ಚುನಾವಣಾ ಕರ್ತವ್ಯದಲ್ಲಿ ಏನು ಮಾಡಬೇಕು, ಏನು ಮಾಡಬಾರದು ಎಂಬುದು ನಿಮಗೆ ತಿಳಿದಿದೆಯೇ?

ಬೆಂಗಳೂರು, ಏಪ್ರಿಲ್. 12: ರಾಜ್ಯದಲ್ಲಿ ಎರಡು ಹಂತಗಳಲ್ಲಿ ಲೋಕಸಭಾ ಚುನಾವಣೆ ನಡೆಯಲಿದೆ. ಏಪ್ರಿಲ್ 26 ಮತ್ತು ಮೇ 7 ರಂದು ಮತದಾನ ನಡೆಯಲಿದೆ. ಇಂದಿನಿಂದ ಎರಡನೇ ಹಂತಕ್ಕೆ ನಾಮಪತ್ರ ಸಲ್ಲಿಕೆ ಪ್ರಕ್ರಿಯೆ ಕೂಡ ಆರಂಭವಾಗಿದೆ. ಈ ಬೆನ್ನಲ್ಲೇ ಚುನಾವಣಾ ಕರ್ತವ್ಯಕ್ಕೆ ಸಾವಿರಾರು ಮಂದಿಯನ್ನು ನಿಯೋಜನೆ ಮಾಡಲಾಗಿದೆ. ಹಾಗಾದರೇ ಚುನಾವಣಾ ಕರ್ತವ್ಯದಲ್ಲಿ ಏನು ಮಾಡಬೇಕು.. ಏನು ಮಾಡಬಾರದು ಎಂಬ ಬಗ್ಗೆ ಸಂಪೂರ್ಣ ಮಾಹಿತಿ ಇಲ್ಲಿದೆ.

ಏನು ಮಾಡಬಾರದು (DON'TS)

* ಮತದಾನ ಸಾಮಗ್ರಿಗಳನ್ನು ವಿತರಿಸುವಾಗ ನೀಡುವ ಕಂಟ್ರೋಲ್ ಯುನಿಟ್‌ಗೆ ಸೀಲ್ ಮಾಡಿ ಹಾಕಿರುವ ಪಿಂಕ್ ಪೇಪರ್ ಸೀಲ್ (Pink Paper Seal) ಅನ್ನು ಡ್ಯಾಮೇಜ್ ಮಾಡಬಾರದು, ಹರಿಯಬಾರದು, ಕೀಳಬಾರದು, ಅದರ ಮೇಲೆ ಏನನ್ನೂ ಬರೆಯಬಾರದು ಹಾಗೂ ಸಹಿ ಇತ್ಯಾದಿ ಮಾಡಬಾರದು.

* ಮತದಾನ ಸಾಮಗ್ರಿಗಳನ್ನು ವಿತರಿಸುವಾಗ ನೀಡುವ ಬ್ಯಾಲೆಟ್ ಯೂನಿಟ್‌ಗೆ ಸೀಲ್ ಮಾಡಿ ಹಾಕಿರುವ ಪಿಂಕ್ ಪೇಪರ್ ಸೀಲ್ ಅನ್ನು ಡ್ಯಾಮೇಜ್ ಮಾಡಬಾರದು, ಹರಿಯಬಾರದು, ಕೀಳಬಾರದು, ಅದರ ಮೇಲೆ ಏನನ್ನೂ ಬರೆಯಬಾರದು ಹಾಗೂ ಸಹಿ ಇತ್ಯಾದಿ ಮಾಡಬಾರದು.

* ಮತದಾನ ಸಾಮಗ್ರಿಗಳನ್ನು ವಿತರಿಸುವಾಗ ನೀಡುವ ಕಂಟ್ರೋಲ್ ಯುನಿಟ್‌, ಬ್ಯಾಲೆಟ್ ಯೂನಿಟ್‌ ಮತ್ತು VVPAT ಗೆ ಈಗಾಗಲೇ ಸೀಲ್ ಮಾಡಿ ಹಾಕಿರುವ ಅಡ್ರೆಸ್ ಟ್ಯಾಗುಗಳನ್ನು ಡ್ಯಾಮೇಜ್ ಮಾಡಬಾರದು, ಹರಿಯಬಾರದು. ಕೀಳಬಾರದು, ಅದರ ಮೇಲೆ ಏನನ್ನೂ ಬರೆಯಬಾರದು ಹಾಗೂ ಸಹಿ ಇತ್ಯಾದಿ ಮಾಡಬಾರದು.

