ಕೋಲ್ ಇಂಡಿಯಾ ತ್ರೈಮಾಸಿಕ ನಿವ್ವಳ ಲಾಭ ಶೇ. 55ರಷ್ಟು ಕುಸಿತ
ನವದೆಹಲಿ, ಸೆಪ್ಟೆಂಬರ್ 02: ಕೋಲ್ ಇಂಡಿಯಾವು ಜೂನ್ 21 ಕ್ಕೆ ಕೊನೆಗೊಂಡ ಮೊದಲ ತ್ರೈಮಾಸಿಕದಲ್ಲಿ ಒಟ್ಟು 2,077 ಕೋಟಿ ನಿವ್ವಳ ಲಾಭವನ್ನು ವರದಿ ಮಾಡಿದ್ದು, ನಿವ್ವಳ ಲಾಭ ಶೇಕಡಾ 55ರಷ್ಟು ಕುಸಿತಗೊಂಡಿದೆ.
ಕಳೆದ ಹಣಕಾಸು ವರ್ಷದಲ್ಲಿ ಇದೇ ಅವಧಿಯಲ್ಲಿ, 4,629 ಕೋಟಿ ಲಾಭ ಕಂಡಿದ್ದ ಕೋಲ್ ಇಂಡಿಯಾ ಶೇಕಡಾ 55ರಷ್ಟು ಕುಸಿತ ಕಂಡಿದೆ. ಪರಿಶೀಲನೆಯ ತ್ರೈಮಾಸಿಕದಲ್ಲಿ ನಿವ್ವಳ ಮಾರಾಟ 17,007 ಕೋಟಿ ಆಗಿದ್ದು, ಇದು ಶೇ. 26ರಷ್ಟು ಕಡಿಮೆಯಾಗಿದೆ. ಇದೇ ತ್ರೈಮಾಸಿಕದಲ್ಲಿ ಇದು 23,223 ಕೋಟಿ.
ಕೋಲ್ ಇಂಡಿಯಾ ಈ ತ್ರೈಮಾಸಿಕದಲ್ಲಿ 120 ದಶಲಕ್ಷ ಟನ್ ಕಲ್ಲಿದ್ದಲನ್ನು ಸರಬರಾಜು ಮಾಡಿದೆ. ಹಿಂದಿನ ವರ್ಷದ ಇದೇ ತ್ರೈಮಾಸಿಕದಲ್ಲಿ 153.5 ದಶಲಕ್ಷ ಟನ್ಗಳಷ್ಟು ಹೋಲಿಸಿದರೆ ಸುಮಾರು 20% ಕಡಿಮೆ ಸರಬರಾಜು ಆಗಿದೆ.
ಹಣಕಾಸು ವರ್ಷ 2020ಕ್ಕೆ ಹೋಲಿಸಿದರೆ ತ್ರೈಮಾಸಿಕದಲ್ಲಿ ವಿದ್ಯುತ್ ಸ್ಥಾವರಗಳಿಗೆ ಇಂಧನ ಪೂರೈಕೆ ಸುಮಾರು ಶೇಕಡಾ 30ರಷ್ಟು ಇಳಿಕೆಯಾಗಿ 102 ದಶಲಕ್ಷ ಟನ್ಗಳಿಗೆ ಇಳಿದಿದೆ.
ಪರಿಶೀಲನೆಯ ಅವಧಿಯಲ್ಲಿ ಇ-ಹರಾಜು ಮಾರಾಟವು 15.8 ಮಿಲಿಯನ್ ಟನ್ ಆಗಿದ್ದು, ಕಳೆದ ಹಣಕಾಸು ವರ್ಷದಲ್ಲಿ ಇದೇ ತ್ರೈಮಾಸಿಕದಲ್ಲಿ 19 ಮಿಲಿಯನ್ ಟನ್ ಮಾರಾಟವಾಗಿದೆ.
Click it and Unblock the Notifications
Sign in with Google