Nano Travels: ಬೆಂಗಳೂರು ಚಾಲಕನಿಂದ ಸ್ವಂತ ಟ್ಯಾಕ್ಸಿ ಸೇವೆ ಆರಂಭ, ಆಪ್‌ ಬಿಡುಗಡೆ, 600 ಡ್ರವೈರ್ಸ್ ನೋಂದಣಿ, ಹೇಗಿದೆ? ತಿಳಿಯಿರಿ

Updated: Wednesday, December 27, 2023, 7:31 [IST]

ಬೆಂಗಳೂರು, ಡಿಸೆಂಬರ್ 26: ರಾಜಧಾನಿ ಬೆಂಗಳೂರು ಈಗಾಗಲೇ ಲಕ್ಷಾಂತರ ವಾಹನಗಳಿಂದ ತುಂಬಿ ಹೋಗಿದ್ದು, ಇದೀಗ ಹೊಸದಾಗಿ ಊಲಾ, ಉಬರ್‌ಗೆ ಪೈಪೋಟಿ ಒಡುತ್ತಿರುವ ಹೊಸ ಖಾಸಗಿ ಸಾರಿಗೆ ಸೇವೆ 'ನ್ಯಾನೋ ಟ್ರಾವೆಲ್' ಅನ್ನು (Nano Travel in Bengaluru) ಬೆಂಗಳೂರು ಸ್ವಾಗತಿಸಿದೆ. ಈ ಮೂಲಕ ಸದಾ ಟ್ರಾಫಿಕ್ ನಿಂದ ಗಯ್‌ಗುಡುವ ಪೀಕ್ ಬೆಂಗಳೂರಿನ ಸಾಲಿಗೆ ಮತ್ತೊಂದು ಸೇವೆ ಸೇರ್ಪಡೆ ಆಗಿದೆ.

Peak Bengaluru: Mr Lokesh my uber cab driver informed me that he has launched his own app to compete with uber and ola and already has more than 600 drivers on his app.
Moreover, today they launched their IOS version for apple too. #Bengaluru #peakbengaluru @peakbengaluru pic.twitter.com/IGdiWItPG4
— The Bengaluru Man (@BetterBengaluro)

'ನ್ಯಾನೋ ಟ್ರಾವೆಲ್' ಆರಂಭಿಸಿರುವ ಊಲಾ ಕ್ಯಾಬ್ ಚಾಲಕ ಲೋಕೇಶ್ ಅವರ ಹೊಸ ಪ್ರಯಾಣ ಸೇವೆ ಪಡೆದ ಅನುಭವವನ್ನು ಹಂಚಿಕೊಂಡಿದ್ದಾರೆ. ಬೆಂಗಳೂರಿನ ಪೀಕ್ ಕ್ಷಣಕ್ಕೆ ಮತ್ತೊಂದು ಸೇರ್ಪಡೆ ಆಗಿದೆ. ಲೋಕೇಶ್ ಅವರು ನ್ಯಾನೋ ಟ್ರಾವೆಲ್ ಆಪ್ ಲಾಂಚ್ ಮಾಡಿದ್ದಾರೆ ಎಂದು 'ದಿ ಬೆಂಗಳೂರು ಮ್ಯಾನ್' ಪೋಸ್ಟ್ ತಿಳಿಸಿದೆ. ಜೊತೆಗೆ ಅವರು ಟ್ರಾವೆಲ್ ಮಾಹಿತಿ ಫೋಟೋ ಶೇರ್ ಮಾಡಿದ್ದಾರೆ.

600 ಕ್ಯಾಬ್ ನೋಂದಣಿ, ಐಒಎಸ್ ವರ್ಷನ್ ಲಾಂಚ್

ಈ ನ್ಯಾನೋ ಟ್ರಾವೆಲ್ ಆಫ್ ಗೆ ಸುಮಾರು 600 ಮಂದಿ ಕ್ಯಾಬ್ ಚಾಲಕರು ಸೇವೆ ನೀಡಲು ನೋಂದಾಯಿಸಿಕೊಂಡಿದ್ದಾರೆ. ಕೇವಲ ಆಂಡ್ರಾಯ್ಡ್ ಫೋನ್‌ಗೆ ಸೀಮೀತವಾಗಿದ್ದ ಆಪ್ ಅನ್ನು ಐಫೋನ್ ಬಳಕೆದಾರರಿಗೂ ಲಭ್ಯವಾಗುವಂತೆ ಇದೇ ಕಳೆದ ಡಿಸೆಂಬರ್ 20ರಂದು IOS ವರ್ಷನ್ ಅನ್ನು ಬಿಡುಗಡೆ ಮಾಡಿದ್ದಾರೆ ಎಂದು 'ದಿ ಬೆಂಗಳೂರು ಮ್ಯಾನ್' ಮಾಹಿತಿ ನೀಡಿದ್ದಾರೆ.