* ಮತದಾನದ ಹಿಂದಿನ ದಿನ ಮತ್ತು ಅಣಕು ಮತದಾನಕ್ಕಿಂತ ಮುನ್ನ ಯಾವುದೇ ಕಾರಣಕ್ಕೂ ಕಂಟ್ರೋಲ್ ಯುನಿಟ್ ಮತ್ತು ಪವರ್ ಸ್ವೀಚ್ ಆನ್ ಸ್ಥಿತಿಯಲ್ಲಿ ಇರಬಾರದು.

* ಪದೇ ಪದೇ ಕಂಟ್ರೋಲ್ ಯೂನಿಟ್‌ ಅನ್ನು ಸ್ವಿಚ್ ಆಫ್ ಮತ್ತು ಆನ್ ಮಾಡಬಾರದು.

* ಮತದಾನದ ಹಿಂದಿನ ದಿನ VVPATನ್ನು EVM ಗೆ ಸಂಪರ್ಕಿಸಬಾರದು.

* ಕಂಟ್ರೋಲ್ ಯೂನಿಟ್‌ ಅನ್ನು ಸ್ವಿಚ್ ಆನ್ ಮಾಡಿಕೊಂಡು VVPATನ್ನು ಸಂಪರ್ಕಿಸಬಾರದು.

* VVPAT ಹಿಂಭಾಗದಲ್ಲಿರುವ ಪೇಪರ್ ರೋಲ್ ನಾಬ್ ನ್ನು ವರ್ಕಿಂಗ್ ಮೋಡ್ ಅಥವಾ ಅನ್ ಲಾಕ್ ಸ್ಥಿತಿಗೆ ತರದೆ ಸಿಯು ಪವರ್ ಸ್ವಿಚ್ ಆನ್ ಮಾಡಬಾರದು.

* ಕನೆಕ್ಟರ್ ಗಳ ಮೇಲಿರುವ ಕ್ಲಿಪ್ ಗಳನ್ನು ಒತ್ತದೆ ಕೇಬಲ್ ಗಳನ್ನು ಎಳೆದು ತೆಗೆಯಬಾರದು.

*ಸಿಯುನಲ್ಲಿ ಪ್ರಿಂಟರ್ ಎರರ್ ಎಂಬ ಸಂದೇಶ ಇದ್ದಾಗ ಮತದಾನ ಪ್ರಾರಂಭಿಸಬಾರದು ಮತ್ತು ಮುಂದುವರಿಸಬಾರದು.

* ಮತದಾನ ಮುಕ್ತಾಯವಾಗುವವರೆಗೂ VVPAT ನ ನಾಬ್ ನ್ನು ಚಾಲನೆ ಮಾಡಬಾರದು.

* ನೈಜ ಮತದಾನದ ಸಂದರ್ಭದಲ್ಲಿ ಯಾವುದೇ ಕಾರಣಕ್ಕೂ PRO ಒಬ್ಬರೇ ವೋಟಿಂಗ್ ಕಂಪಾರ್ಟ್ ಮೆಂಟ್ ಒಳಗೆ ಪ್ರವೇಶಿಸಬಾರದು.

* ನೈಜ ಮತದಾನದ ಸಂದರ್ಭದಲ್ಲಿ VVPAT ನಲ್ಲಿ ಸ್ಲಿಪ್ ಮುದ್ರಿತಗೊಂಡು ತುಂಡಾಗದೇ ನೇತಾಡುತ್ತಿದ್ದರೆ, ಅದನ್ನು ಕಂಪಾರ್ಟ್ ಮೆಂಟ್ ಒಳಗೆ ಬೀಳಿಸಲು ಯಾವುದೇ ಪ್ರಯತ್ನ ಮಾಡಬಾರದು.

*ಕಂಟ್ರೋಲ್ ಯೂನಿಟ್‌ ಹಿಂಭಾಗದ Power Switch ಕಂಪಾರ್ಟ್ ಮೆಂಟನ್ನು ವ್ಯಾಕ್ಸ್ ನಿಂದ ಮೊಹರು ಮಾಡಬಾರದು.

* EVM ಮತ್ತು VVPAT ಗಳಲ್ಲಿ ಏನಾದರೂ ಸಮಸ್ಯೆ ಉದ್ಭವಿಸಿ ಕಾರ್ಯನಿರ್ವಹಿಸುತ್ತಿಲ್ಲ ಎನ್ನುವ ಸಂದರ್ಭದಲ್ಲಿ ರಿಪೇರಿ ಮಾಡಲು ಮುಂದಾಗಬಾರದು.

