27ನೇ ವಾರದಲ್ಲಿ ಜನನ- 5 ತಿಂಗಳು ಆಸ್ಪತ್ರೆಯಲ್ಲಿ ಆರೈಕೆ, ಸಾವನ್ನೇ ಗೆದ್ದು ಬಂದ ಮಗು

ಬೆಂಗಳೂರು ಏಪ್ರಿಲ್ 10: ಅವಧಿಪೂರ್ವ ಜನಿಸಿದ ಮಗುವೊಂದು ಸಾವನ್ನೇ ಗೆದ್ದು ಬಂದ ಹೃದಯವಿದ್ರಾವಕ ಕತೆ ಇದು. 27ನೇ ವಾರದಲ್ಲಿ ಜನಿಸಿ 5 ತಿಂಗಳು ಬೆಂಗಳೂರು ಆಸ್ಪತ್ರೆಯಲ್ಲಿ ಆರೈಕೆ ಪಡೆದ ನಂತರ ಮಗುವೊಂದು ಮರುಜನ್ಮವನ್ನು ಪಡೆದುಕೊಂಡಿದೆ.

ಈ ಮಗುವಿನ ಹೆಸರು ಅದ್ವಿಕ್. ಆಗಸ್ಟ್ 10, 2022 ರಂದು ಜನ್ಮ ತಾಳಿತು. ಕೇವಲ 27 ನೇ ವಾರದಲ್ಲಿ ಜಗತ್ತನ್ನು ಕಂಡ ಈ ಮಗು ಜನಿಸುವಾಗ ಅಂಗೈ ಗಾತ್ರದಷ್ಟಿತ್ತು. ಹುಟ್ಟಿದಾಗ ಕೇವಲ 550 ಗ್ರಾಂ ತೂಕವಿದ್ದ ಅದ್ವಿಕ್ ಅವರನ್ನು NICU ಗೆ ಸ್ಥಳಾಂತರಿಸಲಾಯಿತು. ಅದ್ವಿಕ್ ಜನಿಸಿದ ದಿನವೇ ಸೋಂಕು ತಗುಲಿತು. ಮಗುವಿನ ಪ್ಲೇಟ್‌ಲೆಟ್‌ಗಳು ಕುಸಿಯಲಾರಂಭಿಸಿದವು. ಮಾತ್ರವಲ್ಲದೆ ಇದು ಮೆದುಳಿನಲ್ಲಿ ರಕ್ತಸ್ರಾವಕ್ಕೆ ಕಾರಣವಾಯಿತು. ಬೆಂಗಳೂರಿನ ಸಕ್ರಾ ವರ್ಲ್ಡ್ ಆಸ್ಪತ್ರೆಯ ಹಿರಿಯ ಸಲಹೆಗಾರ, ಮಕ್ಕಳ ಮತ್ತು ನಿಯೋನಾಟಾಲಜಿ ಡಾ ರವಿಕಿರಣ್ ಎಸ್ ಮತ್ತು ಅವರ ತಂಡ ಸತತ ಪ್ರಯತ್ನ ಪರಿಶ್ರಮದಿಂದ ಮಗುವಿಗೆ ಚಿಕಿತ್ಸೆ ನೀಡಿ ರಕ್ಷಣೆ ಮಾಡಿದ್ದಾರೆ.

ಮಗು ಹುಟ್ಟಿದಾಗ ಕಂಡ ಹಲವು ಸಮಸ್ಯೆಗಳಿಂದಾಗಿ ಮಗುವನ್ನು ಇನ್ನೇನು ನಾವು ನೋಡಲು ಸಾಧ್ಯವಿಲ್ಲ ಎಂದುಕೊಂಡಿದ್ದ ಕುಟುಂಬಕ್ಕೆ ಆಸ್ಪತ್ರೆಯ ವೈದ್ಯರ ತಂಡ ಹೊಸ ಭರವಸೆಯನ್ನು ನೀಡಿತು. ಮಗು ಹುಟ್ಟಿ ಕ್ಷೇಮವಾಗಿ ಮನೆ ಸೇರುವತನಕ ತಾವು ಪಟ್ಟ ಶ್ರಮದ ಬಗ್ಗೆ ತಂದೆ ಪಿಯೂಷ್ ಖಂಡೇಲ್ವಾಲ್ (33) ಹಂಚಿಕೊಂಡಿದ್ದಾರೆ.

