ನೀವು ಬೆಂಗಳೂರು ಮೇಯರ್ ಆದರೆ? ಲೇಖನ ಸ್ಪರ್ಧೆ, ಬಹುಮಾನ ಗೆಲ್ಲಿ

ಬೆಂಗಳೂರು, ಸೆಪ್ಟೆಂಬರ್ 26 : ಸಿಟಿಜನ್ ಮ್ಯಾಟರ್ಸ್ ಹಾಗೂ ಅಪಾರ್ಟ್ ಮೆಂಟ್ ಅಡ್ಡಾ ಜಂಟಿಯಾಗಿ ಸ್ಪರ್ಧೆಯೊಂದನ್ನು ಆಯೋಜಿಸಿದೆ. "ನಾನು ಬೆಂಗಳೂರು ಮೇಯರ್ ಆದರೆ" ಎಂಬ ವಿಷಯದ ಬಗ್ಗೆ ಲೇಖನ ಆಹ್ವಾನಿಸಲಾಗಿದೆ. ಬೆಂಗಳೂರಿಗರು ಈ ವಿಚಾರದ ಬಗ್ಗೆ ಬರೆಯಬಹುದು.

* ವಾಸ್ತವದಲ್ಲಿ ಜಾರಿ ಮಾಡಲು ಸಾಧ್ಯವಿರುವ ಆಲೋಚನೆಗಳ ಬಗ್ಗೆ, ಬೆಂಗಳೂರು ನಗರವನ್ನು ಉತ್ತಮಪಡಿಸುವಂಥ ಯೋಜನೆಗಳ ಬಗ್ಗೆ ಹಂಚಿಕೊಳ್ಳಬಹುದು

* ಮೇಯರ್ ಅಧಿಕಾರ ವ್ಯಾಪ್ತಿ ಹಾಗೂ ಆ ಸ್ಥಾನದ ಮಿತಿಗಳನ್ನು ಅರಿತುಕೊಂಡಿರಬೇಕು. ಅವರ ಅಧಿಕಾರ ವ್ಯಾಪ್ತಿಯ ಅಡಿಯಲ್ಲಿ ಬರುವ ಅಧಿಕಾರಿಗಳ ಬಗ್ಗೆಯೂ ಗಮನದಲ್ಲಿರಲಿ

* ನಿಮ್ಮ ವಾದಕ್ಕೆ ಪುಷ್ಟಿ ನೀಡುವಂತಹ ಉದಾಹರಣೆ, ಅಂಕಿ- ಅಂಶಗಳು ಸಹ ಒಳಗೊಂಡಿರಲಿ

* ಸರಳ ಹಾಗೂ ಸಂಕ್ಷಿಪ್ತವಾಗಿರಲಿ ಬರವಣಿಗೆ

ಕನ್ನಡ ಹಾಗೂ ಇಂಗ್ಲಿಷ್ ನಲ್ಲಿ ಈ ಸ್ಪರ್ಧೆ ಇರುತ್ತದೆ. ಎರಡೂ ಭಾಷೆಯಿಂದ ತಲಾ ಒಬ್ಬರು ವಿಜೇತರಿಗೆ ಬಹುಮಾನ ನೀಡಲಾಗುತ್ತದೆ. ಹದಿನೈದು ವರ್ಷ ಮೇಲ್ಪಟ್ಟ ಬೆಂಗಳೂರಿಗರು ಈ ಸ್ಪರ್ಧೆಯಲ್ಲಿ ಭಾಗವಹಿಸಬಹುದು.

ಲೇಖನಕ್ಕೆ ಮಾರ್ಗದರ್ಶಿ ಸೂತ್ರಗಳು

*ಲೇಖನವು 800 ರಿಂದ 1200 ಪದಗಳ ಮಿತಿಯಲ್ಲಿರಲಿ

* ಪ್ರವೇಶ ಮಾಹಿತಿ ಇಂಗ್ಲಿಷ್ ಅಥವಾ ಕನ್ನಡದಲ್ಲಿರಲಿ

* ಒಬ್ಬರಿಗೆ ಒಂದು ಲೇಖನಕ್ಕೆ ಮಾತ್ರ ಅವಕಾಶ

* ಆನ್ ಲೈನ್ ಮೂಲಕ ಲೇಖನ ಸಲ್ಲಿಸಬೇಕು

* ಲೇಖನವು ಅನುವಾದ ಮಾಡಿರುವಂಥದ್ದು ಅಥವಾ ಬೇರೆ ಲೇಖನದಿಂದ ತೆಗೆದುಕೊಂಡಿರಬಾರದು

* ಲೇಖನವನ್ನು ಸಲ್ಲಿಸುವ ಮುಂಚೆ ಸ್ಪರ್ಧೆಯ ನಿಯಮ ಹಾಗೂ ಷರತ್ತುಗಳನ್ನು ಓದಿಕೊಂಡಿರಬೇಕು.

ಲೇಖನವನ್ನು ಆನ್ ಲೈನ್ ಮೂಲಕ ಸಲ್ಲಿಸಲು ಸೆಪ್ಟೆಂಬರ್ 28, 2017 ಕೊನೆ ದಿನ. ಲೇಖನವನ್ನು ಸಲ್ಲಿಸಲು ಇಲ್ಲಿ ಕ್ಲಿಕ್ ಮಾಡಿ.

English summary

Citizen Matters presents a contest for all enthusiastic writers of Bengaluru. Write an article on what you’d do if you were the Mayor to make a difference to Bengaluru. In either Kannada or English.