* ನೈಜ ಮತದಾನದ ಸಂದರ್ಭದಲ್ಲಿ VVPAT ಕಾರ್ಯನಿರ್ವಹಿಸುತ್ತಿಲ್ಲ ಎಂಬ ಕಾರಣಕ್ಕಾಗಿ ಅದನ್ನು ಬದಲಾಯಿಸಿದಲ್ಲಿ ಮಾಕ್ ಪೋಲ್ ಮಾಡಬಾರದು.

* ನೈಜ ಮತದಾನದ ಸಂದರ್ಭದಲ್ಲಿ ಅಂದರೆ ಮತದಾನ ಮುಕ್ತಾಯಕ್ಕೆ ಮುನ್ನ ಕಂಟ್ರೋಲ್ ಯೂನಿಟಟ್‌ನ ಕ್ಲೋಸ್ ಬಟನ್ ನ್ನು ಯಾವುದೇ ಕಾರಣಕ್ಕೂ ಒತ್ತಬಾರದು. [ಮತಗಟ್ಟೆಯೊಳಗೆ ಮತಯಂತ್ರ ವಶಪಡಿಸಿಕೊಳ್ಳುವಂತಹ ಸಂದರ್ಭಗಳನ್ನು ಹೊರತುಪಡಿಸಿ]

* ಮತದಾರರ ಅರ್ಹತೆ ಮತ್ತು ವಯಸ್ಸಿನ ಕುರಿತು PRO ವಿಚಾರಣೆ ಮಾಡಬಾರದು.

* ಟೆಂಡ‌ರ್ ಮತದಾರರ ವಿವರಗಳನ್ನು ಮತದಾರರ ರಿಜಿಸ್ಟರ್ 17A ನಲ್ಲಿ ದಾಖಲಿಸಬಾರದು.

* ಟೆಂಡ‌ರ್ ಮತದಾರನಿಗೆ EVM ನಲ್ಲಿ ಮತ ಹಾಕಲು ಅವಕಾಶ ನೀಡಬಾರದು.

* ಮತಗಟ್ಟೆಗೆ ಮತದಾರನು ಹಾಜರಾಗಿ ಮತದಾನ ಮಾಡಲು ನಿರಾಕರಿಸಿದರೆ, ಮತದಾನ ಮಾಡುವಂತೆ ಒತ್ತಾಯ ಮಾಡಬಾರದು.

* ಗುರುತು ಮಾಡಿದ ಮತದಾರರ ಪಟ್ಟಿಯಲ್ಲಿ PB ಎಂದು ಗುರುತು ಮಾಡಿರುವ ಮತದಾರರಿಗೆ ಮತಗಟ್ಟೆಯಲ್ಲಿ ಮತದಾನ ಮಾಡಲು ಅವಕಾಶವಿಲ್ಲ. ಹಾಗೆ ಅಂತಹ ಮತದಾರರು ಬಂದಲ್ಲಿ ಮತದಾನ ಮಾಡಿಸಬಾರದು.

ಏನು ಮಾಡಬೇಕು (DO's)

* VVPAT ಸೂಕ್ಷ್ಮ ಯಂತ್ರವಾಗಿದ್ದು, ಯಾವುದೇ ಕಾರಣಕ್ಕೂ ಯಾವುದೇ ಸಂದರ್ಭದಲ್ಲೂ ಅದರ ಮೇಲೆ ನೇರವಾಗಿ ಬೆಳಕಿನ ಕಿರಣಗಳು ಬೀಳದಂತೆ ಎಚ್ಚರ ವಹಿಸಲೇಬೇಕು.

* ಮತದಾನ ದಿನದಂದು ಬೆಳಗ್ಗೆ 5.30ಕ್ಕೆ ಅಣಕು ಮತದಾನ ಪ್ರಾರಂಭಿಸಲೇಬೇಕು.

* ಅಣಕು ಮತದಾನ ಪ್ರಾರಂಭದಲ್ಲಿ, EVM ನಲ್ಲಿ ಯಾವುದೇ ಮತ ದಾಖಲಾಗಿಲ್ಲ, VVPATನ ಸ್ಕ್ರಿಪ್ ಕಂಪಾರ್ಟ್ ಮೆಂಟ್ ಖಾಲಿ ಇದೆ, ಮತದಾರರ ರಿಜಿಸ್ಟರ್ 17A ನಲ್ಲಿ ಯಾವುದೇ ಬರವಣಿಗೆ ಮಾಡಿಲ್ಲ ಖಾಲಿ ಇದೆ ಎಂಬ ಅಂಶಗಳನ್ನು ಪೋಲಿಂಗ್ ಏಜೆಂಟರಿಗೆ ತೋರಿಸಿ ಖಾತ್ರಿಪಡಿಸಲೇಬೇಕು.