ಬಹು ಸೋಂಕುಗಳು, ರಕ್ತ ವರ್ಗಾವಣೆಗಳು, ದೀರ್ಘಕಾಲದ ವೆಂಟಿಲೇಟರ್ ಬೆಂಬಲ, ಅಂಗಗಳ ಅಪಕ್ವತೆ, ಶಸ್ತ್ರಚಿಕಿತ್ಸೆಯಿಂದ ಬದುಕುಳಿದ ಅದ್ವಿಕ್ ನಿಜಕ್ಕೂ ಪುನರ್‌ಜನ್ಮವನ್ನೇ ಪಡೆದಿದ್ದಾರೆ. ಆಸ್ಪತ್ರೆಯಲ್ಲಿ ಐದು ತಿಂಗಳ ನಂತರ, ಈ ವರ್ಷ ಜನವರಿ 5 ರಂದು ಮಗುವನ್ನು ಡಿಸ್ಚಾರ್ಜ್ ಮಾಡಲಾಗಿದೆ. ಡಿಸ್ಚಾರ್ಜ್ ಆದ ಬಳಿಕ ಮಗು ತೂಕ ಹೆಚ್ಚಾಗಿ ಸಾಮಾನ್ಯ ಬೆಳವಣಿಗೆಯನ್ನು ಕಾಣುತ್ತಿದೆ. ಸುರಕ್ಷಿತವಾಗಿ ತಾಯಿ ಖುಷ್ಬೂ ಖಂಡೇಲ್ವಾಲ್ (ಬ್ಯಾಂಕ್‌ ಉದ್ಯೋಗಿ) ಅವರ ಮಡಿಲು ಸೇರಿದೆ.

27ನೇ ವಾರದಲ್ಲಿ ಜನನ- 5 ತಿಂಗಳು ಆಸ್ಪತ್ರೆಯಲ್ಲಿ ಆರೈಕೆ

ಅದ್ವಿಕ್ ಹುಟ್ಟಿದಾಗ ಅಳಲಿಲ್ಲ. ಅವರ ಶ್ವಾಸಕೋಶಗಳು ವಿಸ್ತರಿಸಲಿಲ್ಲ ಮತ್ತು ಅದು ತಮ್ಮನ್ನು ತಾವು ಚೆನ್ನಾಗಿ ಆಮ್ಲಜನಕವನ್ನು ಹೊಂದಲು ಸಾಧ್ಯವಾಗಲಿಲ್ಲ. ಶ್ವಾಸಕೋಶಗಳು ಬಲೂನ್ ಇದ್ದಂತೆ ಎನ್ನುತ್ತಾರೆ ಡಾ.ರವಿ. "ನಮ್ಮ ಶ್ವಾಸಕೋಶದಲ್ಲಿ ಸರ್ಫ್ಯಾಕ್ಟಂಟ್ ಎಂಬ ವಸ್ತುವಿದೆ, ಇದು ಶ್ವಾಸಕೋಶವನ್ನು ತೆರೆದಿಡಲು ಸಹಾಯ ಮಾಡುತ್ತದೆ. ನಾವು ಉಸಿರಾಡುವಾಗ, ಶ್ವಾಸಕೋಶಗಳು ಬಲೂನ್‌ನಂತೆ ಉಬ್ಬುವುದಿಲ್ಲ. ಅದು ತೆರೆದಿರುತ್ತದೆ. ಆದರೆ ಪ್ರಸವಪೂರ್ವ ಶಿಶುಗಳಲ್ಲಿ, ಸರ್ಫ್ಯಾಕ್ಟಂಟ್ ಅಭಿವೃದ್ಧಿಯಾಗುವುದಿಲ್ಲ. ಅವರು ಉಸಿರಾಡುವಾಗ ಶ್ವಾಸಕೋಶಗಳು ಸುಲಭವಾಗಿ ತೆರೆದುಕೊಳ್ಳುವುದಿಲ್ಲ. ಅವರ ಶ್ವಾಸಕೋಶಗಳು ತೆರೆದುಕೊಳ್ಳಲು, ನಾವು ಈ ಶಿಶುಗಳಿಗೆ ಉಸಿರಾಟದ ಬೆಂಬಲ ವ್ಯವಸ್ಥೆಯಲ್ಲಿ ಪ್ರಾರಂಭಿಸಬೇಕು ಮತ್ತು ಅವರಿಗೆ ಕೃತಕ ಸರ್ಫ್ಯಾಕ್ಟಂಟ್ ಅನ್ನು ನೀಡಬೇಕು. ನಾವು ಅದ್ವಿಕ್ ಅನ್ನು ಎಂಡೋಟ್ರಾಶಿಯಲ್ ಟ್ಯೂಬ್‌ನಲ್ಲಿ ಇರಿಸಿದ್ದೇವೆ. ಮಗು ಈಗ ಚಿಕಿತ್ಸೆಗೆ ಬೆಂಬಲಿಸುತ್ತೇವೆ, "ಎಂದು ಡಾ ರವಿ ಅವರು ವಿವರಿಸುತ್ತಾರೆ.