ಬೆಂಗಳೂರಿನಲ್ಲಿ ಈ ಮೂಲಕ ಚಾಲಕ ಲೋಕೇಶ್ ಅವರು ಊಬರ್, ಓಲಾ ಟ್ಯಾಕ್ಸಿಗಳಿಗೆ ಸೆಡ್ಡು ಹೊಡೆಯಲಿದ್ದಾರೆ. ಮುಂದಿನ ದಿನಗಳಲ್ಲಿ ಆಟೋ, ಟ್ಯಾಕ್ಸಿ, ಕ್ಯಾಬ್‌ಗಳು ಸೇರಿದಂತೆ ಈ ಅಗ್ರಿಗೇಟರ್‌ಗಳು ಮನಬಂದಂತೆ ಬಾಡಿಗೆಗೆ ಶುಲ್ಕ ವಿಧಿಸುವುದು, ರಾತ್ರಿ ವೇಳೆ ಮನ ಬಂದ ಬಾಡಿಗೆ ವಸೂಲಿಗೆ ಕಡಿವಾಣ ಬೀಳುವ ಸಾಧ್ಯತೆ ಇದೆ.

ಪ್ಲೇ ಸ್ಟೋರ್ ನಲ್ಲಿ 'ನ್ಯಾನೋ ಟ್ರಾವೆಲ್' ಆಪ್

ಬೆಂಗಳೂರಿನಾದ್ಯಂತ ಸೇವೆಗೆ ಸಜ್ಜಾಗಿರುವ ಈ ನ್ಯಾನೋ ಟ್ರಾವೆಲ್ ಆಪ್ ಪ್ಲೇ ಸ್ಟೋರ್ ನಲ್ಲಿ ಲಭ್ಯ ಇದ್ದು, ಆಸಕ್ತರು ಇದನ್ನು ಡೌನ್‌ಲೋಡ್ ಮಾಡಿಕೊಂಡು, ಓಲಾ, ಊಬರ್ ನಂತೆ ಬಳಕೆ ಮಾಡಬಹುದು. ಈ ಕುರಿತು ಮಾಹಿತಿಗೆ ದಿ ಬೆಂಗಳೂರು ಮ್ಯಾನ್ ಪೋಸ್ಟ್ ನೋಡಬಹುದು.

ಇತ್ತೀಚೆಗೆ ಆಟೋ ಚಾಲಕರ ಒಕ್ಕೂಟವು 'ನಮ್ಮ ಯಾತ್ರಿ' ಆರಂಭಿಸಿದೆ. ಈಗಾಗಲೇ ಆಪ್ ಅನ್ನು ಸಹ ಬಿಡುಗಡೆ ಮಾಡಿದೆ. ಇದರೊಂದಿಗೆ ಆಟೋ ಚಾಲಕರ ತಂಡ ಹೊಸದಾಗಿ ಬಿಎಂಆರ್‌ಸಿಎಲ್ ಜೊತೆಗೆ ಸಹಕಾರದೊಂದಿಗೆ 'ಮೆಟ್ರೋ ಮಿತ್ರ' ಆಫ್ ಜಾರಿಗೆ ತಂದಿದೆ.

ಈ ಮೇಲಿನ ಎಲ್ಲರೂ ಇಂಧನ ದರ ವೆಚ್ಚಗಳ ಹೆಚ್ಚಳದಿಂದ ಆರ್ಥಿಕ ತೊಂದರೆಗೆ ಈಡಾಗಿದ್ದಾರೆ. ಇಂಧನ ದರ ಏರಿಕೆಯು ನೇರವಾಗ ಸಾರ್ವಜನಿಕರ ಮೇಲೆ ಬೀಳುತ್ತದೆ. ಆದ್ದರಿಂದ ಆಟೋ, ಕ್ಯಾಬ್, ಟ್ಯಾಕ್ಸಿ ಮಾಲೀಕರು ಸರ್ಕಾರದಿಂದ ಇಂಧನ ದರ ಪರಿಷ್ಕರಣೆ (ಕಡಿಮೆ) ಎದುರು ನೋಡುತ್ತಿದ್ದಾರೆ.