*ಅಣಕು ಮತದಾನದ ಸಂದರ್ಭದಲ್ಲಿ BUನ ಪಟ್ಟಿಯಲ್ಲಿರುವ ಪ್ರತಿಯೊಬ್ಬ ಅಭ್ಯರ್ಥಿಗೆ [NOTA ಸೇರಿದಂತೆ] ಕನಿಷ್ಟ ಒಂದು ಮತವನ್ನು ಚಲಾಯಿಸಲೇಬೇಕು.

* ಅಣಕು ಮತದಾನದ ಸಂದರ್ಭದಲ್ಲಿ ಒಟ್ಟಾರೆಯಾಗಿ 50 ಮತಗಳನ್ನು ಚಲಾಯಿಸಲೇಬೇಕು.

* ಅಣಕು ಮತದಾನದ ಸಂದರ್ಭದಲ್ಲಿ NOTA ಸೇರಿದಂತೆ ಪ್ರತಿಯೊಬ್ಬ ಉಮೇದುವಾರರಿಗೆ ಮತಗಳನ್ನು ದಾಖಲು ಮಾಡಲು ಪೋಲಿಂಗ್ ಅಧಿಕಾರಿಗಳು/ ಸ್ಪರ್ಧಿಸಿರುವ ಉಮೇದುವಾರರು/ ಪೋಲಿಂಗ್ ಏಜೆಂಟರ ನೆರವನ್ನು ಪಡೆದು ಅಣಕು ಮತದಾನ ನಡೆಸಬೇಕು.

* ಅಣಕು ಮತದಾನ ಮುಗಿದ ಮೇಲೆ ಕಂಟ್ರೋಲ್ ಯೂನಿಟ್‌ ನಲ್ಲಿ ಪ್ರದರ್ಶಿತವಾಗುವ ಫಲಿತಾಂಶದೊಂದಿಗೆ VVPAT Slip ಗಳನ್ನು ತಾಳೆ ಮಾಡಲೇಬೇಕು.

* ಅಣಕು ಮತದಾನದ ಪ್ರಕ್ರಿಯೆಯ ನಂತರ CLEAR ಬಟನ್ ಒತ್ತಲೇಬೇಕು.

* ಅಣಕು ಮತದಾನದ ನಂತರ EVM ಮತ್ತು VVPAT ಸೀಲ್ ಮಾಡುವ ಮೊದಲು ಕಂಟ್ರೋಲ್ ಯೂನಿಟ್‌ನ ಪವರ್ ಸ್ವಿಚ್ ಆಫ್ ಮಾಡಲೇಬೇಕು.

* ಅಂತಿಮವಾಗಿ TOTAL ಬಟನ್ ಒತ್ತಿ ಕಂಟ್ರೋಲ್ ಯೂನಿಟ್ ನಲ್ಲಿ ದಾಖಲಾಗಿರುವ ಮತಗಳು '0' (ಸೊನ್ನೆ) ಎಂಬುದನ್ನು ಖಾತ್ರಿಪಡಿಸಿಕೊಳ್ಳಲೇಬೇಕು.

*ನೈಜ ಮತದಾನದ ಸಂದರ್ಭದಲ್ಲಿ EVM ಕಾರ್ಯನಿರ್ವಹಿಸುತ್ತಿಲ್ಲ ಎಂಬ ಕಾರಣಕ್ಕಾಗಿ ಅದನ್ನು ಬದಲಾಯಿಸಿದಲ್ಲಿ ಮಾಕ್ ಪೋಲ್ ಮಾಡಲೇಬೇಕು [NOTA ಸೇರಿದಂತೆ)

* ನೈಜ ಮತದಾನವನ್ನು ಬೆಳಗ್ಗೆ 7.00 ಗಂಟೆಗೆ ಪ್ರಾರಂಭಿಸಲೇಬೇಕು.

* ನೈಜ ಮತದಾನ ಮುಕ್ತಾಯವಾದ ಮೇಲೆ ಕಂಟ್ರೋಲ್ ಯೂನಿಟ್‌ನ ಕ್ಲೋಸ್ ಬಟನ್ ಒತ್ತಲೇಬೇಕು. ನಂತರ ಕಂಟ್ರೋಲ್ ಯೂನಿಟ್‌ನ ಪವರ್ ಸ್ವೀಚ್ ಆಫ್ ಮಾಡಲೇಬೇಕು.

English summary

Lok sabha election 2024: What are the Do's and Don'ts in election duty. Know more details here.