ಸ್ಥಗಿತಗೊಂಡ 'ನಮ್ಮ ಮೆಟ್ರೋ' ಸೇವೆ ಯಾವಾಗ ಆರಂಭವಾಗುತ್ತೆ?
ಮುಂಬೈ, ಜುಲೈ 7: ನಮ್ಮ ಮೆಟ್ರೋ ಬಂದ್ ಕುರಿತಂತೆ ರಾಜಧಾನಿಯಲ್ಲೀಗ ಎಲ್ಲೆಡೆ ಚರ್ಚೆಯಾಗುತ್ತಿದ್ದು, ಮೆಟ್ರೋವನ್ನೇ ನಂಬಿಕೊಂಡಿದ್ದ ಲಕ್ಷಾಂತರ ಜನರು ಇಂದು ಆಟೋ, ಕ್ಯಾಬು, ಬಸ್ಸು ಎನ್ನುತ್ತ ಪರದಾಡುತ್ತಿದ್ದಾರೆ.
ಈ ಮೆಟ್ರೋ ಸೇವೆ ಇವತ್ತೇ ಶುರುವಾಗುತ್ತಾ? ಶುರುವಾದರೂ ಎಷ್ಟು ಹೊತ್ತಿಗೆ ಆರಂಭವಾಗುತ್ತೆ? ಬೆಳಗ್ಗೆಯಂತೂ ಮೆಟ್ರೋ ಇಲ್ಲದೆ ಪರದಾಡಿದ್ದಾಯ್ತು. ಇಂದು ಸಂಜೆಯಾದರೂ ಈ ಪರದಾಟ ತಪ್ಪುತ್ತಾ ಎಂದು ಜನರು ಪರಿಪರಿಯಾಗಿ ಪ್ರಶ್ನಸುತ್ತಿದ್ದಾರೆ.
ಈ ಪ್ರಶ್ನೆಗಳಿಗೆ ಉತ್ತರಿಸುವುದಕ್ಕೆ ಬಿಎಂಆರ್ ಸಿಎಲ್ ನ ಸಾರ್ವಜನಿಕ ಸಂಪರ್ಕಾಧಿಕಾರಿ ಯು.ಎ.ವಸಂತ್ ವಸಂತ ರಾವ್ ಸಂಪರ್ಕಕ್ಕೆ ಸಿಗುತ್ತಿಲ್ಲ.
Train service temporally stopped - will tweet once the issues are resolved
— BMRCL (@cpronammametro) July 7, 2017
"ನಮ್ಮ ಮೆಟ್ರೋ ಸೇವೆ ತಾತ್ಕಾಲಿಕವಾಗಿ ಸ್ಥಗಿತಗೊಂಡಿದೆ. ಸೇವೆ ಆರಂಭವಾಗುತ್ತಿದ್ದಂತೆಯೇ ಟ್ವೀಟ್ ಮೂಲಕ ಮಾಹಿತಿ ನೀಡುತ್ತೇವೆ" ಎಂದು ಬಿಎಂಆರ್ ಸಿಎಲ್ ನ ಅಧಿಕೃತ ಟ್ವಿಟ್ಟರ್ ಖಾತೆಯಿಂದ ಟ್ವೀಟ್ ಮಾಡಲಾಗಿದೆ. "ಸಮಸ್ಯೆ ಬಗೆಹರಿದಿದೆ, ಮೆಟ್ರೋ ಸೇವೆ ಮತ್ತೆ ಆರಂಭವಾಗುತ್ತಿದೆ" ಎಂದು ಮತ್ತೊಮ್ಮೆ ಬಿಎಂಆರ್ ಸಿಎಲ್ ನಲ್ಲಿ ಟ್ವೀಟ್ ಬರುವವರೆಗೂ ಪ್ರಯಾಣಿಕರು ಮೆಟ್ರೋವನ್ನು ನಂಬಿಕೊಳ್ಳುವಂತಿಲ್ಲ!.
ಯಾವುದೇ ಮುನ್ಸೂಚನೆಯನ್ನೇ ನೀಡದೆ ಮೆಟ್ರೋ ಬಂದ್ ಆಗಿರುವುದು, ಸ್ವತಃ ಬಿಎಂಆರ್ ಸಿಎಲ್ ನ ಎಷ್ಟೊ ಸಿಬ್ಬಂದಿಗಳಿಗೇ ಕಾರಣ ಗೊತ್ತಿಲ್ಲ! ಸರಿಯಾಗಿ ಮಾಹಿತಿಯನ್ನೂ ನೀಡಿಲ್ಲ. ಇದರಿಂದ ಸಾರ್ವಜನಿಕರ ಆಕ್ರೋಶ ಹೆಚ್ಚಿದ್ದು, ಕೂಡಲೇ ಮೆಟ್ರೋ ಸೇವೆ ಆರಂಭಿಸಿ ಎಂಬ ಧ್ವನಿ ಸಹ ಸಾರ್ವಜನಿಕ ವಲಯದಲ್ಲಿ ಕೇಳಿಬರುತ್ತಿದೆ.
Click it and Unblock the Notifications
Sign in with Google