Paperless policing: ಡಿಜಿಟಲೀಕರಣಗೊಳ್ಳಲಿವೆ ಬೆಂಗಳೂರಿನ ಎಲ್ಲಾ ಪೊಲೀಸ್ ಠಾಣೆಗಳು, ವರದಿ ವಿವರ
ಬೆಂಗಳೂರು ಅಕ್ಟೋಬರ್ 4: ನಗರ ಕಮಿಷನರೇಟ್ ವ್ಯಾಪ್ತಿಯ ಎಲ್ಲಾ ಪೊಲೀಸ್ ಠಾಣೆಗಳು ನವೆಂಬರ್ ವೇಳೆಗೆ ಡಿಜಿಟಲ್ ಆಗಲಿವೆ ಎಂದು ಬೆಂಗಳೂರು ನಗರ ಪೊಲೀಸ್ ಆಯುಕ್ತ ಬಿ ದಯಾನಂದ ಮಂಗಳವಾರ ತಿಳಿಸಿದ್ದಾರೆ. ರಾಷ್ಟ್ರೀಯ ಇ-ಆಡಳಿತ ಯೋಜನೆಯಡಿ ಇ-ಆಫೀಸ್ - ಮಿಷನ್ ಮೋಡ್ ಪ್ರಾಜೆಕ್ಟ್ (ಎಂಎಂಪಿ) ಅನ್ನು ಸಂಪೂರ್ಣವಾಗಿ ಕಾರ್ಯಗತಗೊಳಿಸಲಾಗುವುದು ಎಂದು ಆಯುಕ್ತರು ತಿಳಿಸಿದ್ದಾರೆ.
"ಡಿಜಿಟೈಸೇಶನ್ ಅನ್ನು ಆದಷ್ಟು ಬೇಗ ಜಾರಿಗೆ ತರಲಾಗುವುದು... ಬಹುಶಃ ಒಂದು ತಿಂಗಳ ಅವಧಿಯಲ್ಲಿ ಇದಾಗುತ್ತದೆ" ಎಂದು ವರದಿಗಾರರ ಪ್ರಶ್ನೆಗೆ ಉತ್ತರವಾಗಿ ದಯಾನಂದ ಹೇಳಿದರು. "ಮುಂದಿನ ತಿಂಗಳು ಈ ಹೊತ್ತಿಗೆ ಎಲ್ಲಾ ಪೊಲೀಸ್ ಠಾಣೆಗಳಲ್ಲಿ ಇದನ್ನು ಮಾಡಬೇಕು. ಎಫ್ಐಆರ್ಗಳ ನೋಂದಣಿ, ತನಿಖೆ ಇತ್ಯಾದಿ ಡಿಜಿಟಲ್ ಆಗಲಿದೆ'' ಎಂದರು.
ಡಿಜಿಟಲ್ ಮೋಡ್ ಅಧಿಕಾರಿಗಳಿಗೆ ರಜೆಗಳು, ಬಡ್ತಿಗಳು, ಶಿಕ್ಷೆಗಳು ಮತ್ತು ವಿಚಾರಣೆಗಳಂತಹ ಆಡಳಿತಾತ್ಮಕ ವಿಷಯಗಳನ್ನು ದೂರದಿಂದಲೇ ತಿಳಿಯಲು ಸಹಾಯ ಮಾಡುತ್ತದೆ. ಇದಲ್ಲದೆ ಇದು ಪಾರದರ್ಶಕತೆ, ಅನುಕೂಲತೆ, ದಕ್ಷತೆ ಮತ್ತು ಹೊಣೆಗಾರಿಕೆಯನ್ನು ಒದಗಿಸುತ್ತದೆ. ಜೊತೆಗೆ ಇದು ದ್ವಿಮುಖ ಸಂವಹನವನ್ನು ಉತ್ತೇಜಿಸುತ್ತದೆ. ಪ್ರತಿಕ್ರಿಯೆ ಸಮಯವನ್ನು ಸುಧಾರಿಸುತ್ತದೆ ಮತ್ತು ಸುಸ್ಥಿರತೆಯ ಗುರಿಗಳನ್ನು ಸಾಧಿಸಲು ಸಹಾಯ ಮಾಡುತ್ತದೆ ಎಂದು ಡೆಪ್ಯುಟಿ ಕಮಿಷನರ್ ಆಫ್ ಪೋಲೀಸ್ (ಆಗ್ನೇಯ) ಸಿಕೆ ಬಾಬಾ ಹೇಳಿದರು.
