2018- 19ರ ಆರ್ಥಿಕ ವರ್ಷದಲ್ಲಿ ಜಿಡಿಪಿ ಅಭಿವೃದ್ಧಿ ದರ 7- 7.5

ಪ್ರಸಕ್ತ ಸಾಲಿನ ಕೇಂದ್ರ ಬಜೆಟ್ ಅಧಿವೇಶನ ಸೋಮವಾರ ಶುರು ಆಗಿದ್ದು, ಆರ್ಥಿಕ ಸಮೀಕ್ಷೆಯ ಅಂಕಿ- ಅಂಶವನ್ನು ಕೇಂದ್ರ ಹಣಕಾಸು ಸಚಿವ ಅರುಣ್ ಜೇಟ್ಲಿ ಸಂಸತ್ ನ ಮುಂದೆ ಇಟ್ಟಿದ್ದಾರೆ. ಪ್ರಮುಖಾಂಶಗಳು ಹೀಗಿವೆ.

* ಖಾಸಗಿ ಹೂಡಿಕೆ ಮತ್ತೆ ಹೆಚ್ಚಾಗಲಿದೆ. ಗ್ರಾಹಕರ ಬೇಡಿಕೆಯ ಜತೆಗೆ ರಿಯಲ್ ಎಸ್ಟೇಟ್ ಬೇಡಿಕೆ ಇಳಿಕೆಯ ನೆರವು ದೊರೆಯಲಿದೆ.

* ಕೃಷಿ ಅಭಿವೃದ್ಧಿ ದರ ಆರ್ಥಿಕ ವರ್ಷ 2018ಕ್ಕೆ 2.1ರಷ್ಟು ಆಗುವ ಸಾಧ್ಯತೆ ಇದ್ದು, ಕೈಗಾರಿಕೆ ಅಭಿವೃದ್ಧಿ ದರವು ಆರ್ಥಿಕ ವರ್ಷ 2018ಕ್ಕೆ 4.4ರಷ್ಟಾಗುವ ಸಾಧ್ಯತೆ ಇದೆ.

* ಜಿಡಿಪಿ ಅಭಿವೃದ್ಧಿ ದರವು 6.75 ಇದ್ದು, ಈ ಆರ್ಥಿಕ ವರ್ಷದಲ್ಲಿ 7- 7.5 ತಲುಪುವ ಸಾಧ್ಯತೆಗಳಿವೆ. 2018- 19ರ ಮಧ್ಯಮಾವಧಿಯಲ್ಲಿ ಉದ್ಯೋಗ, ಶಿಕ್ಷಣ ಹಾಗೂ ಕೃಷಿ ವಲಯದ ಮೇಲೆ ತುರ್ತಾಗಿ ಗಮನ ಹರಿಸಬೇಕಿದೆ.

* 2017- 2018ರಲ್ಲಿ ಜಿಡಿಪಿ 6.75 ಇದ್ದು, ಭಾರತವು ಜಗತ್ತಿನಲ್ಲೇ ಅತ್ಯಂತ ವೇಗವಾಗಿ ಬೆಳೆಯುತ್ತಿರುವ ಆರ್ಥಿಕತೆ ಆಗಿದೆ.

* ಸೇವಾ ವಲಯದ ಅಭಿವೃದ್ಧಿಯು 2018ರ ಆರ್ಥಿಕ ವರ್ಷಕ್ಕೆ 8.3 ಆಗುವ ಸಾಧ್ಯತೆ ಇದೆ.

* ರಫ್ತು ವಲಯವು ಪ್ರಮುಖ ಆದಾಯ ಮೂಲದ ಸಾಮರ್ಥ್ಯ ಹೊಂದಿದ್ದು, ಈ ಆರ್ಥಿಕ ವರ್ಷದಲ್ಲಿ ಅದರ ಕೊಡುಗೆ ಹೆಚ್ಚುವ ನಿರೀಕ್ಷೆ ಇದೆ.

* ಆರ್ಥಿಕ ವರ್ಷದ ದ್ವಿತೀಯಾರ್ಧದಲ್ಲಿ ಜಿಎಸ್ ತಿ ಸಹಾಯದಿಂದ ಆರ್ಥಿಕತೆಗೆ ಒಂದಿಷ್ಟು ಚೈತನ್ಯ ಸಿಕ್ಕಿದೆ. ಬ್ಯಾಂಕ್ ಗಳಿಗೆ ಬಂಡವಾಳ ಪೂರೈಕೆ, ವಿದೇಶಿ ಹೂಡಿಕೆಯ ಉದಾರೀಕರಣ, ರಫ್ತು ಪ್ರಮಾಣದ ಹೆಚ್ಚಳದಿಂದ ಕೂಡ ಅನುಕೂಲವಾಗಿದೆ.

* ಪ್ರಾಥಮಿಕ ವಿಶ್ಲೇಷಣೆ ಬಯಲು ಮಾಡಿರುವ ಸಂಖ್ಯೆಗಳ ಪ್ರಕಾರ ಜಿಎಸ್ ಟಿಯಿಂದಾಗಿ ಪರೋಕ್ಷ ತೆರಿಗೆ ಪಾವತಿದಾರರ ಸಂಖ್ಯೆಯಲ್ಲಿ ಶೇಕಡಾ ಐವತ್ತರಷ್ಟು ಹೆಚ್ಚಳವಾಗಿದೆ.

English summary

The Economic Survey 2018 tabled by Finance Minister Arun Jaitley in Parliament expects India’s GDP growth in 2019 to be between 7 and 7.5%, against 6.5% in the current fiscal.