SWR: ಸೂಪರ್‌ಫಾಸ್ಟ್ ಎಕ್ಸ್‌ಪ್ರೆಸ್ ರೈಲುಗಳಿಗೆ ಆಧುನಿಕ LHB ಬೋಗಿ ಅಳವಡಿಕೆ: ಸಂಚಾರ ಯಾವಾಗ?

Indian Railways Big Upgrage: ಪ್ರಯಾಣಿಕರ ಸುರಕ್ಷತೆಗೆ, ಆರಾಮದಾಯಕ ಪ್ರಯಾಣ ಒದಗಿಸಲು ಭಾರತೀಯ ರೈಲ್ವೆ ಒಂದಿಲ್ಲೊಂದು ಹೊಸ ಉಪಕ್ರಮ, ಯೋಜನೆ, ವ್ಯವಸ್ಥೆ ಜಾರಿಗೆ ತರುತ್ತಿದೆ. ಇದೀಗ ನೈಋತ್ಯ ರೈಲ್ವೆ ವಿಭಾಗವು ಕರ್ನಾಟಕ ಈ ಮಾರ್ಗದ ರೈಲು ಸೇರಿ ಕೆಲವು ಸೂಪರ್‌ಫಾಸ್ಟ್ ಎಕ್ಸ್‌ಪ್ರೆಸ್ ರೈಲುಗಳ ಪರಂಪರಾಗತ ಬೋಗಿಗಳನ್ನು ಹೊಸ LHB (Linke-Hofmann-Busch) ಬೋಗಿಗಳಿಂದ ಬದಲಾಯಿಸಲಿದೆ. ಆಧುನಿಕ ಬೋಗಿಗಳನ್ನು ಅಳವಡಿಸುವುದಾಗಿ ಅಧಿಕೃತ ಮಾಹಿತಿ ನೀಡಿದೆ.

ವಿವಿಧ ರೈಲುಗಳ ಹಳೆಯ ಬೋಗಿಗಳಿಗೆ ಬದಲಾಗಿ ಹೊಸ ಬೋಗಿಗಳನ್ನು ಮುಂದಿನ ವರ್ಷ 2026 ರ ಫೆಬ್ರವರಿಯಿಂದ ಹಂತ ಹಂತವಾಗಿ ಜಾರಿಗೆ ಬರಲಿದೆ ಎಂದು ರೈಲ್ವೆ ಅಧಿಕಾರಿಳು ಮಾಹಿತಿ ನೀಡಿದ್ದಾರೆ. ಹಾಗಾದರೆ ಕರ್ನಾಟಕ ಸೇರಿ ಯಾವ ಮಾರ್ಗ ರೈಲುಗಳು ಈ ಹೊಸ ಬೋಗಿ ಸಹಿತ ಸಂಚಾರ ಸೇವೆ ನೀಡಲಿವೆ ಎಂಬ ಮಾಹಿತಿ ಇಲ್ಲಿದೆ.

ಮಂಗಳೂರು-ಚೆನ್ನೈ, ಚೆನ್ನೈ-ಅಲೆಪ್ಪಿ ಹಾಗೂ ಚೆನ್ನೈ-ತಿರುವನಂತಪುರಂ ಮಾರ್ಗಗಳ ಪ್ರಮುಖ ರೈಲುಗಳು ಹೊಸ ಆಧುನಿಕ ಬೋಗಿಗಳೊಂದಿಗೆ ಓಡಲಿವೆ. ಬಿಡುಗಡೆ ಮಾಡಿರುವ ಈ ರೈಲುಗಳ ವೇಳಾಪಟ್ಟಿ ಪ್ರಕಾರ, ಮಂಗಳೂರು ಸೆಂಟ್ರಲ್-ಡಾ. ಎಂ.ಜೀ.ಆರ್ ಚೆನ್ನೈ ಸೆಂಟ್ರಲ್ ಸೂಪರ್‌ಫಾಸ್ಟ್ ರೈಲು (12602/12601) ಫೆಬ್ರವರಿ 3ರಿಂದ ಮಂಗಳೂರಿನಿಂದ ಮತ್ತು ಫೆಬ್ರವರಿ 2ರಿಂದ ಚೆನ್ನೈಯಿಂದ LHB ಬೋಗಿಗಳ ಸಹಿತ ಕಾರ್ಯಾಚರಣೆ ಮಾಡಲಿದೆ.

ಅದೇ ರೀತಿ ಮಂಗಳೂರು ಸೆಂಟ್ರಲ್-ಚೆನ್ನೈ ಸೆಂಟ್ರಲ್ ವೆಸ್ಟ್ ಕೋಸ್ಟ್ ಎಕ್ಸ್‌ಪ್ರೆಸ್ ರೈಲು (22638/22637) ಫೆಬ್ರವರಿ 1ರಿಂದ ಮಂಗಳೂರಿನಿಂದ ಮತ್ತು ಫೆಬ್ರವರಿ 4ರಿಂದ ಚೆನ್ನೈಯಿಂದ ಹೊಸ ಬೋಗಿಗಳೊಂದಿಗೆ ಸಂಚಾರ ಸೇವೆ ಆರಂಭಿಸಲಿದೆ.

