ಅತ್ಯಾಚಾರ ತಡೆಗೆ ನಾನು ಸಹಿ ಹಾಕಾಯ್ತು, ನಿಮ್ಮದೊಂದು ಸಹಿ ಸೇರಿಸಿ
ಬೆಂಗಳೂರು, ಅಕ್ಟೋಬರ್, 15 : ನಗರದಲ್ಲಿ ಇತ್ತೀಚಿನ ದಿನಗಳಲ್ಲಿ ಹೆಚ್ಚುತ್ತಿರುವ ಅತ್ಯಾಚಾರ ಪ್ರಕರಣಗಳಿಗೆ ಕಡಿವಾಣ ಹಾಕುವಂತೆ ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರಿಗೆ ಮನವಿ ಮಾಡಲು ರಾಜ್ಯಸಭಾ ಸದಸ್ಯ ರಾಜೀವ್ ಚಂದ್ರಶೇಖರ್ 'ಅತ್ಯಾಚಾರ ತಡೆ ಸಹಿ ಅಭಿಯಾನ' ವನ್ನು ಆರಂಭಿಸಿದ್ದು, ಈ ವಾರಾಂತ್ಯದಲ್ಲಿ ಒಂದು ಲಕ್ಷಕ್ಕೂ ಹೆಚ್ಚು ಜನರಿಂದ ಆನ್ ಲೈನ್ ಮೂಲಕ ಸಹಿ ಸಂಗ್ರಹಿಸುವ ಯೋಜನೆ ಹಾಕಿಕೊಂಡಿದ್ದಾರೆ.
ಪೋಷಕರೇ ನಿಮ್ಮ ಮಕ್ಕಳು ಸುರಕ್ಷಿತರು ಎಂದು ಸಮಾಧಾನಗೊಳ್ಳದಿರಿ. ಇತ್ತೀಚಿಗೆ ಈ ಜಗತ್ತಿನಲ್ಲಿ ಯಾರ ಮಕ್ಕಳು ಸುರಕ್ಷಿತರಲ್ಲ. ಯಾವ ಸಂದರ್ಭದಲ್ಲಿ ನಮ್ಮ ಮಕ್ಕಳಿಗೆ ಯಾವ ಅವಘಡ ಕಾದಿರುತ್ತದೋ ಬಲ್ಲವರಿಲ್ಲ. ಹಾಗಾಗಿ ನೈತಿಕ ಕಾರ್ಯಕ್ಕೆ ನಿಮ್ಮದೊಂದು ಸಹಿ ಇರಲಿ ಎಂದು ರಾಜ್ಯಸಭಾ ಸದಸ್ಯ ರಾಜೀವ್ ಚಂದ್ರಶೇಖರ್ ಈ ಅತ್ಯಾಚಾರ ತಡೆ ಸಹಿ ಅಭಿಯಾನಕ್ಕೆ ಮುನ್ನಡಿ ಇಟ್ಟಿದ್ದಾರೆ.[ಮೂರು ವರ್ಷದ ಶಾಲಾ ಬಾಲಕಿ ಮೇಲೆ ಲೈಂಗಿಕ ದೌರ್ಜನ್ಯ]
'ನಮ್ಮ ಹೆಣ್ಣು ಮಕ್ಕಳು ಸ್ವಂತ ಮನೆಯವರಿಂದ, ಮನೆಯ ನೆರೆಹೊರೆಯವರಿಂದ, ಅಪರಿಚಿತರಿಂದ ಅತ್ಯಾಚಾರಕ್ಕೆ ಒಳಗಾಗುತ್ತಿದ್ದು, ಮಕ್ಕಳು ತಮ್ಮ ಬಾಲ್ಯವನ್ನು ನಿರ್ಭೀತಿಯಿಂದ ಕಳೆಯಲು ಸಾಧ್ಯವಾಗುತ್ತಿಲ್ಲ. ಬಾಲ್ಯದ ಸವಿಯನ್ನು ಅನುಭವಿಸದ ಸ್ಥಿತಿಗೆ ಬಂದಿದ್ದಾರೆ. ಹಾಗಾಗಿ ಈ ಅತ್ಯಾಚಾರವೆಂಬ ಪೀಡೆ ತಡೆಯಲು ಮುಂದಾಗುವ ಅಗತ್ಯತೆ ಇದೆ' ಎಂದು ರಾಜೀವ್ ಚಂದ್ರಶೇಖರ್ ಕರೆ ನೀಡಿದ್ದಾರೆ.
