತ ಸುಮಾರು 1,000 ರೂಪಾಯಿ ಪ್ರತಿ ಗ್ರಾಂ ಚಿನ್ನದ ಮೇಲೆ ಕಡಿಮೆ ಬೆಲೆಯಲ್ಲಿ ಖರೀದಿ ಮಾಡಬಹುದು. ಭಾರತದಲ್ಲಿ ಇಂದು ಶುದ್ಧ ಚಿನ್ನ ಅಥವಾ 24 ಕ್ಯಾರೆಟ್ ಚಿನ್ನದ ಬೆಲೆ ಪ್ರತಿ ಗ್ರಾಂ 12,328 ರೂಪಾಯಿ ಇದ್ದು, 10 ಗ್ರಾಂ ಚಿನ್ನದ ಬೆಲೆ 1,23,280 ರೂಪಾಯಿ ಇದೆ. ಹಾಗೇ 22 ಕ್ಯಾರೆಟ್ ಆಭರಣ ಚಿನ್ನದ ಬೆಲೆ ಪ್ರತಿ 10 ಗ್ರಾಂ 1,13,000 ರೂಪಾಯಿ ಆಗಿದೆ.

English summary

Gold Price In India And Other Countries In The World