ಈಗಾಗಲೇ ತಮ್ಮ ಹಾಗೂ ಡಿಸಿಪಿಗಳ ಕಚೇರಿಯಲ್ಲಿ ಇ-ಕಚೇರಿ ಬಳಕೆಯಲ್ಲಿದೆ. ಡಿಸಿಪಿಗಳ ಕಚೇರಿಗಳಿಂದ ಆಯುಕ್ತರ ಕಚೇರಿಗೆ ಎಲ್ಲಾ ಕಡತಗಳು ಇ-ಆಫೀಸ್ ಮೂಲಕ ಚಲಿಸುತ್ತವೆ. ಜನಶಕ್ತಿಯು ಮೊದಲು ವ್ಯರ್ಥವಾಯಿತು. ಏಕೆಂದರೆ ಜನರು ಕಡತಗಳನ್ನು ಟಪಾಲ್ ವ್ಯವಸ್ಥೆಯ ಮೂಲಕ ಭೌತಿಕವಾಗಿ ಸಾಗಿಸಬೇಕಾಗಿತ್ತು. ಅದನ್ನು ಕಡಿಮೆ ಮಾಡಲಾಗಿದೆ. ಆಗ್ನೇಯ ಡಿಸಿಪಿ ನೇತೃತ್ವ ವಹಿಸಿದ್ದು ಎಲ್ಲಾ ಪೊಲೀಸ್ ಠಾಣೆಗಳು ಇ-ಆಫೀಸ್ ಅನ್ನು ಆಡಳಿತಾತ್ಮಕ ಕೆಲಸಕ್ಕಾಗಿ ಬಳಸಲಾಗುತ್ತದೆ.
ಕ್ರಮೇಣ, ಕಾನೂನು ಮತ್ತು ಸುವ್ಯವಸ್ಥೆ ಮತ್ತು ಸಂಚಾರ ಸೇರಿದಂತೆ ಇತರ ವಿಭಾಗಗಳಿಗೆ ಇದನ್ನು ವಿಸ್ತರಿಸಲಾಗುವುದು. ಪ್ರತ್ಯೇಕ ಯೋಜನೆಯಾಗಿ ಹಳೆಯ ದಾಖಲೆಗಳನ್ನು ಡಿಜಿಟಲೀಕರಿಸುವ ಮತ್ತು ಆರ್ಕೈವ್ ಮಾಡುವ ಯೋಜನೆಯನ್ನು ನಾವು ಹೊಂದಿದ್ದೇವೆ ಎಂದು ಆಯುಕ್ತರು ಹೇಳಿದರು.
ಸಾರ್ವಜನಿಕರಿಗೆ ಒದಗಿಸುವ ಮಾಹಿತಿಯಲ್ಲಿ ಪಾರದರ್ಶಕತೆ ಮತ್ತು ನಿಖರತೆಯೊಂದಿಗೆ ಸರ್ಕಾರದ ಆಡಳಿತವನ್ನು ವೇಗಗೊಳಿಸುವ ಮಹತ್ತರ ಉದ್ದೇಶ ಇದಾಗಿದೆ. ತಂತ್ರಜ್ಞಾನವನ್ನು ಪರಿಣಾಮಕಾರಿಯಾಗಿ ಬಳಸಿಕೊಳ್ಳೂವುದರಲ್ಲಿ ಕರ್ನಾಟಕ ಸರ್ಕಾರ ಮುಂಚೂಣಿಯಲ್ಲಿದೆ. ಅದರ ನಿದರ್ಶನವಾಗಿ ಇ-ಆಡಳಿತ ಕೇಂದ್ರದ ಮೂಲಕ ಸಿಬ್ಬಂದಿ ಮತ್ತು ಆಡಳಿತ ಸುಧಾರಣೆಗಳ ಇಲಾಖೆ ಈ ಹೊಸ ನಾಗರಿಕ ಪೋರ್ಟಲ್ ಅನ್ನು ಪ್ರಕಟಿಸಿದೆ.
Click it and Unblock the Notifications
Sign in with Google