ಚೆನ್ನೈ-ಅಲೆಪ್ಪಿ ಸೂಪರ್‌ಫಾಸ್ಟ್ ಎಕ್ಸ್‌ಪ್ರೆಸ್ ರೈಲು (22639/22640) ಕೂಡ ಫೆಬ್ರವರಿ 1ರಿಂದ ಚೆನ್ನೈ ಕೇಂದ್ರದಿಂದ ಮತ್ತು ಫೆಬ್ರವರಿ 2ರಿಂದ ಚೆನ್ನೈ-ಅಲೆಪ್ಪಿದಿಂದ LHB ಬೋಗಿಗಳೊಂದಿಗೆ ಚಲಿಸಲಿದೆ. ಚೆನ್ನೈ-ತಿರುವನಂತಪುರಂ ಸೂಪರ್‌ಫಾಸ್ಟ್ ಎಕ್ಸ್‌ಪ್ರೆಸ್ ರೈಲು (12695/12696) ಫೆಬ್ರವರಿ 3ರಿಂದ ಚೆನ್ನೈಯಿಂದ ಮತ್ತು ಫೆಬ್ರವರಿ 4ರಿಂದ ತಿರುವನಂತಪುರಂನಿಂದ ಹೊಸ ಬೋಗಿಗಳೊಂದಿಗೆ ಸಂಚಾರ ಸೇವೆ ಶುರು ಮಾಡಲಿದೆ.

ಈ ಲಾವಣೆಗಳೊಂದಿಗೆ ಎಲ್ಲಾ ರೈಲುಗಳ ಬೋಗಿ ಸಂಯೋಜನೆ ಪರಿಷ್ಕರಿಸಲಾಗಿದೆ. ಫಸ್ಟ್ AC-ಕಮ್-AC ಟು ಟಿಯರ್, AC ಟು ಟಿಯರ್, AC ತ್ರಿ ಟಿಯರ್, ಸ್ಲೀಪರ್ ಹಾಗೂ ಜನರಲ್ ಸೆಕೆಂಡ್ ಕ್ಲಾಸ್ ಬೋಗಿಗಳ ಸಂಖ್ಯೆ ಪರಿಷ್ಕೃತವಾಗಿದೆ. ವಿಶೇಷ ಚೇತನರು, ಹಿರಿಯ ನಾಗರಿಕರನ್ನು ಗಮನದಲ್ಲಿಟ್ಟುಕೊಂಡು ವಿಶೇಷ ಕೋಚ್ ಮತ್ತು ಸಾಮಾನು-ಬ್ರೇಕ್ ವ್ಯಾನ್‌ಗಳನ್ನು ಸೇರಿಸಲಾಗಿದೆ.

ವಿಶೇಷವಾಗಿ ವಿನ್ಯಾಸಗೊಳಿಸಿದ ಬೋಗಿಗಳಿವು

ಜರ್ಮನ್ ತಂತ್ರಜ್ಞಾನ ಆಧಾರಿತವಾದ ಈ LHB ಬೋಗಿಗಳು ಹೆಚ್ಚು ಸುರಕ್ಷತೆ ಹೊಂದಿವೆ. ದಕ್ಷತೆ ಜೊತೆಗೆ ವೇಗದ ಹೆಚ್ಚಳ ಮತ್ತು ಆರಾಮದಾಯಕ ಪ್ರಯಾಣಕ್ಕಾಗಿ ಸೂಕ್ತವಾಗಿವೆ. ಅಪಘಾತಗಳ ಸಂದರ್ಭದಲ್ಲೂ ಹಾನಿ ಕಡಿಮೆಯಾಗುವಂತೆ ವಿನ್ಯಾಸಗೊಳಿಸಲಾಗಿದೆ. ಭಾರತೀಯ ರೈಲ್ವೆ ಇಲಾಖೆಯು ರೈಲು ವ್ಯವಸ್ಥೆ ಆಧುನೀಕರಣದ ಪ್ರಮುಖ ಭಾಗವಾಗಿವೆ. ಫೆಬ್ರವರಿ 2026ರಿಂದ ಜಾರಿಗೊಳ್ಳುವ ಈ ಬದಲಾವಣೆಗಳು ಹತ್ತಾರು ಸಾವಿರ ಪ್ರಯಾಣಿಕರಿಗೆ ಉತ್ತಮ ಗುಣಮಟ್ಟದ ಪ್ರಯಾಣ ಅನುಭವ ಒದಗಿಸಲಿವೆ ಎಂದು ನೈಋತ್ಯ ರೈಲ್ವೆ ಖಚಿತಪಡಿಸಿದೆ.

English summary

SWR announces replacement of conventional coaches with advanced LHB coaches on Mangaluru–Chennai train, Chennai–Alleppey express, Chennai–Thiruvananthapuram express trains, enhancing safety, speed, and passenger comfort from February 2026.