ಸಾವನ್ನೇ ಗೆದ್ದು ಬಂದ ಮಗು

ಅಲ್ಲದೆ, ಅದ್ವಿಕ್‌ಗೆ ಹೀರುವ ಮತ್ತು ನುಂಗುವ ಸಾಮರ್ಥ್ಯವಿಲ್ಲದ ಕಾರಣ ಪೋಷಣೆಯು ಸವಾಲಾಗಿತ್ತು. ಅವನ ಕರುಳುಗಳು ಸಾಮಾನ್ಯವಾಗಿರಲಿಲ್ಲ. ಅವನಿಗೆ ತಾಯಿಯ ಹಾಲನ್ನು ಹೊರತುಪಡಿಸಿ ಏನನ್ನೂ ನೀಡಲಾಗಲಿಲ್ಲ. "ನಾವು ಅವನ ಪೌಷ್ಠಿಕಾಂಶವನ್ನು ಅಭಿದಮನಿ ಬೆಂಬಲದೊಂದಿಗೆ ನಿರ್ವಹಿಸಬೇಕಾಗಿತ್ತು. ಅವನ ರಕ್ತನಾಳಗಳು ತುಂಬಾ ತೆಳುವಾಗಿರುವುದರಿಂದ ಇದು ಒಂದು ಸವಾಲಾಗಿತ್ತು. ಆದ್ದರಿಂದ ನಾವು ಅವನ ಹೊಕ್ಕುಳಿನ ರಕ್ತನಾಳಗಳನ್ನು ಭದ್ರಪಡಿಸಿದ್ದೇವೆ. IV ದ್ರವಗಳು ಮತ್ತು ಮಗುವಿಗೆ ಪೋಷಣೆಗಾಗಿ ಕೆಲ ಔಷಧಿಗಳನ್ನು ಬಳಸಲಾಗುತ್ತಿತ್ತು ಮತ್ತು ಅಪಧಮನಿಗಳು ಮಗುವಿನ ಹೃದಯ ಬಡಿತ ಮತ್ತು ಬಿಪಿಯನ್ನು ಮೇಲ್ವಿಚಾರಣೆ ಮಾಡಲು ಬಳಸಲಾಗುತ್ತಿತ್ತು."

ಅದ್ವಿಕ್ ಅನ್ನು ಪಾಲಿಥಿನ್ ಕವರ್‌ನಲ್ಲಿ ಮುಚ್ಚಲಾಗಿತ್ತು. ಈ ಎಲ್ಲಾ ಚಿಕಿತ್ಸೆಯ ನಡುವೆ ಮಗುವಿನ ತಾಪಮಾನವನ್ನು ಕಾಪಾಡಿಕೊಳ್ಳುವುದು ಸಹ ಮುಖ್ಯವಾಗಿತ್ತು. ಉಸಿರಾಟ, ಹೃದಯ ಬಡಿತ, ಮೂತ್ರ, ಮಲ, ಸೇವನೆಯನ್ನು ಪ್ರತಿ ಗಂಟೆಗೆ ಮೇಲ್ವಿಚಾರಣೆ ಮಾಡಬೇಕಾಗಿತ್ತು.

ಮಗುವಿಗೆ ಕೆಲ ಸಮಸ್ಯೆಗಳು ಹೊಟ್ಟೆಯಲ್ಲಿರುವಾಗಲೇ ವೈದ್ಯರಿಗೆ ತಿಳಿದಿತ್ತು. ಖುಷ್ಬೂ ಖಂಡೇಲ್ವಾಲ್ ಅವರು ಆಗಸ್ಟ್ 5, 2022 ರಂದು ಸಕ್ರಾ ಆಸ್ಪತ್ರೆಯಲ್ಲಿ ತನ್ನ ದಿನನಿತ್ಯದ ಗರ್ಭಧಾರಣೆಯ ಸ್ಕ್ಯಾನ್‌ಗೆ ಹೋಗಿದ್ದರು. ಆಗ ವೈದ್ಯರು "ಮಗುವಿಗೆ ಜರಾಯು (ಗರ್ಭಕೋಶದ ಕೊರತೆ) ಸಮಸ್ಯೆ ಇದೆ ಎಂದು ನಮಗೆ ಹೇಳಿದರು. ಏಕೆಂದರೆ ನಮ್ಮ ಮಗುವಿಗೆ ಸಾಕಷ್ಟು ರಕ್ತ ಪೂರೈಕೆಯಾಗುತ್ತಿಲ್ಲ. ಮಗು ಬೆಳವಣಿಗೆ ಇದು ತೊಂದರೆಯಾಗುತ್ತದೆ ಎಂದು ವೈದ್ಯರಯ ಹೇಳಿದ್ದರು" ಎಂದು ಅವರು ನೆನಪಿಸಿಕೊಳ್ಳುತ್ತಾರೆ. ಆದರೂ ಮಗುವನ್ನು ಆಸೆಯನ್ನು ಹೊಂದಿದ್ದ ಪೋಷಕರು ದೇವರ ಮೇಲೆ ಭಾರ ಹಾಕಿ ಕೊನೆಗೂ ಆರೋಗ್ಯವಂತ ಮಗುವನ್ನು ಪಡೆದಿದ್ದಾರೆ.

English summary

Bangaluru: Born at 27th week, the baby survived after 5 months of hospital care.