ಜಯನಗರ ಜಿನಮಂದಿರದಲ್ಲಿ ಚಾತುರ್ಮಾಸ ಕಾರ್ಯಕ್ರಮ ಆರಂಭ

By Vanitha

Updated: Tuesday, August 11, 2015, 19:39 [IST]

ಬೆಂಗಳೂರು, ಆಗಸ್ಟ್, 11 : ಪರಮ ಪೂಜ್ಯ 108 ಬಾಲಾಚಾರ್ಯಶ್ರೀ ಸಿದ್ಧಸೇನ ಮಹಾರಾಜರು ಹಾಗೂ ಪರಮ ಪೂಜ್ಯ 108 ಮುನಿಶ್ರೀ ವೀರಸಾಗರ ಮಹಾರಾಜರ ಸಾರಥ್ಯದಲ್ಲಿ 2015ರ ಚಾತುರ್ಮಾಸ ಕಾರ್ಯಕ್ರಮ ಜರುಗುತ್ತಿದೆ.

ಚಾತುರ್ಮಾಸ ಕಾರ್ಯಕ್ರಮವು ತ್ಯಾಗಿ ಸೇವಾ ಟ್ರಸ್ಟ್ ಹಾಗೂ ಚಕ್ರೇಶ್ವರ ಮಹಿಳಾ ಸಮಾಜದ ಸಹಯೋಗದಲ್ಲಿ ನಡೆಯುತಿದ್ದು, ಜಯನಗರದ ಜಿನ ಮಂದಿರದಲ್ಲಿ ಪ್ರತಿ ಶನಿವಾರ ಮತ್ತು ಭಾನುವಾರ ವಿಶೇಷ ಕಾರ್ಯಕ್ರಮಗಳು ಹಮ್ಮಿಕೊಳ್ಳಲಾಗಿದೆ.[ಜೈನರ ಸಲ್ಲೇಖನ ವ್ರತ ಕಾನೂನುಬಾಹಿರ ಆಚರಣೆಯಂತೆ!]

Chaturmaasa programme started on Bengaluru Jayanagara digambara jain mandir

ಈ ವರ್ಷದ ಚಾತುರ್ಮಾಸವು ಜುಲೈ27 ರ ಸೋಮವಾರದಿಂದ ಆರಂಭವಾಗಿದ್ದು, ನವೆಂಬರ್ 8ರ ಮಂಗಳವಾರ ಮುಕ್ತಾಯವಾಗಲಿದೆ. ದಿನಾಂಕ 15ರ ಶನಿವಾರ ಮಧ್ಯಾಹ್ನ 2 ರಿಂದ ಸಂಜೆ 6 ರವರೆಗೆ ಜೈನ ಯುವ ಸಮಾವೇಶ ಕಾರ್ಯಕ್ರಮ ಜಯನಗರದ ಆಚಾರ್ಯ ಶ್ರೀ ಶಾಂತಿನಗರ ಸಭಾ ಮಂಟಪದಲ್ಲಿ ನಡೆಯಲಿದ್ದು, ಶ್ರವಣ ಬೆಳಗೊಳದ ಮಾಸ ಪತ್ರಿಕೆ, ಗೊಮ್ಮಟವಾಣಿಯ ಸಂಪಾದಕರಾದ ಎಸ್. ಎನ್ ಅಶೋಕ್ ಕುಮಾರ್ ಮುಖ್ಯ ಅತಿಥಿಗಳಾಗಿ ಆಗಮಿಸಲಿದ್ದಾರೆ.

ಚಾತುರ್ಮಾಸ 2015 ರ ಧಾರ್ಮಿಕ ಕಾರ್ಯಕ್ರಮಗಳು:

* ಆಗಸ್ಟ್ 15 - ಸ್ವಾತಂತ್ರ್ಯ ದಿನಾಚರಣೆ

* ಆಗಸ್ಟ್ 21 - ಮುಕುಟ ಸಪ್ತಮಿ

* ಆಗಸ್ಟ್ 29 - ರಕ್ಷಾ ಬಂಧನ

* ಸೆಪ್ಟೆಂಬರ್ 14 - ಷೋಡಶಭಾವನ ವ್ರತಾರಂಭ

* ಸೆಪ್ಟೆಂಬರ್ 18 - ದಶಲಕ್ಷಣ ವ್ರತಾರಂಭ

* ಸೆಪ್ಟೆಂಬರ್ 26 - ಶ್ರೀಮದನಂತ ವ್ರತಾರಂಭ- ತ್ರಯೋದಶಿ

* ಸೆಪ್ಟೆಂಬರ್ 27 - ಶ್ರೀಮದನಂತ ತೀರ್ಥಂಕರರ ವ್ರತ ಚತುರ್ದಶಿ

* ಸೆಪ್ಟೆಂಬರ್ 28 - ಕ್ಷಮಾವಳಿ

* ಅಕ್ಟೋಬರ್‌ 4 - ಸಾಮೂಹಿಕ ಕ್ಷಮಾವಳಿ

* ಅಕ್ಟೋಬರ್ 13 - ಶರನ್ನವರಾತ್ರಿ ಪ್ರಾರಂಭ

* ಅಕ್ಟೋಬರ್ 23 - ವಿಜಯದಶಮಿ