ಸಹಿ ಅಭಿಯಾನದ ಹಿನ್ನೆಲೆ :
ಕಳೆದ ಕೆಲವು ದಿನಗಳ ಹಿಂದೆ ಬೆಂಗಳೂರು ನಗರದಲ್ಲಿ 15 ವರ್ಷದ ಅಪ್ರಾಪ್ತೆ ಮೇಲೆ ಅತ್ಯಾಚಾರ ಎಸಗಿದ 4 ಯುವಕರ ತಂಡ ಅದನ್ನು ಚಿತ್ರಿಕರಿಸಿದ್ದರು. ಈ ಕಾಮುಕರಿಗೆ ಬಲಿಯಾದ ಆಕೆ ತನ್ನ ಪ್ರಾಣ ಕಳೆದುಕೊಂಡಿದ್ದಳು.
ಇಂದಿರಾ ನಗರದಲ್ಲಿ ಪ್ರೀ ನರ್ಸರಿ ಓದುತ್ತಿದ್ದ ಮೂರು ವರ್ಷದ ಬಾಲಕಿ ಶಾಲಾ ಸಿಬ್ಬಂದಿಯಿಂದಲೇ ಅತ್ಯಾಚಾರಕ್ಕೆ ಒಳಗಾಗಿದ್ದಳು. ನವದೆಹಲಿಯಲ್ಲಿ 4 ವರ್ಷದ ಬಾಲೆಯ ಮೇಲೆ ಅತ್ಯಾಚಾರವಾಗಿದೆ.[ಪಾಂಡವಪುರದಲ್ಲಿ ಯುವತಿ ಮೇಲೆ ಪುಂಡರ ಅತ್ಯಾಚಾರ]
ಹೀಗೆ ಹಸುಳೆಗಳು ಅಪ್ರಾಪ್ತರು ಎಂಬ ಭೇದ ತೋರದ ಕಾಮುಕರು ಹೆಣ್ಣು ಮಕ್ಕಳ ಮೇಲೆ ಲೈಂಗಿಕ ದೌರ್ಜನ್ಯ ಎಸಗುತ್ತಿದ್ದು, ದಿನದಿಂದ ದಿನಕ್ಕೆ ಅತ್ಯಾಚಾರ ಪ್ರಕರಣಗಳು ವರದಿಯಾಗುತ್ತಲೇ ಸಾಗಿದೆ. ಈ ಹಿನ್ನೆಲೆಯಲ್ಲಿ ಸಹಿ ಅಭಿಯಾನ ಆರಂಭವಾಗಿದೆ.
ಈ ಅಭಿಯಾನಕ್ಕೆ ನೀವು ಸಹಿ ಹಾಕಿ:
Narendra
Modi:
PM
Modi,
Pl
Commit
to
a
Roadmap
to
Protect
Our
Children
from
Sexual
Abuse
-
...
https://t.co/K67Zz8z2FB
via
@Change4India
—
Pooja
Bedi
(@poojabeditweets)
October
15,
2015
Narendra
Modi:
PM
Modi,
Please
Commit
to
a
Roadmap
to
Protect
Our
Children
from
Sexual
Abuse
-
...
https://t.co/WesmUo5bWH
—
Monica
Dogra
(@Shaair)
October
15,
2015